Opponent
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 192-b. — ziyouz.com
Opponent (lot. opponens — e'tiroz bildiruvçi) — 1) bahsda qarşi taraf; 2) ilmiy ma'ruza yoki himoya qilinadigan dissertatsiyani tanqidiy taxlil qila oladigan, baxrlay biladigan, ma'ruzaçi yoki dissertantga e'tiroz bildira oladigan şaxs. Özbekistonda fan nomzodi ilmiy darajasini oliş uçun qilinayotgan dissertatsiya himoyasida kamida 2 rasmiy O. (biri dissertantning ixtisosligi böyiça fan dri yoki prof., ikkinçi-si fan nomzodi yoki fanning şu sohasi böyiça yetakçi mutaxassis), fan doktori ilmiy darajasini oliş uçun qilinayotgan dissertatsiya himoyasida kamida 3 rasmiy O. (ular fan dri yoki prof., mumkin qadar dissertant faoliyat yuritayotgan taşkilotdan boşqa taşkilotlardan) belgilanadi. Dissertatsiya himoyasida norasmiy O.larning soni çeklanmaydi. Rasmiy O.lar dissertatsiyani çuqur va har tomonlama tahlil etişlari, şu asosda dissertatsiyaning belgilangan talabga qay darajada javob berişligini, uning ilmiy-nazariy va amaliy ahamiyatini baholagan holda taqriz tayyorlaşlari lozim. Öz qaraşlari b-n O. dissertatsiya himoyasida va uning ilmiy kengaşdagi muhokamasida qatnaşadi.
Asl matn (kirill, PDF'dagidek)
ОППОНЕНТ (лот. opponens — эътироз билдирувчи) — 1) баҳсда қарши тараф; 2) илмий маъруза ёки ҳимоя қилинадиган диссертацияни танқидий тахлил қила оладиган, бахрлай биладиган, маърузачи ёки диссертантга эътироз билдира оладиган шахс. Ўзбекистонда фан номзоди илмий даражасини олиш учун қилинаётган диссертация ҳимоясида камида 2 расмий О. (бири диссертантнинг ихтисослиги бўйича фан дри ёки проф., иккинчи-си фан номзоди ёки фаннинг шу соҳаси бўйича етакчи мутахассис), фан доктори илмий даражасини олиш учун қилинаётган диссертация ҳимоясида камида 3 расмий О. (улар фан дри ёки проф., мумкин қадар диссертант фаолият юритаётган ташкилотдан бошқа ташкилотлардан) белгиланади. Диссертация ҳимоясида норасмий О.ларнинг сони чекланмайди. Расмий О.лар диссертацияни чуқур ва ҳар томонлама таҳлил этишлари, шу асосда диссертациянинг белгиланган талабга қай даражада жавоб беришлигини, унинг илмий-назарий ва амалий аҳамиятини баҳолаган ҳолда тақриз тайёрлашлари лозим. Ўз қарашлари б-н О. диссертация ҳимоясида ва унинг илмий кенгашдаги муҳокамасида қатнашади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.