Öquv dasturi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 224-b. — ziyouz.com
Öquv dasturi — ta'lim tizimidagi har bir öquv fanining mazmuni va ötiliş tartibini, öquvçilar tomonidan özlaştirilişi lozim bölgan bilim hamda könikmalar hajmini belgilab beradigan rasmiy pedagogik hujjat. Özbekistonda Ö.d. tegişli vazirliklar qoşidagi ilmiy metodik kengaşlar tomonidan tasdiqlanadi. Har bir Ö.d. uqtiriş xati, öquv fani mazmunining qisqa bayoni, öquvçilarning bilim va könikmalariga qöyiladigan talablar singari 3 qismdan iborat. Öquv fanining maqsad va vazifalarini belgilab beriş Ö.d.ning muhim belgisidir. Çunki ayni şu narsa yaratiladigan öquv darsligi muallifiga muayyan nuqtai nazarni tanlaş, öqituvçiga esa pedagogik möljalni töğri belgilaş imkonini beradi. Ta'lim amaliyotida Ö.d. yaratişning konsentrik (markazlaşgan) hamda tizimli usullari bor. Konsentrik yöl bilan tuzilgan Ö.d.da ta'limning mazmuni yoki öquv materiallari öqitişning keyingi bosqiçida yuksakroq darajada takrorlanişi közda tutiladi. Boşlanğiç sinflarda ötiladigan öquv fanlari böyiça Ö.d.lari şu usudda tuziladi. Tizimli usuddagi Ö.d.larida öquv materiallari fan mantiğiga muvofiq soddadan murakkabga qarab ketmaket joylaştiriladi. Maktabning boşlanğiç sinfdan keyingi bosqiçlarida qöllaniladigan bu usudda ortiqça takrorlarga yöl qöyilmaydi, har bir mavzuning öz örnida ötilişi közda tutiladi. Ta'limning Ö.d. tomonidan belgilangan mazmuni darslik, öquv qöllanmalari, körgazmali qurol va metodik tavsiyalarda töla namoyon böladi.
Asl matn (kirill, PDF'dagidek)
ЎҚУВ ДАСТУРИ — таълим тизимидаги ҳар бир ўқув фанининг мазмуни ва ўтилиш тартибини, ўқувчилар томонидан ўзлаштирилиши лозим бўлган билим ҳамда кўникмалар ҳажмини белгилаб берадиган расмий педагогик ҳужжат. Ўзбекистонда Ў.д. тегишли вазирликлар қошидаги илмий методик кенгашлар томонидан тасдиқланади. Ҳар бир Ў.д. уқтириш хати, ўқув фани мазмунининг қисқа баёни, ўқувчиларнинг билим ва кўникмаларига қўйиладиган талаблар сингари 3 қисмдан иборат. Ўқув фанининг мақсад ва вазифаларини белгилаб бериш Ў.д.нинг муҳим белгисидир. Чунки айни шу нарса яратиладиган ўқув дарслиги муаллифига муайян нуқтаи назарни танлаш, ўқитувчига эса педагогик мўлжални тўғри белгилаш имконини беради. Таълим амалиётида Ў.д. яратишнинг концентрик (марказлашган) ҳамда тизимли усуллари бор. Концентрик йўл билан тузилган Ў.д.да таълимнинг мазмуни ёки ўқув материаллари ўқитишнинг кейинги босқичида юксакроқ даражада такрорланиши кўзда тутилади. Бошланғич синфларда ўтиладиган ўқув фанлари бўйича Ў.д.лари шу усудда тузилади. Тизимли усуддаги Ў.д.ларида ўқув материаллари фан мантиғига мувофиқ соддадан мураккабга қараб кетмакет жойлаштирилади. Мактабнинг бошланғич синфдан кейинги босқичларида қўлланиладиган бу усудда ортиқча такрорларга йўл қўйилмайди, ҳар бир мавзунинг ўз ўрнида ўтилиши кўзда тутилади. Таълимнинг Ў.д. томонидан белгиланган мазмуни дарслик, ўқув қўлланмалари, кўргазмали қурол ва методик тавсияларда тўла намоён бўлади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.