Öquv fani
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 225-b. — ziyouz.com
Öquv fani — öquv yurtlarida örganiş uçun fan, texnika, san'at, işlab çiqariş faoliyati va boşqalar muayyan sohalardan tanlab olingan bilim, malaka va könikmalar tizimi. Ö.f.ning mazmuni şu Ö.f. böyiça joriy etilgan davlat ta'lim standarti, öquv dasturi va darsliklarda öz aksini topadi. Xususan, ÖzRda umumiy örta ta'lim maktablari (1—9sinflar) uçun 22 nomda Ö.f. joriy etilgan. Urta maxsus va oliy öquv yurtlari uçun Ö.f.ning soni mazkur öquv yurtlarining ta'lim yönalişlaridan kelib çiqqan holda, Ö.f.ning tarkibi, uni örganişdagi özaro aloqadorlik va izçillik öquv rejasi bilan belgilanadi. Mazmuniga köra, umumiy ta'lim (umumilmiy) hamda mutaxassisni tayyorlaşda kasbini belgilovçi maxsus Ö.f.ga ajraladi. Ö.f.ning soni, hajmi tegişli vazirlik va boşqalar markaziy boşqaruv organlari tavsiyasiga binoan Özbekiston Respublikasi Vazirlar Mahkamasi tomonidan tasdiqlanadi.
Asl matn (kirill, PDF'dagidek)
ЎҚУВ ФАНИ — ўқув юртларида ўрганиш учун фан, техника, санъат, ишлаб чиқариш фаолияти ва бошқалар муайян соҳалардан танлаб олинган билим, малака ва кўникмалар тизими. Ў.ф.нинг мазмуни шу Ў.ф. бўйича жорий этилган давлат таълим стандарти, ўқув дастури ва дарсликларда ўз аксини топади. Хусусан, ЎзРда умумий ўрта таълим мактаблари (1—9синфлар) учун 22 номда Ў.ф. жорий этилган. Урта махсус ва олий ўқув юртлари учун Ў.ф.нинг сони мазкур ўқув юртларининг таълим йўналишларидан келиб чиққан ҳолда, Ў.ф.нинг таркиби, уни ўрганишдаги ўзаро алоқадорлик ва изчиллик ўқув режаси билан белгиланади. Мазмунига кўра, умумий таълим (умумилмий) ҳамда мутахассисни тайёрлашда касбини белгиловчи махсус Ў.ф.га ажралади. Ў.ф.нинг сони, ҳажми тегишли вазирлик ва бошқалар марказий бошқарув органлари тавсиясига биноан Ўзбекистон Республикаси Вазирлар Маҳкамаси томонидан тасдиқланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.