Ördaksimonlar
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 144–145-b. — ziyouz.com
Ördaksimonlar ğozsimonlar turkumiga mansub suvda suzuvçi quşlar oilasi. Tanasining uz. 29—150 sm. Tumşuği qirralari böylab joylaşgan tişçalari va köndalang plastinkalari filtrlovçi apparatni hosil qiladi. Köpçilik turlarida jinsiy dimorfizm yaxşi rivojlangan: erkagi yirikroq va çiroyliroq, rangli böladi. Dum usti bezlari yirik. Panjalarida pardasi bor. Patlari tiğiz joylaşgan, parlar yaxşi rivojlangan. Ayrim turlari uçolmaydi. Köpçilik Ö. yaxşi şönğiydi; oziğini suvdan yoki suv tubidan topib oladi. 47 uruği, 150 ga yaqin turi bor. Yer yuzida keng tarqalgan. Özbekistonda oqquşlar, yaezlar, çeravalar, oqboşlar, angirtlar, suralayğozlar, asl ördaklar, şönğuvçi ördaklar va boşqalar uruğlariga mansub 25 turi tarqalgan; 8 turi uya quradi, qolgan turlari quşlar uçib ötişi davrida uçraydi. Ö. juft bölib yaşaydi, uroğoçisi 2 tadan 16 tagaça tuxum qöyib, jöja oçadi. Janubiy Amerikada tarqalgan ayrim turlari tuxumini boşqa quşlar iniga qöyadi. Köpçilik Ö. ovlanadi.
Asl matn (kirill, PDF'dagidek)
ЎРДАКСИМОНЛАР ғозсимонлар туркумига мансуб сувда сузувчи қушлар оиласи. Танасининг уз. 29—150 см. Тумшуғи қирралари бўйлаб жойлашган тишчалари ва кўндаланг пластинкалари фильтрловчи аппаратни ҳосил қилади. Кўпчилик турларида жинсий диморфизм яхши ривожланган: эркаги йирикроқ ва чиройлироқ, рангли бўлади. Дум усти безлари йирик. Панжаларида пардаси бор. Патлари тиғиз жойлашган, парлар яхши ривожланган. Айрим турлари учолмайди. Кўпчилик Ў. яхши шўнғийди; озиғини сувдан ёки сув тубидан топиб олади. 47 уруғи, 150 га яқин тури бор. Ер юзида кенг тарқалган. Ўзбекистонда оққушлар, яэзлар, черавалар, оқбошлар, ангиртлар, суралайғозлар, асл ўрдаклар, шўнғувчи ўрдаклар ва бошқалар уруғларига мансуб 25 тури тарқалган; 8 тури уя қуради, қолган турлари қушлар учиб ўтиши даврида учрайди. Ў. жуфт бўлиб яшайди, уроғочиси 2 тадан 16 тагача тухум қўйиб, жўжа очади. Жанубий Америкада тарқалган айрим турлари тухумини бошқа қушлар инига қўяди. Кўпчилик Ў. овланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.