Örmon boği
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 150-b. — ziyouz.com
Örmon boği (parki) — şaharlar, sanoat markazlari, sanoat şaharçalarining yaşil zonalarida obodonlaştirilgan örmon massivi. Yirik şaharlar, mamlakatlar poytaxtlari atroflarida Ö.b.lar tizimi örmonlardan iborat ihota halqalarini hosil qiladi. Ö.b. manzarali joylarda barpo etiladi, hududni obodonlaştiradi, landşaftni boyitadi, aholining dam olişiga xizmat qiladi. Ö.b. bir neça yuzdan 2—3 ming ga va undan ortiq maydonni egallaşi mumkin. Ö.b. barpo etişda tabiiy landşaftni saqlab qolişga, köp yil yaşaydigan, tabiiyiqlim şaroitiga yaxşi moslaşgan, manzarali va noyob daraxtbutalar ekişga alohida e'tibor beriladi. Toşkent şahri yaqinidagi Dendropark, Kattaqörğon suv ombori atroflarida barpo etilgan pistazorlar, Andijon şahridagi Boğişamol boği Ö.b. namunalari hisoblanadi.
Ayrim örmonçilik xöjaliklarida toğli hududlardagi örmon massivlarida yovvoyi mevali daraxtlarga qalamça yoki kurtak payvand usulida qimmatli madaniy meva navlari (olma, nok, gilos, olxöri va boşqalar) ulanib hosil qilingan boğlar ham Ö.b. deyiladi. Bunday boğlar Çirçiq örmon xöjaligida taşkil etilgan.
Asl matn (kirill, PDF'dagidek)
ЎРМОН БОҒИ (парки) — шаҳарлар, саноат марказлари, саноат шаҳарчаларининг яшил зоналарида ободонлаштирилган ўрмон массиви. Йирик шаҳарлар, мамлакатлар пойтахтлари атрофларида Ў.б.лар тизими ўрмонлардан иборат иҳота ҳалқаларини ҳосил қилади. Ў.б. манзарали жойларда барпо этилади, ҳудудни ободонлаштиради, ландшафтни бойитади, аҳолининг дам олишига хизмат қилади. Ў.б. бир неча юздан 2—3 минг га ва ундан ортиқ майдонни эгаллаши мумкин. Ў.б. барпо этишда табиий ландшафтни сақлаб қолишга, кўп йил яшайдиган, табиийиқлим шароитига яхши мослашган, манзарали ва ноёб дарахтбуталар экишга алоҳида эътибор берилади. Тошкент шаҳри яқинидаги Дендропарк, Каттақўрғон сув омбори атрофларида барпо этилган пистазорлар, Андижон шаҳридаги Боғишамол боғи Ў.б. намуналари ҳисобланади.
Айрим ўрмончилик хўжаликларида тоғли ҳудудлардаги ўрмон массивларида ёввойи мевали дарахтларга қаламча ёки куртак пайванд усулида қимматли маданий мева навлари (олма, нок, гилос, олхўри ва бошқалар) уланиб ҳосил қилинган боғлар ҳам Ў.б. дейилади. Бундай боғлар Чирчиқ ўрмон хўжалигида ташкил этилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.