Örta Osiyo markaz magistral gaz yöli
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 169–170-b. — ziyouz.com
Örta Osiyo markaz magistral gaz yöli — Rossiyaning sanoat r-nlarini Özbekiston va Turkmanistondagi gaz konlaridan olinadigan tabiiy gaz bilan ta'minlaydigan yirik gaz quvuri. Uning 1navbati 1967 yilda işga tuşirilgan, unda diametri 700 dan 1220 mm gaça bölgan quvurlar qöllanilgan. Umumiy uz. 6542,1 km. Şatlik (Turkmaniston) gaz koni oçilişi bilan magistralning yana bir yöli qurilib, işga tuşirilgan. Uni qurişda katta diametr (1420 mm)li quvurlardan, zamonaviy gaz tortuvçi agregatlardan foydalanilgan. Magistralning 1, 2, 3gaz quvurlariga Uçqur va Şaxpaqti (Özbekiston) hamda Gugurtli, Naip, Oçoq (Turkmaniston), 4gaz quvuriga Şatlik, Bayramali va Kirpiçli konlaridan gaz olingan. Magistralning umumiy uz. (bir izli hisobda) 1350 ming km ni, jumladan, Örta Osiyo hududida 4,35 ming km, Özbekiston hududida 1490,6 km ni taşkil qiladi. 2004 yilda Rossiyaning «Gazprom» kompaniyasi bilan «Özbekneftgaz» milliy xolding kompaniyasi örtasida hamkorlikda Şaxpaqti (Çaqmoqli) konini qayta rekonstruksiya qiliş investitsiya loyihasi böyiça mahsulotni böliş va Rossiya hissasini mazkur magistral orqali jönatiş haqida uzoq muddatli bitim imzolandi. Özbekiston hududida gaz yöliga «Özneftgaz» milliy xolding kompaniyasiga qaraşli «Öztransgaz» aksiyadorlik jamiyati xizmat körsatadi. Magistral tizimida yirik gaz kompressor st-yalari qurilgan. 2004 yilda bu magistral orqali Özbekistondan 7 mlrd. m3 gaz eksport qilindi.
Asl matn (kirill, PDF'dagidek)
ЎРТА ОСИЁ МАРКАЗ МАГИСТРАЛ ГАЗ ЙЎЛИ — Россиянинг саноат р-нларини Ўзбекистон ва Туркманистондаги газ конларидан олинадиган табиий газ билан таъминлайдиган йирик газ қувури. Унинг 1навбати 1967 йилда ишга туширилган, унда диаметри 700 дан 1220 мм гача бўлган қувурлар қўлланилган. Умумий уз. 6542,1 км. Шатлик (Туркманистон) газ кони очилиши билан магистралнинг яна бир йўли қурилиб, ишга туширилган. Уни қуришда катта диаметр (1420 мм)ли қувурлардан, замонавий газ тортувчи агрегатлардан фойдаланилган. Магистралнинг 1, 2, 3газ қувурларига Учқур ва Шахпақти (Ўзбекистон) ҳамда Гугуртли, Наип, Очоқ (Туркманистон), 4газ қувурига Шатлик, Байрамали ва Кирпичли конларидан газ олинган. Магистралнинг умумий уз. (бир изли ҳисобда) 1350 минг км ни, жумладан, Ўрта Осиё ҳудудида 4,35 минг км, Ўзбекистон ҳудудида 1490,6 км ни ташкил қилади. 2004 йилда Россиянинг «Газпром» компанияси билан «Ўзбекнефтгаз» миллий холдинг компанияси ўртасида ҳамкорликда Шахпақти (Чақмоқли) конини қайта реконструкция қилиш инвестиция лойиҳаси бўйича маҳсулотни бўлиш ва Россия ҳиссасини мазкур магистрал орқали жўнатиш ҳақида узоқ муддатли битим имзоланди. Ўзбекистон ҳудудида газ йўлига «Ўзнефтгаз» миллий холдинг компаниясига қарашли «Ўзтрансгаз» акциядорлик жамияти хизмат кўрсатади. Магистрал тизимида йирик газ компрессор ст-ялари қурилган. 2004 йилда бу магистрал орқали Ўзбекистондан 7 млрд. м3 газ экспорт қилинди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.