Öş teatri
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 219-b. — ziyouz.com
Öş teatri ÖŞ TEATRI, Bobur nomidagi Öş özbek akademik teatri — Örta Osiyodagi keksa teatrlardan biri. Dastlab dramatik truppa sifatida taşkil topgan. Jamoa 1929 yil professional teatr maqomiga ega bölgan. Taşkilotçilari Beknazar Nazarov, Rahmonberdi Madazimov, Ibrohim Madazimov va boşqalar Abduqodir Ishoqov, Jöraxon Zaynobiddinov, Isroiljon Ismoilov, Jalil Sobitov kabilar teatrning ilk ijodkorlaridir. Truppaning birinçi tölaqonli asari «Turkiston tabibi» (M. Uyğur) bölgan. Teatrning birinçi rahbari Ahmadjon Töxtamatov teatrning professional teatr sifatida şakllanişi va yuksalişiga katta hissa qöşgan. Teatr öz faoliyati davomida 600 dan ortiq jahon, özbek, qirğiz mumtoz va zamonaviy dramaturgiyasidan namunalar sahnalaştirgan. Tojixon Hasanova, Laylixon Moidova, Roziya Möminova, Tursunxon Soliyeva, Ne'matjon Ne'matov, Tolibjon Badinov, Yorqinoy Hotamova va boşqalarning teatrda ğoyaviybadiiy jihatdan mukammal milliy sahna san'ati yaratilişida, teatr öz mavqeini mustahkamlaşida xizmatlari alohida «Tohir va Zuhra» (S.Abdulla), «Makbet» (U.Şekspir), «Alpomiş», «Manas», «Ravşan va Zulxumor» (K.Yaşin). «Bobur haqida qöşiq» (P. Qodirov), «Uluğbekning muhabbati» (M. Şayxzoda), «Çingizxon olib ketgan sir» (M.Şaxanov), «Qamçibek» (S. Jetmişov), «Ölmoqçiman homiy kerak» (M.Gaparov), «Sohibqiron» (A.Oripov), «Farhod va Şirin» (Xurşid) va boşqalar eng yaxşi spektakllaridir. 1992 yil teatrga Bobur nomi, 2004 yil «akademik» nomi berildi.
Oytoji Şobdonova, Şavkat Dadajonov, Mahmudjon Rahmatov, Bahromjon Töxtamatov, Ziyoviddin Jalolov, Umarjon Mamirov, Rejab Tojiboyev, Rasuljon Uraimjonov, Dilorom Soipova, Samida Xolmatova kabilar teatrning yetakçi aktyorlaridir. Badiiy rahbari Baxtiyor Töxtamatov, boş rej. Ğanijon Xolmatov.
Eson Örinov.
Asl matn (kirill, PDF'dagidek)
ЎШ ТЕАТРИ, Бобур номидаги Ўш ўзбек академик театри — Ўрта Осиёдаги кекса театрлардан бири. Дастлаб драматик труппа сифатида ташкил топган. Жамоа 1929 йил профессионал театр мақомига эга бўлган. Ташкилотчилари Бекназар Назаров, Раҳмонберди Мадазимов, Иброҳим Мадазимов ва бошқалар Абдуқодир Исҳоқов, Жўрахон Зайнобиддинов, Исроилжон Исмоилов, Жалил Собитов кабилар театрнинг илк ижодкорларидир. Труппанинг биринчи тўлақонли асари «Туркистон табиби» (М. Уйғур) бўлган. Театрнинг биринчи раҳбари Аҳмаджон Тўхтаматов театрнинг профессионал театр сифатида шаклланиши ва юксалишига катта ҳисса қўшган. Театр ўз фаолияти давомида 600 дан ортиқ жаҳон, ўзбек, қирғиз мумтоз ва замонавий драматургиясидан намуналар саҳналаштирган. Тожихон Ҳасанова, Лайлихон Моидова, Розия Мўминова, Турсунхон Солиева, Неъматжон Неъматов, Толибжон Бадинов, Ёрқиной Ҳотамова ва бошқаларнинг театрда ғоявийбадиий жиҳатдан мукаммал миллий саҳна санъати яратилишида, театр ўз мавқеини мустаҳкамлашида хизматлари алоҳида «Тоҳир ва Зуҳра» (С.Абдулла), «Макбет» (У.Шекспир), «Алпомиш», «Манас», «Равшан ва Зулхумор» (К.Яшин). «Бобур ҳақида қўшиқ» (П. Қодиров), «Улуғбекнинг муҳаббати» (М. Шайхзода), «Чингизхон олиб кетган сир» (М.Шаханов), «Қамчибек» (С. Жетмишов), «Ўлмоқчиман ҳомий керак» (М.Гапаров), «Соҳибқирон» (А.Орипов), «Фарҳод ва Ширин» (Хуршид) ва бошқалар энг яхши спектаклларидир. 1992 йил театрга Бобур номи, 2004 йил «академик» номи берилди.
Ойтожи Шобдонова, Шавкат Дадажонов, Маҳмуджон Раҳматов, Баҳромжон Тўхтаматов, Зиёвиддин Жалолов, Умаржон Мамиров, Режаб Тожибоев, Расулжон Ураимжонов, Дилором Соипова, Самида Холматова кабилар театрнинг етакчи актёрларидир. Бадиий раҳбари Бахтиёр Тўхтаматов, бош реж. Ғанижон Холматов.
Эсон Ўринов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.