Otajon Xudoyşukurov
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 266-b. — ziyouz.com
Xudoyşukurov Otajon (1944. 4.10 — Törtköl — 1994.22.12) — xonanda; Özbekiston (1977) va Qoraqalpoğiston (1970) xalq artisti. Aşula aytişni amakisi xonanda Y. Olloşukurovdan örgangan, keyingi ustozlari K.Otaniyozov, Nazir qori, J.Bekçonov va b. 1963 y.dan Qoraqalpoq davlat filarmoniyasida yakkaxon xonanda. Repertuaridan mumtoz aşulalar («Feruz I—II», «Xorazm Segohi», «Bozurgoniy», «Qöşçinor», «Guluzorim», «Kurd Eşvoyi», «Samarqand uşşoği», «Toşkent Iroği» va b.), Xorazm doston noma (qöşiq)lari («Najab öğlon» dostonidan «Kimni sevar yorisan», «Bahrom va Gulandom»dan «Ayriliq», «Avazxon»dan «Qalandarim»), kompozitor va bastakorlar asarlari («Közlaring sening», «Özbekistonim», «Ra'no bölayin deb», «Soğinib keldim» va b.), şuningdek, turkman, ozarbayjon, qoraqalpoq, qozoq va qirğiz xalq qöşiqlari örin olgan. X. sozanda (torçi) va özi aytadigan («Mujgonlaring», «Olamda bir», «Birinçi muhabbatim» kabi 300 dan ortiq) qöşiqlarning bastakori sifatida ham tanilgan. X. jozibali, çiroyli tembrli, keng, barça pardalarda ravon va jarangdor ovoz sohibi. Uning qöşiqlaridagi ehtiros, şijoat va jöşqinlik, mazmuniy teranlik kabi xislatlar tinglovçilar qalbidan çuqur joy olgan. Hamza nomidagi Özbekiston Davlat mukofoti laureati (1974). 1999 y.dan Otajon Xudoyşukurov nomida yoş xonandalarning Respublika tanlovi ötkazilmoqda. Ellikqal'a va Törtköldagi köça, xiyobon va boğlarga X. nomi berilgan.
Asl matn (kirill, PDF'dagidek)
ХУДОЙШУКУРОВ Отажон (1944. 4.10 — Тўрткўл — 1994.22.12) — хонанда; Ўзбекистон (1977) ва Қорақалпоғистон (1970) халқ артисти. Ашула айтишни амакиси хонанда Й. Оллошукуровдан ўрганган, кейинги устозлари К.Отаниёзов, Назир қори, Ж.Бекчонов ва б. 1963 й.дан Қорақалпоқ давлат филармониясида яккахон хонанда. Репертуаридан мумтоз ашулалар («Феруз I—II», «Хоразм Сегоҳи», «Бозургоний», «Қўшчинор», «Гулузорим», «Курд Эшвойи», «Самарқанд ушшоғи», «Тошкент Ироғи» ва б.), Хоразм достон нома (қўшиқ)лари («Нажаб ўғлон» достонидан «Кимни севар ёрисан», «Баҳром ва Гуландом»дан «Айрилиқ», «Авазхон»дан «Қаландарим»), композитор ва бастакорлар асарлари («Кўзларинг сенинг», «Ўзбекистоним», «Раъно бўлайин деб», «Соғиниб келдим» ва б.), шунингдек, туркман, озарбайжон, қорақалпоқ, қозоқ ва қирғиз халқ қўшиқлари ўрин олган. X. созанда (торчи) ва ўзи айтадиган («Мужгонларинг», «Оламда бир», «Биринчи муҳаббатим» каби 300 дан ортиқ) қўшиқларнинг бастакори сифатида ҳам танилган. X. жозибали, чиройли тембрли, кенг, барча пардаларда равон ва жарангдор овоз соҳиби. Унинг қўшиқларидаги эҳтирос, шижоат ва жўшқинлик, мазмуний теранлик каби хислатлар тингловчилар қалбидан чуқур жой олган. Ҳамза номидаги Ўзбекистон Давлат мукофоти лауреати (1974). 1999 й.дан Отажон Худойшукуров номида ёш хонандаларнинг Республика танлови ўтказилмоқда. Элликқалъа ва Тўрткўлдаги кўча, хиёбон ва боғларга X. номи берилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.