Ovanes Tadevosoviç Tumanyan
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 686-b. — ziyouz.com
Tumanyan Ovanes Tadevosoviç [1869.7(19).2, — Armaniston hoz. Tumanyan tumani Dseh qişloği — 1923.23.3, Moskva] — arman yozuvçisi va jamoat arbobi. Tbilisidagi arman diniy konsistoriyasida, söng arman naşriyotlar jamiyati idorasida (1887—93), «Asker» bolalar jurnalida (1905) işlagan. Arman yozuvçilarining Kavkaz jamiyati (1912— 21), Armanistonga yordam qömitasi raisi (1921—22). T. millatlararo qonli töqnaşuvlarga (1905—07) qarşi çiqqan, 2 marta (1908, 1911) qamalgan. 1899 y.da T. rahbarligida Tbilisida «Vernatun» adabiy tögaragi taşkil qilingan. «Şe'rlar» töplamlari (1—2j.lar, 1890—92) naşr etilgan. 90-y.larda yaratgan qator şe'r, doston va balladalarida ijtimoiypsixologik konfliktlar, arman xalqi urfodatlari folklor an'analarida aks ettirilgan. Dostonlari dehqonlar hayoti haqida («Maro», 1887; «Loretsi sako», 1889; «Anuş», 1890 va b.). «Sosunlik Dovud» dostoni (1902), «Oxtamar» (1892), «Parvona» (1903), «Asal tomçisi» (1909), «Şoh va xabarçi» (1917) balladalari arman va şarq afsonalari asosida yaratilgan. Bolalarga bağişlab bir qança asarlar yozgan («Muşuk va kuçuk», «Baxtsiz savdogar» va b.). Ayrim asarlari özbek tiliga tarjima qilingan («Mening qöşiğim», «Şe'rlar», «Poemalar», 1962, «Oxtamar», «Afsonalar», 1972 va b.).
Asl matn (kirill, PDF'dagidek)
ТУМАНЯН Ованес Тадевосович [1869.7(19).2, — Арманистон ҳоз. Туманян тумани Дсеҳ қишлоғи — 1923.23.3, Москва] — арман ёзувчиси ва жамоат арбоби. Тбилисидаги арман диний консисториясида, сўнг арман нашриётлар жамияти идорасида (1887—93), «Аскер» болалар журналида (1905) ишлаган. Арман ёзувчиларининг Кавказ жамияти (1912— 21), Арманистонга ёрдам қўмитаси раиси (1921—22). Т. миллатлараро қонли тўқнашувларга (1905—07) қарши чиққан, 2 марта (1908, 1911) қамалган. 1899 й.да Т. раҳбарлигида Тбилисида «Вернатун» адабий тўгараги ташкил қилинган. «Шеърлар» тўпламлари (1—2ж.лар, 1890—92) нашр этилган. 90-й.ларда яратган қатор шеър, достон ва балладаларида ижтимоийпсихологик конфликтлар, арман халқи урфодатлари фольклор анъаналарида акс эттирилган. Достонлари деҳқонлар ҳаёти ҳақида («Маро», 1887; «Лореци сако», 1889; «Ануш», 1890 ва б.). «Сосунлик Довуд» достони (1902), «Охтамар» (1892), «Парвона» (1903), «Асал томчиси» (1909), «Шоҳ ва хабарчи» (1917) балладалари арман ва шарқ афсоналари асосида яратилган. Болаларга бағишлаб бир қанча асарлар ёзган («Мушук ва кучук», «Бахтсиз савдогар» ва б.). Айрим асарлари ўзбек тилига таржима қилинган («Менинг қўшиғим», «Шеърлар», «Поэмалар», 1962, «Охтамар», «Афсоналар», 1972 ва б.).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.