Oynatoş
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 77-b. — ziyouz.com
Oynatoş OYNATOŞ, sangi oyna — tekis yuzali közgusimon toş. Qirğiziston Respublikasi Öş viloyati Botkent tumanidagi Qoraboğ qişloğidan 800 m çamasi jan.- şarqda, Turkiston tizmasining şim. yon bağrida joylaşgan. Uning yaqinidan Yaypan — Şörsuv — Botkent avtomobil yöli ötadi. O. töğrisidagi yozma ma'lumotlar «Boburnoma»da ham keltirilgan. Bobur öz asarida şunday yozadi: «...Isfaraningbir narida janub sori puştalarning orasida bir parça toş tuşubdur, «sangi oyna» derlar, uzunliği taxminan ön kari bölğay, balandliği, ba'zi yeri kişi böyi, pastliği ba'zi yeri kişining beliga bölğay, oynadek har nima mungakis bölur». O. haqida mahalliy aholi örtasida turli rivoyatlar töqilgan. O. paleozoy davrining kremniyli slanetslaridan tuzilgan bölib, uz. 18 m, eni 2 m ça. Qiyaligi 38—48° bölgan, jan.ga qaragan yaxlit toş. Toşning yuzasi oynasimon, tekis bölganligidan unda barça predmetlarning aksi aniq körinadi. O. tektonik uzilmaning yuzasida hosil bölgan. Uning yuzasidagi «çandiqlar» uzilma yuzasida bölgan siljişlarning guvohidir.
Asl matn (kirill, PDF'dagidek)
ОЙНАТОШ, санги ойна — текис юзали кўзгусимон тош. Қирғизистон Республикаси Ўш вилояти Боткент туманидаги Қорабоғ қишлоғидан 800 м чамаси жан.- шарқда, Туркистон тизмасининг шим. ён бағрида жойлашган. Унинг яқинидан Яйпан — Шўрсув — Боткент автомобиль йўли ўтади. О. тўғрисидаги ёзма маълумотлар «Бобурнома»да ҳам келтирилган. Бобур ўз асарида шундай ёзади: «...Исфаранингбир нарида жануб сори пушталарнинг орасида бир парча тош тушубдур, «санги ойна» дерлар, узунлиғи тахминан ўн кари бўлғай, баландлиғи, баъзи ери киши бўйи, пастлиғи баъзи ери кишининг белига бўлғай, ойнадек ҳар нима мунгакис бўлур». О. ҳақида маҳаллий аҳоли ўртасида турли ривоятлар тўқилган. О. палеозой даврининг кремнийли сланецларидан тузилган бўлиб, уз. 18 м, эни 2 м ча. Қиялиги 38—48° бўлган, жан.га қараган яхлит тош. Тошнинг юзаси ойнасимон, текис бўлганлигидан унда барча предметларнинг акси аниқ кўринади. О. тектоник узилманинг юзасида ҳосил бўлган. Унинг юзасидаги «чандиқлар» узилма юзасида бўлган силжишларнинг гувоҳидир.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.