Özbek davlat sayyor konsert etnografik truppasi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 5-b. — ziyouz.com
Özbek davlat sayyor konsert etnografik truppasi — Özbekistonda ilk professional aşula va raqs ansambli. 1926 yil Özbekiston xalq maorifi komissarligi qoşida M.Qoriyoqubov taşabbusi bilan va uning rahbarligida taşkil etilgan. Unda xalq san'ati bilimdonlari hamda yoş iste'dodli sozanda, xonanda va raqqos(a) lari töplangan. Ansamblning dastlabki tarkibida Abduqodir nayçi Ismoilov, Ahmadjon qöşnay Umrzoqov, Usta Olim Komilov, Xaitoxun Qurbonov, T.Jalilov, Mamatbuva hofiz Sattorov, Orif garmon Toşmatov, J.Sultonov, Yusufjon qiziq Şakarjonov, Otaxöja Saidxöjayev, Muhammad Bobohoji, Xuloyberdi, Tamaraxonim, Begimxon va Nurxon Yöldoşxöjayevalar, Tuhfaxon, Tojixon, Xalçaxon kabilar bölgan. Uning repertuaridan xalq lapar va yallalari («Bilaguzuk», «Çamannor», «Gulyor»), raqslar («Qarinavo», «Katta öyin»), zamonaviy şsr va qöşiklar, Yusufjon qiziqning dolzarb mavzudagi hajviyalari. şuningdek, turli sahna tomoşalari (mas. Hamzaning «Yer islohoti» va boşqalar) asosiy örin olgan. Ansambl, şuningdek, özbek mumtoz va xalq musiqa namunalarini tarğib qilgan, «Erk bolalari», «Tuyğunoy» (Ğ.Zafariy), «Lolaxon» (K.Yaşin) kabi musiqali spektakllarni sahnalaştirgan. 1927 yil Rossiya, Ukraina, Tatariston, Boşqirdiston, Gruziya, Ozarbayjon, Turkmaniston şaharlarida konsertlar berib şuhrat qozongan. 1929 yil may oyida Özbek davlat musiqali eksperimental ansambli nomi berilgan, oktyabrda Özbek davlat musiqali teatrita aylantirilgan.
Asl matn (kirill, PDF'dagidek)
ЎЗБЕК ДАВЛАТ САЙЁР КОНЦЕРТ ЭТНОГРАФИК ТРУППАСИ — Ўзбекистонда илк профессионал ашула ва рақс ансамбли. 1926 йил Ўзбекистон халқ маорифи комиссарлиги қошида М.Қориёқубов ташаббуси билан ва унинг раҳбарлигида ташкил этилган. Унда халқ санъати билимдонлари ҳамда ёш истеъдодли созанда, хонанда ва раққос(а) лари тўпланган. Ансамблнинг дастлабки таркибида Абдуқодир найчи Исмоилов, Аҳмаджон қўшнай Умрзоқов, Уста Олим Комилов, Хаитохун Қурбонов, Т.Жалилов, Маматбува ҳофиз Сатторов, Ориф гармон Тошматов, Ж.Султонов, Юсуфжон қизиқ Шакаржонов, Отахўжа Саидхўжаев, Муҳаммад Бобоҳожи, Хулойберди, Тамарахоним, Бегимхон ва Нурхон Йўлдошхўжаевалар, Туҳфахон, Тожихон, Халчахон кабилар бўлган. Унинг репертуаридан халқ лапар ва яллалари («Билагузук», «Чаманнор», «Гулёр»), рақслар («Қаринаво», «Катта ўйин»), замонавий шсьр ва қўшиклар, Юсуфжон қизиқнинг долзарб мавзудаги ҳажвиялари. шунингдек, турли саҳна томошалари (мас. Ҳамзанинг «Ер ислоҳоти» ва бошқалар) асосий ўрин олган. Ансамбль, шунингдек, ўзбек мумтоз ва халқ мусиқа намуналарини тарғиб қилган, «Эрк болалари», «Туйғуной» (Ғ.Зафарий), «Лолахон» (К.Яшин) каби мусиқали спектаклларни саҳналаштирган. 1927 йил Россия, Украина, Татаристон, Бошқирдистон, Грузия, Озарбайжон, Туркманистон шаҳарларида концертлар бериб шуҳрат қозонган. 1929 йил май ойида Ўзбек давлат мусиқали экспериментал ансамбли номи берилган, октябрда Ўзбек давлат мусиқали театрита айлантирилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.