«Özbek xalq ijodi»
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 13-b. — ziyouz.com
«Özbek xalq ijodi» — özbek xalq badiiy ijodi namunalaridan tuzilgan köp jildli naşr turkumi (1964—90). Turkumning asosçisi T.Zarifov. Özbekiston FA Til va adabiyot in-tining Folklor bölimi tomonidan şu in-t folklor arxivi materiallari asosida naşrga tayyorlangan. Ğafur Ğulom nomidagi Adabiyot va san'at naşriyotida 37 jildi çop etilgan.
«Intizor. Nurali» (1964), «Murodxon», «Gulixiromon», «Dastagul» (1965), «Göröğlining tuğilişi», «Gulnor pari» (1967), «Gulşanboğ» (1969), «Ergaş Jumanbulbul öğli» (1971—72), «Tohir va Zuhra» (1971), «Orzigul» (1975), «Hasanxon» (1976), «Alpomiş» (1979), «Xoldorxon» (1981), «Oysuluv» (1984). «Balogardon», «Bahrom va Gulandom» (1986), «Erali va Şerali», «Yusuf va Ahmad» (1987), «Malika ayyor» (1988), «Nurali» (1989) kabi jildlarda 65 ta xalq dostoni naşr etilgan bölsa, «Suv qizi», «Oltin olma» (1966), «Oyjamol» (1969), «Gulpari» (1967), «Kulsa — gul, yiğlasa — dur» (1983), «Oltin beşik» (1984), «Zumrad va Qimmat» (1988), «Luqmoni Hakim» (1990) singari jildlar 400 ga yaqin xalq ertaklarini öz içiga olgan. «Latifalar» (1965, 1967, 1969), «Askiya» (1970), «Topişmoqlar» (1981), «Özbek xalq maqollari» (1989) kabilar şu janrlar materiallaridan tuzilgan. «Gulyor» (1967), «Oq olma, qizil olma» (1972), «Sovet davri qöşiqlari» (1983), «Boyçeçak» (1984) kabi jildlar xalq qöşiqlaridan taşkil topgan.
Köp jildlik qat'iy ilmiy tamoyillar asosida naşrga tayyorlangan bölib, unga kiritilgan folklor asarlari bevosita xalq ijodkorlari oğzidan yozib olingan. Naşr ilmiyommabop xarakterga ega. U keng kitobxonlar ommasiga möljallangan. Har bir jildning adadi 60 ming. Rus tilida uşbu naşrdan saylab olingan namunalar asosida «Uzbekskoye narodnoye tvorçestvo» turkumida 10 ga yaqin kitob çop etilgan.
Töra Mirzayev.
Asl matn (kirill, PDF'dagidek)
«ЎЗБЕК ХАЛҚ ИЖОДИ» — ўзбек халқ бадиий ижоди намуналаридан тузилган кўп жилдли нашр туркуми (1964—90). Туркумнинг асосчиси Т.Зарифов. Ўзбекистон ФА Тил ва адабиёт ин-тининг Фольклор бўлими томонидан шу ин-т фольклор архиви материаллари асосида нашрга тайёрланган. Ғафур Ғулом номидаги Адабиёт ва санъат нашриётида 37 жилди чоп этилган.
«Интизор. Нурали» (1964), «Муродхон», «Гулихиромон», «Дастагул» (1965), «Гўрўғлининг туғилиши», «Гулнор пари» (1967), «Гулшанбоғ» (1969), «Эргаш Жуманбулбул ўғли» (1971—72), «Тоҳир ва Зуҳра» (1971), «Орзигул» (1975), «Ҳасанхон» (1976), «Алпомиш» (1979), «Холдорхон» (1981), «Ойсулув» (1984). «Балогардон», «Баҳром ва Гуландом» (1986), «Эрали ва Шерали», «Юсуф ва Аҳмад» (1987), «Малика айёр» (1988), «Нурали» (1989) каби жилдларда 65 та халқ достони нашр этилган бўлса, «Сув қизи», «Олтин олма» (1966), «Ойжамол» (1969), «Гулпари» (1967), «Кулса — гул, йиғласа — дур» (1983), «Олтин бешик» (1984), «Зумрад ва Қиммат» (1988), «Луқмони Ҳаким» (1990) сингари жилдлар 400 га яқин халқ эртакларини ўз ичига олган. «Латифалар» (1965, 1967, 1969), «Аския» (1970), «Топишмоқлар» (1981), «Ўзбек халқ мақоллари» (1989) кабилар шу жанрлар материалларидан тузилган. «Гулёр» (1967), «Оқ олма, қизил олма» (1972), «Совет даври қўшиқлари» (1983), «Бойчечак» (1984) каби жилдлар халқ қўшиқларидан ташкил топган.
Кўп жилдлик қатъий илмий тамойиллар асосида нашрга тайёрланган бўлиб, унга киритилган фольклор асарлари бевосита халқ ижодкорлари оғзидан ёзиб олинган. Нашр илмийоммабоп характерга эга. У кенг китобхонлар оммасига мўлжалланган. Ҳар бир жилднинг адади 60 минг. Рус тилида ушбу нашрдан сайлаб олинган намуналар асосида «Узбекское народное творчество» туркумида 10 га яқин китоб чоп этилган.
Тўра Мирзаев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.