Özbekiston «Adolat» sotsial-demokratik partiyasi

Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 16-b. — ziyouz.com

Özbekiston «Adolat» sotsial-demokratik partiyasi («Adolat» SDP) — Özbekistondagi siyosiy partiyalardan biri. 1995 yil 18 fevla partiya ta'sis qurultoyida tuzilib, Dasturi va Ustavi qabul qilingan va şu kuni ÖzR Adliya vazirligida röyxatdan ötgan. Partiyaning boş maqsadi — Vatan mustaqilligini mustahkamlaş, islohotlarning jadallaşuviga, huquqiydemokratik, adolatli fuqarolik jamiyati barpo etiş va pirovardida, Özbekistonni jahonda rivojlangan mamlakatlar safidan mustahkam örin olişiga munosib hissa qöşiş. Partiyaning ğoyaviy negizini sotsialdemokratiyaning 3 asosiy prinsipi: siyosiy, iqtisodiy va ijtimoiy adolat taşkil etadi. Qonun ustuvorligini ta'minlovçi adolatli ijtimoiy munosabatlar örnatilgandagina odil jamiyat quriş mumkin böladi. «Adolat» partiyasi uşbu yönalişdagi işlarni bajarişni özining asosiy vazifasi deb hisoblaydi. Partiya örtahol va kam ta'minlangan aholi tabaqalariga tayanadi hamda ularning siyosiy, ijtimoiy irodasini namoyon etişga intiladi.

Partiyaga 50411 kişi a'zo (2005 yil 1 yanv.). Ular 3120 dan ortiq boşlanğiç partiya taşkilotlariga birlaşgan. Partiya a'zolarining 30,1 foizi ziyolilar, 24,1 foizi işçilar, 10,3 foizi dehqonlar va q.x. xodimlari, 11,4 foizi nafaqaçi va pensionerlar, 10,2 foizi xizmatçilar, 7,4 foizi tadbirkorlar, 6,4 foizi talabalardir. Qoraqalpoğiston Respublikasi, Toşkent şahri va viloyatlar hamda mamlakatning deyarli barça şahar, tumanlarida partiya Kengaşlari faoliyat körsatmoqda. Samarqand, Toşkent va Farğona viloyat partiya taşkilotlari yirik taşkilotlardir. Qurultoy — partiyaning oliy organi. U partiya Siyosiy kengaşi tomonidan kamida 5 yilda bir marta çaqiriladi. Siyosiy kengaş doimiy işlovçi partiya rahbar organidir. «Adolat» SDPning Özbekiston Respublikasi Oliy Majlisi Qonunçilik palatasidagi fraksiyasi 10 deputatdan taşkil topgan. Fraksiya rahbari — partiya Siyosiy kengaşi birinçi kotibi D.Ğ.Toşmuhamedova. «Adolat» gaz. partiyaning naşriy organidir.

Ravşan Haydarov.

Asl matn (kirill, PDF'dagidek)

ЎЗБЕКИСТОН «АДОЛАТ» СОЦИАЛ-ДЕМОКРАТИК ПАРТИЯСИ («Адолат» СДП) — Ўзбекистондаги сиёсий партиялардан бири. 1995 йил 18 февла партия таъсис қурултойида тузилиб, Дастури ва Устави қабул қилинган ва шу куни ЎзР Адлия вазирлигида рўйхатдан ўтган. Партиянинг бош мақсади — Ватан мустақиллигини мустаҳкамлаш, ислоҳотларнинг жадаллашувига, ҳуқуқийдемократик, адолатли фуқаролик жамияти барпо этиш ва пировардида, Ўзбекистонни жаҳонда ривожланган мамлакатлар сафидан мустаҳкам ўрин олишига муносиб ҳисса қўшиш. Партиянинг ғоявий негизини социалдемократиянинг 3 асосий принципи: сиёсий, иқтисодий ва ижтимоий адолат ташкил этади. Қонун устуворлигини таъминловчи адолатли ижтимоий муносабатлар ўрнатилгандагина одил жамият қуриш мумкин бўлади. «Адолат» партияси ушбу йўналишдаги ишларни бажаришни ўзининг асосий вазифаси деб ҳисоблайди. Партия ўртаҳол ва кам таъминланган аҳоли табақаларига таянади ҳамда уларнинг сиёсий, ижтимоий иродасини намоён этишга интилади.

Партияга 50411 киши аъзо (2005 йил 1 янв.). Улар 3120 дан ортиқ бошланғич партия ташкилотларига бирлашган. Партия аъзоларининг 30,1 фоизи зиёлилар, 24,1 фоизи ишчилар, 10,3 фоизи деҳқонлар ва қ.х. ходимлари, 11,4 фоизи нафақачи ва пенсионерлар, 10,2 фоизи хизматчилар, 7,4 фоизи тадбиркорлар, 6,4 фоизи талабалардир. Қорақалпоғистон Республикаси, Тошкент шаҳри ва вилоятлар ҳамда мамлакатнинг деярли барча шаҳар, туманларида партия Кенгашлари фаолият кўрсатмоқда. Самарқанд, Тошкент ва Фарғона вилоят партия ташкилотлари йирик ташкилотлардир. Қурултой — партиянинг олий органи. У партия Сиёсий кенгаши томонидан камида 5 йилда бир марта чақирилади. Сиёсий кенгаш доимий ишловчи партия раҳбар органидир. «Адолат» СДПнинг Ўзбекистон Республикаси Олий Мажлиси Қонунчилик палатасидаги фракцияси 10 депутатдан ташкил топган. Фракция раҳбари — партия Сиёсий кенгаши биринчи котиби Д.Ғ.Тошмуҳамедова. «Адолат» газ. партиянинг нашрий органидир.

Равшан Ҳайдаров.

Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.