Özbekiston Badiiy akademiyasi Markaziy körgazma zali
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 19-b. — ziyouz.com
Özbekiston Badiiy akademiyasi Markaziy körgazma zali — respublika va Markaziy Osiyodagi eng yirik badiiy körgazma zali; 1974 yil Toşkent şahrida oçilgan (me'mor R. Xayrutdinov). Binosi Şarof Raşidov va «Özbekiston» şohköçalari kesişgan joyda qad kötargan; ekspozitsiya mayd. 2500 kv.m. Bino murabba tarhli, 2 qavatli, bal. 15 m. Mujassamot markazida körgazma zali (zaldagi zina orqali 2qavatga çiqiladi), zal atrofida san'at asarlari sotiladigan badiiy salon, suratlar, amaliy san'at buyumlari xonalari bor. Binoda Özbekiston BA, Özbekiston badiiy ijodkorlar uyuşmasi joylaşgan, ularga taşqaridan alohidaalohida eşiklardan kiriladi. Bino atrofiga toqisimon qilib galereya işlangan, toqi va galereya içi milliy naqşlar bilan jozibador qilib bezatilgan. Bino tarzi konstruktiv elementlari yiğma panellardan zamonaviy uslubda zdda tayyorlangan. Bino bezagida ğozğon marmari, granit, koşin, kiçik me'moriy şakllar işlatilgan, interyer bezaklarida ganç öymakorligidan foydalanilgan.
Bino atrofidagi kökalamzorga haykalçalar joylaştirilgan. Bino 1998—99 ylarda qayta ta'mirlangan.
Körgazma zali yirik xalqaro, respublika, şaxsiy, guruhli va köçma vernisajkörgazmalar (yiliga 50 dan ziyod) ötkazadi; rassomlar, haykaltaroşlar, amaliy bezak san'ati va miniatyura ustalarining, «GretsiyaÖzbekiston. qadimiy madaniy aloqalar», «Toşkent Biyennalesi — 2001 va 2003», «Zargarlik san'ati — 2000, 2002», «Ikuo Xirayama. Buyuk ipak yölida» (2002) körgazmalari şular jumlasidan. Xorijiy elçixonalar, xorijiy mamlakatlarning Özbekistondagi madaniy (Hindiston) va ilmiy (Markaziy Osiyo tadqiqotlari Fransiya inti) markazlari bilan faol hamkorlik qiladi; konferensiyalar, zamonaviy san'atning dolzarb masalalari böyiça «davra uçraşuvlari», bastakorlar, yozuvçilar, kino va teatr ijodiy uyuşmalari namoyandalari iştirokida uçraşuv va keçalar taşkil qiladi. Körgazmalar uçun kataloglar, bukletlar va taklifnomalar naşr etadi.
Asl matn (kirill, PDF'dagidek)
ЎЗБЕКИСТОН БАДИИЙ АКАДЕМИЯСИ МАРКАЗИЙ КЎРГАЗМА ЗАЛИ — республика ва Марказий Осиёдаги энг йирик бадиий кўргазма зали; 1974 йил Тошкент шаҳрида очилган (меъмор Р. Хайрутдинов). Биноси Шароф Рашидов ва «Ўзбекистон» шоҳкўчалари кесишган жойда қад кўтарган; экспозиция майд. 2500 кв.м. Бино мурабба тарҳли, 2 қаватли, бал. 15 м. Мужассамот марказида кўргазма зали (залдаги зина орқали 2қаватга чиқилади), зал атрофида санъат асарлари сотиладиган бадиий салон, суратлар, амалий санъат буюмлари хоналари бор. Бинода Ўзбекистон БА, Ўзбекистон бадиий ижодкорлар уюшмаси жойлашган, уларга ташқаридан алоҳидаалоҳида эшиклардан кирилади. Бино атрофига тоқисимон қилиб галерея ишланган, тоқи ва галерея ичи миллий нақшлар билан жозибадор қилиб безатилган. Бино тарзи конструктив элементлари йиғма панеллардан замонавий услубда здда тайёрланган. Бино безагида ғозғон мармари, гранит, кошин, кичик меъморий шакллар ишлатилган, интерьер безакларида ганч ўймакорлигидан фойдаланилган.
Бино атрофидаги кўкаламзорга ҳайкалчалар жойлаштирилган. Бино 1998—99 йларда қайта таъмирланган.
Кўргазма зали йирик халқаро, республика, шахсий, гуруҳли ва кўчма вернисажкўргазмалар (йилига 50 дан зиёд) ўтказади; рассомлар, ҳайкалтарошлар, амалий безак санъати ва миниатюра усталарининг, «ГрецияЎзбекистон. қадимий маданий алоқалар», «Тошкент Биенналеси — 2001 ва 2003», «Заргарлик санъати — 2000, 2002», «Икуо Хираяма. Буюк ипак йўлида» (2002) кўргазмалари шулар жумласидан. Хорижий элчихоналар, хорижий мамлакатларнинг Ўзбекистондаги маданий (Ҳиндистон) ва илмий (Марказий Осиё тадқиқотлари Франция инти) марказлари билан фаол ҳамкорлик қилади; конференциялар, замонавий санъатнинг долзарб масалалари бўйича «давра учрашувлари», бастакорлар, ёзувчилар, кино ва театр ижодий уюшмалари намояндалари иштирокида учрашув ва кечалар ташкил қилади. Кўргазмалар учун каталоглар, буклетлар ва таклифномалар нашр этади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.