Özbekiston bastakorlar uyuşmasi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 20–21-b. — ziyouz.com
Özbekiston bastakorlar uyuşmasi — respublikada bastakor, kompozitor va musiqaşunoslarni birlaştiruvçi ijodiy jamoat taşkiloti. 1938 yil Özbekiston kompozitorlar uyuşmasi nomi bilan taşkil etilgan, birinçi raisi T.Sodiqov. 1995 yildan hoz. nomda. Asosiy vazifalari: Özbekiston musiqa san'atini keng kölamda boyitiş va yuksaltiriş, milliy musiqa an'analarini asrabavaylaş, uyuşma a'zolarining kasbiy, ijtimoiy huquqlarini himoya qiliş, ularning ijodiy şartşaroitlari, professional mahoratining ösişi töğrisida ğamxörlik qiliş, ijodini respublika va xorijiy davlatlarda tarğib etiş. Oliy rahbar organi — qurultoy, qurultoylar orasidagi davrda — Kengaş (1995 yildan Kengaş raisi R. Abdullayev). Uyuşmada 110 a'zo bor, 7 şö'ba (an'anaviy ijodkorlik, estrada va harbiy musiqa, simfonik musiqa, kamer musiqa, sahna musiqasi, bolalar musiqasi, musiqaşunoslik) faoliyat körsatadi (2005).
Ö.b.u. Özbekiston musiqa madaniyatini rivojlantiriş jarayonida faol qatnaşib, respublikada ötkaziladigan köpgina musiqa festivali, tanlov, anjumanlar taşabbuskori va taşkilotçilaridan biri: «Örta Osiyo va Qo' zoğiston simfonik musiqa festivali» (1960—80 yillar), «Özbekiston — Vatanim manim» qöşiq tanlovi (1997 yildan), «Xalqaro simfonik musiqa festivali» (1998 yildan), «Davr sadolari» musiqa festivali (2003 yildan), Nazira Ahmedova nomidagi xonandalar tanlovi va boşqalar Uyuşma rahnamoligi va iştirokida turli konsert, atoqli bastakor va kompozitorlarning yubiley keçalari, ijodiy uçraşuvlar ötkazilmoqda, maxsus radioeşittiriş va telekörsatuvlar tayyorlanmoqda, Özbekiston musiqa san'atiga bağişlangan monografiya va töplamlar naşrdan çiqarilmoqda.
Rustam Abdullayev.
Asl matn (kirill, PDF'dagidek)
ЎЗБЕКИСТОН БАСТАКОРЛАР УЮШМАСИ — республикада бастакор, композитор ва мусиқашуносларни бирлаштирувчи ижодий жамоат ташкилоти. 1938 йил Ўзбекистон композиторлар уюшмаси номи билан ташкил этилган, биринчи раиси Т.Содиқов. 1995 йилдан ҳоз. номда. Асосий вазифалари: Ўзбекистон мусиқа санъатини кенг кўламда бойитиш ва юксалтириш, миллий мусиқа анъаналарини асрабавайлаш, уюшма аъзоларининг касбий, ижтимоий ҳуқуқларини ҳимоя қилиш, уларнинг ижодий шартшароитлари, профессионал маҳоратининг ўсиши тўғрисида ғамхўрлик қилиш, ижодини республика ва хорижий давлатларда тарғиб этиш. Олий раҳбар органи — қурултой, қурултойлар орасидаги даврда — Кенгаш (1995 йилдан Кенгаш раиси Р. Абдуллаев). Уюшмада 110 аъзо бор, 7 шўъба (анъанавий ижодкорлик, эстрада ва ҳарбий мусиқа, симфоник мусиқа, камер мусиқа, саҳна мусиқаси, болалар мусиқаси, мусиқашунослик) фаолият кўрсатади (2005).
Ў.б.у. Ўзбекистон мусиқа маданиятини ривожлантириш жараёнида фаол қатнашиб, республикада ўтказиладиган кўпгина мусиқа фестивали, танлов, анжуманлар ташаббускори ва ташкилотчиларидан бири: «Ўрта Осиё ва Қо’ зоғистон симфоник мусиқа фестивали» (1960—80 йиллар), «Ўзбекистон — Ватаним маним» қўшиқ танлови (1997 йилдан), «Халқаро симфоник мусиқа фестивали» (1998 йилдан), «Давр садолари» мусиқа фестивали (2003 йилдан), Назира Аҳмедова номидаги хонандалар танлови ва бошқалар Уюшма раҳнамолиги ва иштирокида турли концерт, атоқли бастакор ва композиторларнинг юбилей кечалари, ижодий учрашувлар ўтказилмоқда, махсус радиоэшиттириш ва телекўрсатувлар тайёрланмоқда, Ўзбекистон мусиқа санъатига бағишланган монография ва тўпламлар нашрдан чиқарилмоқда.
Рустам Абдуллаев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.