Özbekiston Fidokorlar milliy demokratik partiyasi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 91-b. — ziyouz.com
Özbekiston Fidokorlar milliy demokratik partiyasi (FMDP) — Özbekistondagi siyosiy partiyalardan biri. Özbekiston Respublikasi Adliya vazirligi tomonidan 2000 yil 25 iyulda röyxatga olingan va şu yil Dasturi hamda Ustavi qabul qilingan. Partiyaning asosiy maqsadi erkin bozor iqtisodiyotiga asoslangan oçiq, huquqiy demokratik davlat quriş va fuqarolik jamiyati negizlarini barpo etiş, aholi turmuş darajasini taraqqiy topgan davlatlardagi xalqlarning turmuş darajasiga yetkaziş, mamlakatimizning jahon hamjamiyatidan munosib örin olişiga amaliy hissa qöşişdan iborat. FMDP kelajakka yoşlar nazari bilan qaraydi. Yoşlarni yuksak ma'rifatli, bilimdon, ğoyaviy-siyosiy jihatdan huşyor, ma'naviy barkamol bölib voyaga yetişini ta'minlaşga intiladi va yoşlar manfaatini himoya qiladi. Partiyaning oliy organi qurultoy, u qoida tariqasida, 5 yilda 1 marta çaqiriladi. Zaruratga qarab qurultoy maqomiga ega bölgan partiya konferensiyasi ötkazilişi mumkin. Partiyaning rahbar organi qurultoy tomonidan saylanadigan Markaziy kengaşdir. Markaziy kengaş yiğilişlari oraliğidagi davrda partiyaning kundalik faoliyati Ijroiya kotibiyat tomonidan amalga oşiriladi. FMDPning 12 viloyat partiya taşkiloti, Qoraqalpoğiston Respublikasi, Toşkent şahri, 203 tuman va şahar, 3500 boşlanğiç partiya taşkiloti bor. FMDP a'zolarining umumiy soni 61750 kişidan iborat (2004 yil noyab.), ularning 65 foizini yoşlar (40 yoşgaça bölganlar) taşkil etadi. FMDPning Oliy Majlis Qonunçilik palatasidagi fraksiyasi 18 deputatdan iborat, fraksiya rahbari A.S. Tursunov, FMDP fraksiyasi Özbekiston liberaldemokratik partiyasi, «Adolat» sotsialdemokratik partiyasi bilan birga parlamentda «Demokratik blok»ka birlaşgan.
Partiyaning naşri — «Fidokor» gaz.
Şoira Umarova.
Asl matn (kirill, PDF'dagidek)
ЎЗБЕКИСТОН ФИДОКОРЛАР МИЛЛИЙ ДЕМОКРАТИК ПАРТИЯСИ (ФМДП) — Ўзбекистондаги сиёсий партиялардан бири. Ўзбекистон Республикаси Адлия вазирлиги томонидан 2000 йил 25 июлда рўйхатга олинган ва шу йил Дастури ҳамда Устави қабул қилинган. Партиянинг асосий мақсади эркин бозор иқтисодиётига асосланган очиқ, ҳуқуқий демократик давлат қуриш ва фуқаролик жамияти негизларини барпо этиш, аҳоли турмуш даражасини тараққий топган давлатлардаги халқларнинг турмуш даражасига етказиш, мамлакатимизнинг жаҳон ҳамжамиятидан муносиб ўрин олишига амалий ҳисса қўшишдан иборат. ФМДП келажакка ёшлар назари билан қарайди. Ёшларни юксак маърифатли, билимдон, ғоявий-сиёсий жиҳатдан ҳушёр, маънавий баркамол бўлиб вояга етишини таъминлашга интилади ва ёшлар манфаатини ҳимоя қилади. Партиянинг олий органи қурултой, у қоида тариқасида, 5 йилда 1 марта чақирилади. Заруратга қараб қурултой мақомига эга бўлган партия конференцияси ўтказилиши мумкин. Партиянинг раҳбар органи қурултой томонидан сайланадиган Марказий кенгашдир. Марказий кенгаш йиғилишлари оралиғидаги даврда партиянинг кундалик фаолияти Ижроия котибият томонидан амалга оширилади. ФМДПнинг 12 вилоят партия ташкилоти, Қорақалпоғистон Республикаси, Тошкент шаҳри, 203 туман ва шаҳар, 3500 бошланғич партия ташкилоти бор. ФМДП аъзоларининг умумий сони 61750 кишидан иборат (2004 йил нояб.), уларнинг 65 фоизини ёшлар (40 ёшгача бўлганлар) ташкил этади. ФМДПнинг Олий Мажлис Қонунчилик палатасидаги фракцияси 18 депутатдан иборат, фракция раҳбари А.С. Турсунов, ФМДП фракцияси Ўзбекистон либералдемократик партияси, «Адолат» социалдемократик партияси билан бирга парламентда «Демократик блок»ка бирлашган.
Партиянинг нашри — «Фидокор» газ.
Шоира Умарова.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.