Özbekiston geologiya muzeyi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 21–22-b. — ziyouz.com
Özbekiston geologiya muzeyi — Özbekiston Respublikasi Geologiya va mineral resurslar Davlat qömitasi (Davgeolqöm) tasarrufidagi muzey. 1988 yil oçilgan. Muzey kolleksiyalari Özbekistonda geol. faoliyatining 75 yil mobaynida yiğilgan katta hajmdagi materiallar hamda muzeyga sovğa sifatida taniqli geologlar tomonidan taqdim etilgan şaxsiy kolleksiyalar, ÖzR tabiatini aks ettiruvçi suratlar bilan boyitilgan. Muzey Davgeolqömning tadqiqot işlari olib boradigan ilmiy va öquv markaziga aylandi. Ö.g.m. geologiya soqasidagi oliy va örta ta'lim sistemasida öquvma'rifiy işlarni olib boriş, turli çet el kompaniyalari va olimlarning muzey eksponatlari bilan tanişuvini taşkil etiş va geol. fani erişgan yutuqlarni keng tarğibot qiliş bilan şuğullanadi. Muzey 5 ta körgazma zalidan: kiriş, Örta Osiyo va Özbekiston hududining geologik rivojlanişi tarixi, regional geol. monografik paleontologik kolleksiyalar va foydali qazilmalar, mineralogiya, geokimyo, qadimiy konçilik kasbkorligi tarixi hamda dunyo geologik merosi zallaridan iborat. Muzeyda geol. fanining rivojlanişi, vatanimizning ilk geologlari, foydali qazilma konlarini oçgan dastlabki geologlar haqidagi ma'lumotlar mavjud. Maxsus ekspozitsiya Özbekistonning yoş suveren davlat sifatida şakllanişi, mamlakatda bozor munosabatlarining rivojlanişi hamda mineral xom aşyo resurslarining xalq xöjaligidagi örnini tasvirlaydi. Ekspozitsiyalarda namoyiş etilayotgan eksponatlarning umumiy soni 32 ming dan ortiq. Vitrinalarda kinovar minerali, molibdenit, vismut, volframit kristallarini özida saqlab qolgan noyob namunalar namoyiş etilgan. Maxsus petrografik kolleksiya öz içiga 300 ta namunani (vulkanik toğ jinslar — 228, metamorfik toğ jinslari — 46, çökindi tog jinslari — 26) qamrab oladi; mineralogik kolleksiya esa, 858 ta noyob namunadan, monografik paleontologik kolleksiya 2631 ta namunadan iborat, ulardan 783 tasi Markaziy Osiyo va Özbekiston hududining rivojlanişi tarixi zalida va 1848 tasi monografik paleontologik kollekpiyalar zalida joylaşgan. Ö.g.m. qoşida Özbekistonning mineral xom aşyo potensialini aks ettiruvçi turli xil körgazmalar, taqdimotlar, çet ellik hamkorlar bilan birgalikda geologik tadqiqotlarni ötkaziş va izlab topilgan foydali qazilmalarni özlaştiriş masalasiga oid uçraşuvlar ötkaziladi. Muzeyda noyob obyektlar, yangi konlar böyiça tekşiriş, qimmatbaho metallar va yarqirama toşlar xom aşyosi, jumladan, zargarlik buyumlariga ekspert xulosalarining berilişi va boşqalar tadqiqotlar amalga oşiriladi.
Asl matn (kirill, PDF'dagidek)
ЎЗБЕКИСТОН ГЕОЛОГИЯ МУЗЕЙИ — Ўзбекистон Республикаси Геология ва минерал ресурслар Давлат қўмитаси (Давгеолқўм) тасарруфидаги музей. 1988 йил очилган. Музей коллекциялари Ўзбекистонда геол. фаолиятининг 75 йил мобайнида йиғилган катта ҳажмдаги материаллар ҳамда музейга совға сифатида таниқли геологлар томонидан тақдим этилган шахсий коллекциялар, ЎзР табиатини акс эттирувчи суратлар билан бойитилган. Музей Давгеолқўмнинг тадқиқот ишлари олиб борадиган илмий ва ўқув марказига айланди. Ў.г.м. геология соқасидаги олий ва ўрта таълим системасида ўқувмаърифий ишларни олиб бориш, турли чет эл компаниялари ва олимларнинг музей экспонатлари билан танишувини ташкил этиш ва геол. фани эришган ютуқларни кенг тарғибот қилиш билан шуғулланади. Музей 5 та кўргазма залидан: кириш, Ўрта Осиё ва Ўзбекистон ҳудудининг геологик ривожланиши тарихи, регионал геол. монографик палеонтологик коллекциялар ва фойдали қазилмалар, минералогия, геокимё, қадимий кончилик касбкорлиги тарихи ҳамда дунё геологик мероси залларидан иборат. Музейда геол. фанининг ривожланиши, ватанимизнинг илк геологлари, фойдали қазилма конларини очган дастлабки геологлар ҳақидаги маълумотлар мавжуд. Махсус экспозиция Ўзбекистоннинг ёш суверен давлат сифатида шаклланиши, мамлакатда бозор муносабатларининг ривожланиши ҳамда минерал хом ашё ресурсларининг халқ хўжалигидаги ўрнини тасвирлайди. Экспозицияларда намойиш этилаётган экспонатларнинг умумий сони 32 минг дан ортиқ. Витриналарда киноварь минерали, молибденит, висмут, вольфрамит кристалларини ўзида сақлаб қолган ноёб намуналар намойиш этилган. Махсус петрографик коллекция ўз ичига 300 та намунани (вулканик тоғ жинслар — 228, метаморфик тоғ жинслари — 46, чўкинди тог жинслари — 26) қамраб олади; минералогик коллекция эса, 858 та ноёб намунадан, монографик палеонтологик коллекция 2631 та намунадан иборат, улардан 783 таси Марказий Осиё ва Ўзбекистон ҳудудининг ривожланиши тарихи залида ва 1848 таси монографик палеонтологик коллекпиялар залида жойлашган. Ў.г.м. қошида Ўзбекистоннинг минерал хом ашё потенциалини акс эттирувчи турли хил кўргазмалар, тақдимотлар, чет эллик ҳамкорлар билан биргаликда геологик тадқиқотларни ўтказиш ва излаб топилган фойдали қазилмаларни ўзлаштириш масаласига оид учрашувлар ўтказилади. Музейда ноёб объектлар, янги конлар бўйича текшириш, қимматбаҳо металлар ва ярқирама тошлар хом ашёси, жумладан, заргарлик буюмларига эксперт хулосаларининг берилиши ва бошқалар тадқиқотлар амалга оширилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.