Özbekiston Jurnalistlari ijodiy uyuşmasi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 26-b. — ziyouz.com
Özbekiston Jurnalistlari ijodiy uyuşmasi — mustaqil, özini özi boşqaruvçi, nodavlat jamoat birlaşmasi. 2004 yil 26 mart Toşkentda ijodiy uyuşmani tuziş böyiça taşabbuskor guruh rahbarligida ötkazilgan ta'sis konferensiyasida Özbekiston Ommaviy axborot vositalarini demokratlaştiriş va qöllabquvvatlaş ijtimoiy-siyosiy jamğarmasining qonuniy vorisi sifatida taşkil topgan. Dastlab Özbekiston Jurnalistlari uyuşmasi (Kengaşi, 1957), Özbekiston Ommaviy axborot vositalarini demokratlaştiriş va qöllabquvvatlaş ijtimoiy-siyosiy fondi (1996) deb nomlangan.
Ijodiy uyuşmaning Qoraqalpoğiston Respublikasi, 12 viloyat va Toşkent şahrida bölimlari bor. Uyuşma qoşida 10 ijodiy kengaş faoliyat yuritadi.
Uyuşmaning asosiy maqsadi jurnalistlarning jamiyatda tutgan örni va mavqeini kötariş, mulkçilik şaklidan qat'i nazar, turli gaz., jurnallar, tele va radiokanallarda, naşriyot va axborot agentliklarida işlayotgan, şuningdek, erkin ijodkorlarning ijtimoiyiqtisodiy, ijodiy hamda mualliflik huquqlarini, şa'ni va qadrqimmatini, davlat va jamoat taşkilotlari, ommaviy axborot vositalarining muassislari va noşirlari oldidagi huquq va manfaatlarini himoya qilişdir.
Uyuşmaning oliy rahbar organi Konferensiya bölib, u har 5 yilda kamida bir marta çaqiriladi. Konferensiya oraliğidagi davrda uyuşma faoliyatiga Uyuşma boşqaruvi rahbarlik qiladi.
Uyuşma qoşida Özbekiston milliy matbuot markazi faoliyat körsatadi. «Istiqlol» naşriyoti, «Jurnalist» şö'ba korxonasi mavjud.
Ijodiy uyuşma tomonidan har yili «Yilning eng faol jurnalisti» va «Eng uluğ, eng aziz» («Tasviriy oyna» ijodiy uyuşmasi bilan hamkorlikda) ijodiy tanlovlari ötkazib kelinadi.
Hamid Sultonov.
Asl matn (kirill, PDF'dagidek)
ЎЗБЕКИСТОН ЖУРНАЛИСТЛАРИ ИЖОДИЙ УЮШМАСИ — мустақил, ўзини ўзи бошқарувчи, нодавлат жамоат бирлашмаси. 2004 йил 26 март Тошкентда ижодий уюшмани тузиш бўйича ташаббускор гуруҳ раҳбарлигида ўтказилган таъсис конференциясида Ўзбекистон Оммавий ахборот воситаларини демократлаштириш ва қўллабқувватлаш ижтимоий-сиёсий жамғармасининг қонуний вориси сифатида ташкил топган. Дастлаб Ўзбекистон Журналистлари уюшмаси (Кенгаши, 1957), Ўзбекистон Оммавий ахборот воситаларини демократлаштириш ва қўллабқувватлаш ижтимоий-сиёсий фонди (1996) деб номланган.
Ижодий уюшманинг Қорақалпоғистон Республикаси, 12 вилоят ва Тошкент шаҳрида бўлимлари бор. Уюшма қошида 10 ижодий кенгаш фаолият юритади.
Уюшманинг асосий мақсади журналистларнинг жамиятда тутган ўрни ва мавқеини кўтариш, мулкчилик шаклидан қатъи назар, турли газ., журналлар, теле ва радиоканалларда, нашриёт ва ахборот агентликларида ишлаётган, шунингдек, эркин ижодкорларнинг ижтимоийиқтисодий, ижодий ҳамда муаллифлик ҳуқуқларини, шаъни ва қадрқимматини, давлат ва жамоат ташкилотлари, оммавий ахборот воситаларининг муассислари ва ноширлари олдидаги ҳуқуқ ва манфаатларини ҳимоя қилишдир.
Уюшманинг олий раҳбар органи Конференция бўлиб, у ҳар 5 йилда камида бир марта чақирилади. Конференция оралиғидаги даврда уюшма фаолиятига Уюшма бошқаруви раҳбарлик қилади.
Уюшма қошида Ўзбекистон миллий матбуот маркази фаолият кўрсатади. «Истиқлол» нашриёти, «Журналист» шўъба корхонаси мавжуд.
Ижодий уюшма томонидан ҳар йили «Йилнинг энг фаол журналисти» ва «Энг улуғ, энг азиз» («Тасвирий ойна» ижодий уюшмаси билан ҳамкорликда) ижодий танловлари ўтказиб келинади.
Ҳамид Султонов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.