«Özbekiston milliy ensiklopediyasi» davlat ilmiy naşriyoti
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 42–43-b. — ziyouz.com
«Özbekiston milliy ensiklopediyasi» davlat ilmiy naşriyoti — köp jiddli Özbekiston milliy ensiklopediyasi (ÖzME), soha ensiklopediyalari, izohli va köp tilli luğatlar, ma'lumotnomalar tayyorlaş va naşr etişga ixtisoslaşgan ilmiyma'rifiy muassasa. Naşriyotning dasturiy yönaliş faoliyatiga, şuningdek, özbek xalqining boy tarixiy, madaniy va adabiy merosiga, milliy qadriyatlarga oid, tibbiyot, soğlom avlod, onalik va bolalikni muhofaza qiliş, jismoniy tarbiya va sport, turizmga doir ilmiy, ilmiyommabop, badiiy adabiyotlar, öquv darsliklari hamda öquv qöllanmalarini naşr etiş ham kiradi. Toşkent şahrida joylaşgan. Özbekiston Respublikasi Vazirlar Mahkamasining 1997 yil 20 martdagi qarori bilan taşkil etilgan. Vazirlar Mahkamasining 2004 yil 11 iyundagi qarori asosida naşriyotga Abdulla Qodiriy nomidagi Xalq merosi naşriyoti va Abu Ali ibn Sino nomidagi Tibbiyot naşriyoti qöşilişi munosabati bilan qayta taşkil etilgan. Özbekiston Respublikasi matbuot va axborot agentligi tizimida.
Naşriyotda 11 ta ilmiy tahririyat va bölim (ÖzME uşbu jildining sarvaraği orqasidagi röyxatga q), şuningdek, öquv adabiyotlari va tezkor naşrlar tahririyati, sport va turizm tahririyati, işlab çiqariş, dizayn va kompyuter va boşqalar xizmat bölimlari bor. Naşriyotga ilmiymetodik rahbarlikni jamoatçilik asosida işlaydigan Boş tahrir hay'ati (universal ensiklopediyaga) amalga oşiradi. Uning tarkibiga yirik olimlar, jamoat arboblari, naşriyot rahbarlari kirgan. Boş tahrir hay'ati ÖzMEning ğoyaviy, ilmiy, tahririy va badiiy darajasini oşirişda, maqolalar mezonyni belgilaşda, sözliklarni tasdiqlaş, murakkab va munozarali masalalarni hal etişda qatnaşadi, har bir jild materiallarini naşrga tavsiya etadi.
Naşriyot ilmiy tahririyatlari huzurida fan sohalari böiiça ilmiymaslahat kengaşlari ham tuzilgan. Ularning a'zolari Boş tahrir hay'ati a'zolari rahbarligida işlaydi hamda muayyan sohaning sözligi va maqolalarini körib çiqib, tasdiqlaydi.
Naşriyot ötgan davr mobaynida 60 dan ortiq nomda turli fan sohalari böyiça ensiklopediyalar va izohli luğatlar, ma'lumotnomalar, luğatlar, ommabop kitoblar naşr etdi. Bular orasida «Özbekiston Respublikasi», «Toşkent» (rus va özbek tillarida), «Paxtaçilik» (2 j.li, rus tilida), «Uyrözğor», «Salomatlik ensiklopediyalari», «Hadis» (1—4jiddlar; 4 marta naşr etildi), «Uyrözgor», «Bolalar ensiklopediyasi» (3 marta naşr etildi), «Xotin-qizlar ensiklopediyasi» (3 marta naşr etildi), «Iş yuritiş» (4 marta naşr etildi), «Islom eniiklopediyasi», «Buyuk ipak yöli» (rus tilida), «Özbekiston Respublikasi» (rus, özbek va ingliz tillarida), «Özbek ismlari izohli luğati», «Neft va gaz böyiça ensiklopedik izoxli luğat», «Fizikadan izohli luğat», «Tilşunoslik terminlari izohli luğati», «Rusçaözbekçaxitoyça sözlaşgiç», «Özbekçaarabça luğat», «Samarqandiya», «Termiz tazkirasi», «Ma'nolar maxzani» (özbek xalq maqollarining izohi) va boşqalar adabiyotlar, örta maktab, kasb-hunar kollejlari, tibbiyot maktablari uçun darsliklar bor. Özbekiston FA Til va adabiyot instituti bilan birgalikda 4 jildli «Özbek tilining izohli luğati» naşri ustida iş olib borilmoqda. 2004 yilda naşriyot 84 nomda, 1429,3 naşriyothisob taboğida, 942,1 ming nusxada bosma mahsulot çiqardi.
Murodjon Aminov.
Asl matn (kirill, PDF'dagidek)
«ЎЗБЕКИСТОН МИЛЛИЙ ЭНЦИКЛОПЕДИЯСИ» ДАВЛАТ ИЛМИЙ НАШРИЁТИ — кўп жиддли Ўзбекистон миллий энциклопедияси (ЎзМЭ), соҳа энциклопедиялари, изоҳли ва кўп тилли луғатлар, маълумотномалар тайёрлаш ва нашр этишга ихтисослашган илмиймаърифий муассаса. Нашриётнинг дастурий йўналиш фаолиятига, шунингдек, ўзбек халқининг бой тарихий, маданий ва адабий меросига, миллий қадриятларга оид, тиббиёт, соғлом авлод, оналик ва болаликни муҳофаза қилиш, жисмоний тарбия ва спорт, туризмга доир илмий, илмийоммабоп, бадиий адабиётлар, ўқув дарсликлари ҳамда ўқув қўлланмаларини нашр этиш ҳам киради. Тошкент шаҳрида жойлашган. Ўзбекистон Республикаси Вазирлар Маҳкамасининг 1997 йил 20 мартдаги қарори билан ташкил этилган. Вазирлар Маҳкамасининг 2004 йил 11 июндаги қарори асосида нашриётга Абдулла Қодирий номидаги Халқ мероси нашриёти ва Абу Али ибн Сино номидаги Тиббиёт нашриёти қўшилиши муносабати билан қайта ташкил этилган. Ўзбекистон Республикаси матбуот ва ахборот агентлиги тизимида.
Нашриётда 11 та илмий таҳририят ва бўлим (ЎзМЭ ушбу жилдининг сарварағи орқасидаги рўйхатга қ), шунингдек, ўқув адабиётлари ва тезкор нашрлар таҳририяти, спорт ва туризм таҳририяти, ишлаб чиқариш, дизайн ва компьютер ва бошқалар хизмат бўлимлари бор. Нашриётга илмийметодик раҳбарликни жамоатчилик асосида ишлайдиган Бош таҳрир ҳайъати (универсал энциклопедияга) амалга оширади. Унинг таркибига йирик олимлар, жамоат арбоблари, нашриёт раҳбарлари кирган. Бош таҳрир ҳайъати ЎзМЭнинг ғоявий, илмий, таҳририй ва бадиий даражасини оширишда, мақолалар мезонйни белгилашда, сўзликларни тасдиқлаш, мураккаб ва мунозарали масалаларни ҳал этишда қатнашади, ҳар бир жилд материалларини нашрга тавсия этади.
Нашриёт илмий таҳририятлари ҳузурида фан соҳалари бўиича илмиймаслаҳат кенгашлари ҳам тузилган. Уларнинг аъзолари Бош таҳрир ҳайъати аъзолари раҳбарлигида ишлайди ҳамда муайян соҳанинг сўзлиги ва мақолаларини кўриб чиқиб, тасдиқлайди.
Нашриёт ўтган давр мобайнида 60 дан ортиқ номда турли фан соҳалари бўйича энциклопедиялар ва изоҳли луғатлар, маълумотномалар, луғатлар, оммабоп китоблар нашр этди. Булар орасида «Ўзбекистон Республикаси», «Тошкент» (рус ва ўзбек тилларида), «Пахтачилик» (2 ж.ли, рус тилида), «Уйрўзғор», «Саломатлик энциклопедиялари», «Ҳадис» (1—4жиддлар; 4 марта нашр этилди), «Уйрўзгор», «Болалар энциклопедияси» (3 марта нашр этилди), «Хотин-қизлар энциклопедияси» (3 марта нашр этилди), «Иш юритиш» (4 марта нашр этилди), «Ислом энииклопедияси», «Буюк ипак йўли» (рус тилида), «Ўзбекистон Республикаси» (рус, ўзбек ва инглиз тилларида), «Ўзбек исмлари изоҳли луғати», «Нефть ва газ бўйича энциклопедик изохли луғат», «Физикадан изоҳли луғат», «Тилшунослик терминлари изоҳли луғати», «Русчаўзбекчахитойча сўзлашгич», «Ўзбекчаарабча луғат», «Самарқандия», «Термиз тазкираси», «Маънолар махзани» (ўзбек халқ мақолларининг изоҳи) ва бошқалар адабиётлар, ўрта мактаб, касб-ҳунар коллежлари, тиббиёт мактаблари учун дарсликлар бор. Ўзбекистон ФА Тил ва адабиёт институти билан биргаликда 4 жилдли «Ўзбек тилининг изоҳли луғати» нашри устида иш олиб борилмоқда. 2004 йилда нашриёт 84 номда, 1429,3 нашриётҳисоб табоғида, 942,1 минг нусхада босма маҳсулот чиқарди.
Муроджон Аминов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.