Özbekiston «Milliy tiklaniş» demokratik partiyasi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 38-b. — ziyouz.com
Özbekiston «Milliy tiklaniş» demokratik partiyasi (ÖzMTDP) — Özbekistondagi siyosiy partiyalardan biri. 1995 yilning 3 iyunida bölib ötgan ta'sis qurultoyida taşkil topgan. ÖzMTDP teran milliy ruh va dunyoqaraşga ega bölgan, ruhan va qalban vatanparvarlik ğoyalarini, siyosiy jihatdan öz taqdirini özi belgilaşga, öz-özini boşqarişga intilayotgan, özligini anglaş, milliy birlik va milliy tiklanişni muhim hayotiy maqsadlari deb ifoda etayotgan fuqarolarning qaraşlari va manfaatlarini birlaştiradi. ÖzMTDP ziyolilar, milliy taraqqiyot yölidan borayotgan mulkdor va tadbirkorlar, ijodiy faoliyat bilan maşğul intellektual mehnat sohasi vakillari, istiqlol ğoyasiga sadoqatli yoşlar, öz manfaatlarini umummilliy manfaatlar bilan uyğunlikda körayotgan fuqarolar hamda partiyaning dasturiy maqsadiga xayrixoh boşqa ijtimoiy tabaqalarga suyanadi va ularning manfaatlarini himoya qiladi. Partiyaning oliy organi Qurultoy bölib, partiya Markaziy kengaşi tomonidan kamida 5 yilda bir marta çaqiriladi. Qurultoylar oraliğida partiyaning doimiy işlaydigan rahbar organi — Markaziy kengaş (hay'at)dir. Qoraqalpoğiston Respublikasi, Toşkent şahri va viloyatlar partiya kengaşlari partiyaning mintaqaviy taşkilotlari hisoblanadi. Şahar va tumanlarda Öz MTDPning şahar va tuman kengaşlari faoliyat yuritadi. Partiya öz atrofiga 50 mingdan ortiq a'zoni birlaştirgan (2005).
ÖzMTDP 1999 yil 8 dek.da ilk bor Özbekiston Respublikasi Oliy Majlisiga bölib ötgan saylovlarda iştirok etdi va parlamentda 12 deputatdan iborat öz fraksiyasini tuzdi. Fraksiya a'zolari parlament qömitalari va komissiyalari tarkibida qonunçilik faoliyatini olib bordi, Oliy Majlisning barça iş yönalişlarida, nazorattahlil jarayonida, mafkuraviyommaviy tadbirlarda iştirok etdi. 2004 yil 26 dek.da ikki palatali parlamentga ötkazilgan saylovlarda 11 nafar partiya a'zosi Oliy Majlisning Qonunçilik palatasi deputati etib saylandi. Partiyaning Qonunçilik palatasidagi fraksiyasiga partiya Markaziy kengaşi raisi X.N. Döstmuhamedov rahbarlik qiladi. ÖzMTDPning naşri «Milliy tiklaniş» gaz.idir.
Asl matn (kirill, PDF'dagidek)
ЎЗБЕКИСТОН «МИЛЛИЙ ТИКЛАНИШ» ДЕМОКРАТИК ПАРТИЯСИ (ЎзМТДП) — Ўзбекистондаги сиёсий партиялардан бири. 1995 йилнинг 3 июнида бўлиб ўтган таъсис қурултойида ташкил топган. ЎзМТДП теран миллий руҳ ва дунёқарашга эга бўлган, руҳан ва қалбан ватанпарварлик ғояларини, сиёсий жиҳатдан ўз тақдирини ўзи белгилашга, ўз-ўзини бошқаришга интилаётган, ўзлигини англаш, миллий бирлик ва миллий тикланишни муҳим ҳаётий мақсадлари деб ифода этаётган фуқароларнинг қарашлари ва манфаатларини бирлаштиради. ЎзМТДП зиёлилар, миллий тараққиёт йўлидан бораётган мулкдор ва тадбиркорлар, ижодий фаолият билан машғул интеллектуал меҳнат соҳаси вакиллари, истиқлол ғоясига садоқатли ёшлар, ўз манфаатларини умуммиллий манфаатлар билан уйғунликда кўраётган фуқаролар ҳамда партиянинг дастурий мақсадига хайрихоҳ бошқа ижтимоий табақаларга суянади ва уларнинг манфаатларини ҳимоя қилади. Партиянинг олий органи Қурултой бўлиб, партия Марказий кенгаши томонидан камида 5 йилда бир марта чақирилади. Қурултойлар оралиғида партиянинг доимий ишлайдиган раҳбар органи — Марказий кенгаш (ҳайъат)дир. Қорақалпоғистон Республикаси, Тошкент шаҳри ва вилоятлар партия кенгашлари партиянинг минтақавий ташкилотлари ҳисобланади. Шаҳар ва туманларда Ўз МТДПнинг шаҳар ва туман кенгашлари фаолият юритади. Партия ўз атрофига 50 мингдан ортиқ аъзони бирлаштирган (2005).
ЎзМТДП 1999 йил 8 дек.да илк бор Ўзбекистон Республикаси Олий Мажлисига бўлиб ўтган сайловларда иштирок этди ва парламентда 12 депутатдан иборат ўз фракциясини тузди. Фракция аъзолари парламент қўмиталари ва комиссиялари таркибида қонунчилик фаолиятини олиб борди, Олий Мажлиснинг барча иш йўналишларида, назораттаҳлил жараёнида, мафкуравийоммавий тадбирларда иштирок этди. 2004 йил 26 дек.да икки палатали парламентга ўтказилган сайловларда 11 нафар партия аъзоси Олий Мажлиснинг Қонунчилик палатаси депутати этиб сайланди. Партиянинг Қонунчилик палатасидаги фракциясига партия Марказий кенгаши раиси Х.Н. Дўстмуҳамедов раҳбарлик қилади. ЎзМТДПнинг нашри «Миллий тикланиш» газ.идир.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.