«Özbekiston ovozi»
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 45-b. — ziyouz.com
«Özbekiston ovozi» — ijtimoiy-siyosiy gazeta. Muassisi Özbekiston Xalq demokratik partiyasi. Haftada 3 marta, rus tilidagi naşri — «Golos Uzbekistana» esa 1 marta çiqadi. Dastlabki soni 1918 yil 21 iyunda — «Iştirokiyun» («Kommunist») nomi bilan çiqqan. Keyinçalik «Qizil bayroq» (1920), «Turkiston» (1922), «Qizil Özbekiston» (1924), «Sovet Özbekistoni» (1964) nomlarida naşr etilgan. 1991 yildan hoz. nomda. Gaz.ga turli yillarda U. Eşonxöjayev, Qamçinbek, K. Aliyev, Q.Sorokin, M. Şermuhammedov, M.Romiz, M. Hasanov, V. Rahimiy, A. Xudoybaxtov, M. Usmonov, R. Majidiy, A. Örazayev, R. Abdurahmonov, S. Azimov, 0. Abdurahmonov, S. Rajabov, H.Ğulomov, Ş. Raşidov, M. Qoriyev, L.Qayumov, Ö. Usmonov, R. Rahmonov, Ş. Ubaydullayev, A. Suyun va boşqalar muharrirlik qilgan.
Özbek adabiyoti va jurnalistikasining ulkan namoyandalari — Abdulla Avloniy, Abdulla Qodiriy (Julqunboy), Hamid Olimjon, Ğafur Ğulom, Oybek, Abdulla Qahhor, Maqsud Şayxzoda, Mirtemir, Sobir Abdulla, Zulfiya va boşqalar özlarining ilk ijodlarini şu gaz. sahifasida e'lon qilganlar.
Hayotning barça sohalarida boşlangan islohotlar mohiyatini oçib beriş, istiqlol siyosatini xalq qalbiga olib kiriş, yangiça ong, yangiça tafakkurni şakllantiriş, mustaqillik mafkurasini yaratiş — gaz.ning asosiy vazifasidir. Siyosat, ma'naviyat va ma'rifat, parlament va huquq, ijtimoiy hayot va iqtisodiyot, ekologiya va sihatsalomatlik, sport va harbiy vatanparvarlik, xatlar va ommaviy işlar hamda tijorat bölimlari bor. Mamlakatning barça viloyatlarida, şuningdek, Qoraqalpoğiston Respublikasida ham öz muxbirlariga ega. Adadi 10000 (2005). Boş muharriri Safar Ostonov (2002 yildan).
Namoz Sa'dullayev.
Asl matn (kirill, PDF'dagidek)
«ЎЗБЕКИСТОН ОВОЗИ» — ижтимоий-сиёсий газета. Муассиси Ўзбекистон Халқ демократик партияси. Ҳафтада 3 марта, рус тилидаги нашри — «Голос Узбекистана» эса 1 марта чиқади. Дастлабки сони 1918 йил 21 июнда — «Иштирокиюн» («Коммунист») номи билан чиққан. Кейинчалик «Қизил байроқ» (1920), «Туркистон» (1922), «Қизил Ўзбекистон» (1924), «Совет Ўзбекистони» (1964) номларида нашр этилган. 1991 йилдан ҳоз. номда. Газ.га турли йилларда У. Эшонхўжаев, Қамчинбек, К. Алиев, Қ.Сорокин, М. Шермуҳаммедов, М.Ромиз, М. Ҳасанов, В. Раҳимий, А. Худойбахтов, М. Усмонов, Р. Мажидий, А. Ўразаев, Р. Абдураҳмонов, С. Азимов, 0. Абдураҳмонов, С. Ражабов, Ҳ.Ғуломов, Ш. Рашидов, М. Қориев, Л.Қаюмов, Ў. Усмонов, Р. Раҳмонов, Ш. Убайдуллаев, А. Суюн ва бошқалар муҳаррирлик қилган.
Ўзбек адабиёти ва журналистикасининг улкан намояндалари — Абдулла Авлоний, Абдулла Қодирий (Жулқунбой), Ҳамид Олимжон, Ғафур Ғулом, Ойбек, Абдулла Қаҳҳор, Мақсуд Шайхзода, Миртемир, Собир Абдулла, Зулфия ва бошқалар ўзларининг илк ижодларини шу газ. саҳифасида эълон қилганлар.
Ҳаётнинг барча соҳаларида бошланган ислоҳотлар моҳиятини очиб бериш, истиқлол сиёсатини халқ қалбига олиб кириш, янгича онг, янгича тафаккурни шакллантириш, мустақиллик мафкурасини яратиш — газ.нинг асосий вазифасидир. Сиёсат, маънавият ва маърифат, парламент ва ҳуқуқ, ижтимоий ҳаёт ва иқтисодиёт, экология ва сиҳатсаломатлик, спорт ва ҳарбий ватанпарварлик, хатлар ва оммавий ишлар ҳамда тижорат бўлимлари бор. Мамлакатнинг барча вилоятларида, шунингдек, Қорақалпоғистон Республикасида ҳам ўз мухбирларига эга. Адади 10000 (2005). Бош муҳаррири Сафар Остонов (2002 йилдан).
Намоз Саъдуллаев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.