«Özbekiston Qahramoni»
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 95-b. — ziyouz.com
«Özbekiston Qahramoni» — Özbekistonning oliy darajadagi unvoni. 1994 yil 5 mayda ta'sis etilgan. Özbekiston Respublikasining fuqarolariga davlat va xalq oldidagi qahramonona jasorat körsatiş bilan boğliq xizmatlari uçun beriladi. Unvon ayrim hollarda Özbekiston Respublikasi fuqarosi bölmagan şaxslarga ham berilişi mumkin. «Ö.Q.» Özbekiston Respublikasi Prezidenti tomonidan beriladi. Unvonni beriş Özbekiston Respublikasi Vazirlar Mahkamasi, Özbekiston Respublikasi Konstitutsiyaviy sudining Raisi, Özbekiston Respublikasi Oliy sudining Raisi, Özbekiston Respublikasi Oliy xöjalik sudining Raisi, Özbekiston Respublikasi Boş prokurori, Qoraqalpoğiston Respublikasi Jöqorği Kengesining Raisi, viloyatlar va Toşkent şahri hokimliklari, vazirliklar, davlat qömitalari va idoralar rahbarlarining hamda jamoat birlaşmalari respublika organlarining takdimnomasiga binoan amalga oşiriladi. «Ö.Q.» unvoni bilan taqdirlangan şaxsga oliy nişon — «Oltin Yulduz» medali va unvon berilganligi töğrisidagi hujjat topşiriladi. «Ö.Q.» unvoni bilan taqdirlangan şaxslar oylik iş haqiga yoki pensiyaga qöşimça ravişda eng kam oylik iş haqi miqdorida oy sayin tölanadigan ustama mukofot oladilar, qonun hujjatlarida belgilab qöyilgan imtiyozlardan foydalanadilar. «Oltin Yulduz» medali 750 darajali (probali) oltin qotişmasidan tayyorlanadi va old tomonida har bir qirrasining ikki yonbağridan oltin nurlar taralgan sakkiz qirrali yulduz şaklida böladi, oğirligi 12,5 f. «Oltin Yulduz» medali kökrakning çap tomoniga orden va medallardan yuqoriroqqa taqiladi. «Ö.Q.» faqat bir marta beriladi. «Ö.Q.» unvoni vafotidan keyin berilgan taqdirda «Oltin Yulduz» medali va unvon berilganligi töğrisidagi hujjat mukofotlanganning oilasiga topşiriladi.
«Özbekiston Qahramoni» unvoni va «Oltin Yulduz» medali bilan 55 kişi taqdirlangan (2005).
Asl matn (kirill, PDF'dagidek)
«ЎЗБЕКИСТОН ҚАҲРАМОНИ» — Ўзбекистоннинг олий даражадаги унвони. 1994 йил 5 майда таъсис этилган. Ўзбекистон Республикасининг фуқароларига давлат ва халқ олдидаги қаҳрамонона жасорат кўрсатиш билан боғлиқ хизматлари учун берилади. Унвон айрим ҳолларда Ўзбекистон Республикаси фуқароси бўлмаган шахсларга ҳам берилиши мумкин. «Ў.Қ.» Ўзбекистон Республикаси Президенти томонидан берилади. Унвонни бериш Ўзбекистон Республикаси Вазирлар Маҳкамаси, Ўзбекистон Республикаси Конституциявий судининг Раиси, Ўзбекистон Республикаси Олий судининг Раиси, Ўзбекистон Республикаси Олий хўжалик судининг Раиси, Ўзбекистон Республикаси Бош прокурори, Қорақалпоғистон Республикаси Жўқорғи Кенгесининг Раиси, вилоятлар ва Тошкент шаҳри ҳокимликлари, вазирликлар, давлат қўмиталари ва идоралар раҳбарларининг ҳамда жамоат бирлашмалари республика органларининг такдимномасига биноан амалга оширилади. «Ў.Қ.» унвони билан тақдирланган шахсга олий нишон — «Олтин Юлдуз» медали ва унвон берилганлиги тўғрисидаги ҳужжат топширилади. «Ў.Қ.» унвони билан тақдирланган шахслар ойлик иш ҳақига ёки пенсияга қўшимча равишда энг кам ойлик иш ҳақи миқдорида ой сайин тўланадиган устама мукофот оладилар, қонун ҳужжатларида белгилаб қўйилган имтиёзлардан фойдаланадилар. «Олтин Юлдуз» медали 750 даражали (пробали) олтин қотишмасидан тайёрланади ва олд томонида ҳар бир қиррасининг икки ёнбағридан олтин нурлар таралган саккиз қиррали юлдуз шаклида бўлади, оғирлиги 12,5 ф. «Олтин Юлдуз» медали кўкракнинг чап томонига орден ва медаллардан юқорироққа тақилади. «Ў.Қ.» фақат бир марта берилади. «Ў.Қ.» унвони вафотидан кейин берилган тақдирда «Олтин Юлдуз» медали ва унвон берилганлиги тўғрисидаги ҳужжат мукофотланганнинг оиласига топширилади.
«Ўзбекистон Қаҳрамони» унвони ва «Олтин Юлдуз» медали билан 55 киши тақдирланган (2005).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.