Özbekiston Respublikasi fuqaroligi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 62-b. — ziyouz.com
Özbekiston Respublikasi fuqaroligi — şaxs bilan Özbekiston Respublikasining doimiy siyosiyhuquqiy aloqasini belgilovçi holat; bu aloqa ularning özaro huquqlari va burçlarida ifodalanadi. Ö.R.f.ni tasdiqlovçi hujjatlarga ega bölgan şaxslar Özbekiston fuqarolari hisoblanadi. Özbekiston fuqarolari bir vaqtning özida boşqa mamlakatlarning fuqarolari bölişi mumkin emas. Fuqarolikka. ega böliş va uni yöqotiş asoslari hamda tartibi «Özbekiston Respublikasining fuqaroligi töğrisida»gi qonun (1992 yil 2 iyul)da belgilab berilgan. Uşbu qonunga köra, Özbekiston Respublikasida doimiy yaşab turgan, şuningdek, davlat yöllanmasi bilan Özbekiston Respublikasidan taşqarida işlayotgan, harbiy xizmatni ötayotgan yoki öqiyotgan şaxslar Özbekiston Respublikasining fuqarolari böladilar. Çet el fuqarolari va fuqaroligi bölmagan şaxslar ham Ö.R.f.ga qabul qilinişi mumkin. Qonunda Ö.R.f.ga qabul qiliş şartlari, Ö.R.f.ning töxtalişi va yöqotilişi hollari körsatib ötilgan. Ö.R.f. töğrisidagi işlarni Özbekiston Respublikasining Prezidenti, Özbekiston Respublikasining Içki işlar vazirligi, Özbekiston Respublikasining Taşqi işlar vazirligi, Özbekiston Respublikasining diplomatiya vakolatxonalari va konsullik muassasalari yuritadi. Özbekiston Respublikasi öz hududida ham, uning taşqarisida ham öz fuqarolarini huquqiy himoya qiliş va ularga homiylik körsatişni kafolatlaydi, ularning huquqlari, erkinliklari va manfaatlarini himoya qiladi.
Asl matn (kirill, PDF'dagidek)
ЎЗБЕКИСТОН РЕСПУБЛИКАСИ ФУҚАРОЛИГИ — шахс билан Ўзбекистон Республикасининг доимий сиёсийҳуқуқий алоқасини белгиловчи ҳолат; бу алоқа уларнинг ўзаро ҳуқуқлари ва бурчларида ифодаланади. Ў.Р.ф.ни тасдиқловчи ҳужжатларга эга бўлган шахслар Ўзбекистон фуқаролари ҳисобланади. Ўзбекистон фуқаролари бир вақтнинг ўзида бошқа мамлакатларнинг фуқаролари бўлиши мумкин эмас. Фуқароликка. эга бўлиш ва уни йўқотиш асослари ҳамда тартиби «Ўзбекистон Республикасининг фуқаролиги тўғрисида»ги қонун (1992 йил 2 июл)да белгилаб берилган. Ушбу қонунга кўра, Ўзбекистон Республикасида доимий яшаб турган, шунингдек, давлат йўлланмаси билан Ўзбекистон Республикасидан ташқарида ишлаётган, ҳарбий хизматни ўтаётган ёки ўқиётган шахслар Ўзбекистон Республикасининг фуқаролари бўладилар. Чет эл фуқаролари ва фуқаролиги бўлмаган шахслар ҳам Ў.Р.ф.га қабул қилиниши мумкин. Қонунда Ў.Р.ф.га қабул қилиш шартлари, Ў.Р.ф.нинг тўхталиши ва йўқотилиши ҳоллари кўрсатиб ўтилган. Ў.Р.ф. тўғрисидаги ишларни Ўзбекистон Республикасининг Президенти, Ўзбекистон Республикасининг Ички ишлар вазирлиги, Ўзбекистон Республикасининг Ташқи ишлар вазирлиги, Ўзбекистон Республикасининг дипломатия ваколатхоналари ва консуллик муассасалари юритади. Ўзбекистон Республикаси ўз ҳудудида ҳам, унинг ташқарисида ҳам ўз фуқароларини ҳуқуқий ҳимоя қилиш ва уларга ҳомийлик кўрсатишни кафолатлайди, уларнинг ҳуқуқлари, эркинликлари ва манфаатларини ҳимоя қилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.