Özbekiston Respublikasi Oliy sudi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 56-b. — ziyouz.com
Özbekiston Respublikasi Oliy sudi — Özbekiston fuqarolik, jinoiy va ma'muriy sud işlarini yuritiş sohasida sud hokimiyatining oliy organi. Oliy sudning taşkil etilişi va uning faoliyat körsatişi masalalari Özbekiston Respublikasining Konstitutsiyasi (110-modda), «Sudlar töğrisida»gi qonuni (yangi tahriri, 2000 yil 14 dek.), Fuqarolik protsessual va Jinoyatprotsessual kodekslari normalari, şuningdek, qonunçilikning boşqa hujjatlarida belgilab berilgan.
Özbekiston Respublikasi Oliy sudi Qoraqalpoğiston Respublikasi Oliy sudlari, viloyatlar, şaharlar, tumanlararo, tuman sudlari va harbiy sudlarning sudlov faoliyati ustidan nazorat olib boriş huquqiga ega. Oliy sud işlarni 1instansiya sudi sifatida va nazorat tartibida köradi. Özbekiston Respublikasi Oliy sudi Oliy sud raisi, uning 1-örinbosari va örinbosarlari, sudlov hay'atlari raislari, Oliy sud sudyalaridan iborat. Özbekiston Respublikasi Oliy sudiga qonunçilik taşabbusi huquqi berilgan.
Ö.R.O.s. Oliy sud Plenumi, Rayosati, Fuqarolik işlari böyiça sudlov hay'ati, Jinoyat işlari böyiça sudlov hay'ati, Harbiy hay'at tarkibida iş olib boradi. Oliy sud Plenumi eng yuqori sudlov instansiyasi bölib, 4 oyda 1 marta çaqiriladi hamda Oliy sud sudyalari va Qoraqalpoğiston Respublikasi oliy sudlarining raislaridan iborat tarkibda iş olib boradi. Oliy sud Plenumi işlarni nazorat tartibida köradi, sud amaliyotini umumlaştiriş materiallarini körib çiqadi va qonun hujjatlarini qöllaş masalalari böyiça tuşuntirişlar beradi, Oliy sud raisining taqdimnomalariga binoan, Oliy sud Rayosatining tarkibini, sudlov hay'atlarining tarkibi va raislarini tasdiklaydi. Oliy sud Rayosati Ö.R.O.s. sudyalaridan belgilangan miqdorda tuziladi. Oliy sud Rayosatining majlislari har oyda kamida 1 marta ötkaziladi. Oliy sudning sudlov hay'atlari işlarni 1instansiyada, appelyatsiya, kassatsiya tartibida va nazorat tartibida köradi, sud amaliyetini örganadi va umumlaştiradi, qonun hujjatlarini takomillaştiriş yuzasidan takliflar işlab çiqadi, sud statistikasini tahlil qiladi va h.k. Oliy sud raisi, rais örinbosarlari, sudyalari Özbekiston Respublikasi Prezidentining taqdimnomasiga binoan, Özbekiston Respublikasi Oliy Majlisining Senati tomonidan 5 yil muddatga saylanadi.
Ö.R.O.s. « Özbekiston Respublikasi Oliy sudining axborotnomasi» (1989 yildan özbek va rus tillarida), Oliy sud Plenumi qarorlari töplamini naşr etadi. «Kuç — adolatda» gaz.ning muassisi hisoblanadi.
Asl matn (kirill, PDF'dagidek)
ЎЗБЕКИСТОН РЕСПУБЛИКАСИ ОЛИЙ СУДИ — Ўзбекистон фуқаролик, жиноий ва маъмурий суд ишларини юритиш соҳасида суд ҳокимиятининг олий органи. Олий суднинг ташкил этилиши ва унинг фаолият кўрсатиши масалалари Ўзбекистон Республикасининг Конституцияси (110-модда), «Судлар тўғрисида»ги қонуни (янги таҳрири, 2000 йил 14 дек.), Фуқаролик процессуал ва Жиноятпроцессуал кодекслари нормалари, шунингдек, қонунчиликнинг бошқа ҳужжатларида белгилаб берилган.
Ўзбекистон Республикаси Олий суди Қорақалпоғистон Республикаси Олий судлари, вилоятлар, шаҳарлар, туманлараро, туман судлари ва ҳарбий судларнинг судлов фаолияти устидан назорат олиб бориш ҳуқуқига эга. Олий суд ишларни 1инстанция суди сифатида ва назорат тартибида кўради. Ўзбекистон Республикаси Олий суди Олий суд раиси, унинг 1-ўринбосари ва ўринбосарлари, судлов ҳайъатлари раислари, Олий суд судьяларидан иборат. Ўзбекистон Республикаси Олий судига қонунчилик ташаббуси ҳуқуқи берилган.
Ў.Р.О.с. Олий суд Пленуми, Раёсати, Фуқаролик ишлари бўйича судлов ҳайъати, Жиноят ишлари бўйича судлов ҳайъати, Ҳарбий ҳайъат таркибида иш олиб боради. Олий суд Пленуми энг юқори судлов инстанцияси бўлиб, 4 ойда 1 марта чақирилади ҳамда Олий суд судьялари ва Қорақалпоғистон Республикаси олий судларининг раисларидан иборат таркибда иш олиб боради. Олий суд Пленуми ишларни назорат тартибида кўради, суд амалиётини умумлаштириш материалларини кўриб чиқади ва қонун ҳужжатларини қўллаш масалалари бўйича тушунтиришлар беради, Олий суд раисининг тақдимномаларига биноан, Олий суд Раёсатининг таркибини, судлов ҳайъатларининг таркиби ва раисларини тасдиклайди. Олий суд Раёсати Ў.Р.О.с. судьяларидан белгиланган миқдорда тузилади. Олий суд Раёсатининг мажлислари ҳар ойда камида 1 марта ўтказилади. Олий суднинг судлов ҳайъатлари ишларни 1инстанцияда, аппеляция, кассация тартибида ва назорат тартибида кўради, суд амалиетини ўрганади ва умумлаштиради, қонун ҳужжатларини такомиллаштириш юзасидан таклифлар ишлаб чиқади, суд статистикасини таҳлил қилади ва ҳ.к. Олий суд раиси, раис ўринбосарлари, судьялари Ўзбекистон Республикаси Президентининг тақдимномасига биноан, Ўзбекистон Республикаси Олий Мажлисининг Сенати томонидан 5 йил муддатга сайланади.
Ў.Р.О.с. « Ўзбекистон Республикаси Олий судининг ахборотномаси» (1989 йилдан ўзбек ва рус тилларида), Олий суд Пленуми қарорлари тўпламини нашр этади. «Куч — адолатда» газ.нинг муассиси ҳисобланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.