Özbekiston Respublikasi öquvçilar saroyi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 62–63-b. — ziyouz.com
Özbekiston Respublikasi öquvçilar saroyi ÖZBEKISTON RESPUBLIKASI ÖQUVÇILAR SAROYI, Respublika öquvçilar saroyi — Özbekiston Respublikasi xalq ta'limi vazirligi tasarrufidagi maktabdan taşqari ta'lim muassasasi. 1935 yil iyunda Özbekiston MIK qaroriga binoan Toşkent şahrida Pionerlar saroyi nomi bilan taşkil etilgan. 1961 yildan Respublika pioner va öquvçilar saroyi deb nomlangan. 1992 yil yanv.dan hoz. nomda. Asosiy vazifasi öquvçi yoşlarning böş vaqtlarini mazmunli ötkaziş, ularning maktabda olgan bilimlarini çuqurlaştiriş, kasb-hunar malakalarini egallaşlarida kömaklaşiş, dunyoviy va zamonaviy bilimlardan voqif qiliş, ijodiy hamda taşkilotçilik qobiliyatlarini şakllantiriş va östiriş, kaşfiyotçilik va ixtiroçilik işlariga jalb etişdan iborat. 1935 yil dek. da 2 yillik gimnastlar maktabi, 1936 yil yanv.da Tamaraxonim rahbarligida şarq raqslari maktabi va şu yili bolalar musiqa maktabi oçilgan. 1950-y.lardan saroyda amaliy san'at tögaraklari, jumladan, Mahmud Usmonov rahbarligida gançkorlik tögaragi iş boşlagan.
2005 yil saroyda 5 bölim, musiqa maktabi, 210 tögarak, klub, doiraçilar dastasi, raqs dastalari, bolalar havaskorlik xalq dastasi, vokal çolğu va özbek xalq çolğu asboblari dastalari işladi; ularda 3742 ögil qiz iştirok etdi. Saroy Qoraqalpoğiston Respublikasi, viloyatlar, Toşkent şahridagi öquvçilar saroyi va ijodiyot markazlariga metodik xizmat körsatadi. Saroy xalqaro, respublika miqyosidagi ommaviy tadbirlar, jumladan, qariyb 10 yildan beri ötkazilib kelinayotgan «Yoş raqqosalar», «Maqomçilar», «Bolalar vokal dastalari» respublika tanlovlari taşabbuskori. Şuningdek, YUNISEF Xalqaro bolalar taşkilotining Özbekistondagi vakolatxonasi, ÖzRdagi milliy madaniy markazlar bilan hamkorlikda «Zamonaviy dunyo — bolalar nigohida» rasmlar tanlovi, «Döst bilan obod uying», «Bolalar ovozi» mavzularida döstlik festivallarini ötkazadi. Saroy tögaraklari iste'dodli a'zolarining xalq ustalari, rassomlari, hunarmandlari ustaxonalarida, ixtiroçi olimlar lab.larida amaliy va öquv maşğulotlarini ötkazişlari uçun keng imkoniyatlar yaratilgan. Saroyda «Ustozşogird» an'analari mavjud. K,.Dadayev, Ğ. Yoqubov, Farrux Zokirov, Q. Möminov, S.Jabborova, K .Döstmuhamedova,
M.Ahmedova, T.Jamilova, Dilmurod, Xolmurod va Elmurod Islomovlar, Ziyoda va Nasiba Madrahimova kabi san'atkorlar saroy tögarak va dastalarida ilk kasb malakalarini egallaganlar.
Elmurod Islomov.
Asl matn (kirill, PDF'dagidek)
ЎЗБЕКИСТОН РЕСПУБЛИКАСИ ЎҚУВЧИЛАР САРОЙИ, Республика ўқувчилар саройи — Ўзбекистон Республикаси халқ таълими вазирлиги тасарруфидаги мактабдан ташқари таълим муассасаси. 1935 йил июнда Ўзбекистон МИК қарорига биноан Тошкент шаҳрида Пионерлар саройи номи билан ташкил этилган. 1961 йилдан Республика пионер ва ўқувчилар саройи деб номланган. 1992 йил янв.дан ҳоз. номда. Асосий вазифаси ўқувчи ёшларнинг бўш вақтларини мазмунли ўтказиш, уларнинг мактабда олган билимларини чуқурлаштириш, касб-ҳунар малакаларини эгаллашларида кўмаклашиш, дунёвий ва замонавий билимлардан воқиф қилиш, ижодий ҳамда ташкилотчилик қобилиятларини шакллантириш ва ўстириш, кашфиётчилик ва ихтирочилик ишларига жалб этишдан иборат. 1935 йил дек. да 2 йиллик гимнастлар мактаби, 1936 йил янв.да Тамарахоним раҳбарлигида шарқ рақслари мактаби ва шу йили болалар мусиқа мактаби очилган. 1950-й.лардан саройда амалий санъат тўгараклари, жумладан, Маҳмуд Усмонов раҳбарлигида ганчкорлик тўгараги иш бошлаган.
2005 йил саройда 5 бўлим, мусиқа мактаби, 210 тўгарак, клуб, доирачилар дастаси, рақс дасталари, болалар ҳаваскорлик халқ дастаси, вокал чолғу ва ўзбек халқ чолғу асбоблари дасталари ишлади; уларда 3742 ўгил қиз иштирок этди. Сарой Қорақалпоғистон Республикаси, вилоятлар, Тошкент шаҳридаги ўқувчилар саройи ва ижодиёт марказларига методик хизмат кўрсатади. Сарой халқаро, республика миқёсидаги оммавий тадбирлар, жумладан, қарийб 10 йилдан бери ўтказилиб келинаётган «Ёш раққосалар», «Мақомчилар», «Болалар вокал дасталари» республика танловлари ташаббускори. Шунингдек, ЮНИСЕФ Халқаро болалар ташкилотининг Ўзбекистондаги ваколатхонаси, ЎзРдаги миллий маданий марказлар билан ҳамкорликда «Замонавий дунё — болалар нигоҳида» расмлар танлови, «Дўст билан обод уйинг», «Болалар овози» мавзуларида дўстлик фестивалларини ўтказади. Сарой тўгараклари истеъдодли аъзоларининг халқ усталари, рассомлари, ҳунармандлари устахоналарида, ихтирочи олимлар лаб.ларида амалий ва ўқув машғулотларини ўтказишлари учун кенг имкониятлар яратилган. Саройда «Устозшогирд» анъаналари мавжуд. К,.Дадаев, Ғ. Ёқубов, Фаррух Зокиров, Қ. Мўминов, Ц.Жабборова, К .Дўстмуҳамедова,
ь М.Аҳмедова, Т.Жамилова, Дилмурод, Холмурод ва Элмурод Исломовлар, Зиёда ва Насиба Мадраҳимова каби санъаткорлар сарой тўгарак ва дасталарида илк касб малакаларини эгаллаганлар.
Элмурод Исломов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.