Özbekiston Respublikasi Taşqi iqtisodiy faoliyat milliy banki
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 56–57-b. — ziyouz.com
Özbekiston Respublikasi Taşqi iqtisodiy faoliyat milliy banki ÖZBEKISTON RESPUBLIKASI TAŞQI IQTISODIY FAOLIYAT MILLIY BANKI, Özmilliy bank — yirik kreditmoliya muassasasi. Özbekiston Respublikasi Prezidentining 1991 yil 7 sentyabrdagi Farmoniga köra taşkil etilgan. Boş idorasi Toşkent şahrida. Muassisi Özbekiston Respublikasi Vazirlar Mahkamasi. Bank Özbekiston Respublikasi Hukumatining xalqaro moliya bozorlaridagi agenti hisoblanadi. Respublikaning barça viloyat markazlarida va Qoraqalpoğistonda viloyat bölimlari bor. Markaziy operatsiya bölimi, Toşkent şahar (poytaxt) va viloyat bölimlari Toşkent şahrida joylaşgan.
Bank loyihalarni moliyalaş, universal tijorat, investitsiyalarni yönaltiruvçi va çakana bank vazifalarini bajaradi. 1993—2004 yillar davomida bank jalb etilgan va öziga tegişli resurslar hisobidan umumiy qiymati 7 mlrd. AQŞ dollari bölgan 170 dan ziyod investitsiya loyihalarini moliyalaştirdi. Bu loyihalar milliy iqtisodiyotning energiya resurslari, nodir megallar qazib oliş va qayta işlaş, q.x., töqimaçilik va kime sanoati, transport, aloqa, saiyehlik infratuzilmasi, kiçik biznes va xususiy tadbirkorlikni rivojlantiriş sohalarida amalga oşirilmoqda.
Bank faoliyatida kiçik biznes va tadbirkorlikni rivojlantiriş uçun xorijiy investitsiyalarni jalb etiş ustuvor yönalişlardan biri hisoblanadi. Bank tomonidan bir qança xalqaro kreditmuassasalarining kredit yönalişlari doirasida umumiy qiymati 443 mln. AQŞ dollari bölgan 140 dan ortiq kiçik biznes investitsiya loyihalari moliyalanmoqda (2005). Jahonning 67 mamlakatidagi qariyb 600 ta xorijiy bank bilan vakillik munosabatlari örnatgan. Bankning respublikaning barça mintaqalarida joylaşgan 96 bölimi va filiallari korporativ hamda çakana mijozlarga zamonaviy bank xizmatlari körsatadi. 2004 yilda 600 mingdan köproq mijozlarga xizmat körsatdi.
Bankning e'lon qilingan kapitali hajmi ekvivalentda 485 mln. AQŞ dollari, jamlanma balansi 292 mln. AQŞ dollari (2005, 1 yanv.), kredit portfelining 73,5%ni uzoq muddatli kreditlar taşkil etadi.
2000—2004 yillarda jamlanma balansi söm ekvivalentida 3,5 baravar ösdi. Bank respublikadagi bir kança ijtimoiy jamğarmalarga doimiy asosda moddiy yordam körsatadi, ijtimoiymadaniy tadbirlarga homiylik qiladi. Bank Özbekiston Tasviriy san'at galereyasini moliyalaydigan asosiy muassasa (galereyadagi 300 dan ortiq tasviriy san'at asarlari, noyob qadimiy va örta asr tangalari bankning kolleksiyasidir).
Ravşan Ğulomov.
Asl matn (kirill, PDF'dagidek)
ЎЗБЕКИСТОН РЕСПУБЛИКАСИ ТАШҚИ ИҚТИСОДИЙ ФАОЛИЯТ МИЛЛИЙ БАНКИ, Ўзмиллий банк — йирик кредитмолия муассасаси. Ўзбекистон Республикаси Президентининг 1991 йил 7 сентябрдаги Фармонига кўра ташкил этилган. Бош идораси Тошкент шаҳрида. Муассиси Ўзбекистон Республикаси Вазирлар Маҳкамаси. Банк Ўзбекистон Республикаси Ҳукуматининг халқаро молия бозорларидаги агенти ҳисобланади. Республиканинг барча вилоят марказларида ва Қорақалпоғистонда вилоят бўлимлари бор. Марказий операция бўлими, Тошкент шаҳар (пойтахт) ва вилоят бўлимлари Тошкент шаҳрида жойлашган.
Банк лойиҳаларни молиялаш, универсал тижорат, инвестицияларни йўналтирувчи ва чакана банк вазифаларини бажаради. 1993—2004 йиллар давомида банк жалб этилган ва ўзига тегишли ресурслар ҳисобидан умумий қиймати 7 млрд. АҚШ доллари бўлган 170 дан зиёд инвестиция лойиҳаларини молиялаштирди. Бу лойиҳалар миллий иқтисодиётнинг энергия ресурслари, нодир мегаллар қазиб олиш ва қайта ишлаш, қ.х., тўқимачилик ва киме саноати, транспорт, алоқа, саиеҳлик инфратузилмаси, кичик бизнес ва хусусий тадбиркорликни ривожлантириш соҳаларида амалга оширилмоқда.
Банк фаолиятида кичик бизнес ва тадбиркорликни ривожлантириш учун хорижий инвестицияларни жалб этиш устувор йўналишлардан бири ҳисобланади. Банк томонидан бир қанча халқаро кредитмуассасаларининг кредит йўналишлари доирасида умумий қиймати 443 млн. АҚШ доллари бўлган 140 дан ортиқ кичик бизнес инвестиция лойиҳалари молияланмоқда (2005). Жаҳоннинг 67 мамлакатидаги қарийб 600 та хорижий банк билан вакиллик муносабатлари ўрнатган. Банкнинг республиканинг барча минтақаларида жойлашган 96 бўлими ва филиаллари корпоратив ҳамда чакана мижозларга замонавий банк хизматлари кўрсатади. 2004 йилда 600 мингдан кўпроқ мижозларга хизмат кўрсатди.
Банкнинг эълон қилинган капитали ҳажми эквивалентда 485 млн. АҚШ доллари, жамланма баланси 292 млн. АҚШ доллари (2005, 1 янв.), кредит портфелининг 73,5%ни узоқ муддатли кредитлар ташкил этади.
2000—2004 йилларда жамланма баланси сўм эквивалентида 3,5 баравар ўсди. Банк республикадаги бир канча ижтимоий жамғармаларга доимий асосда моддий ёрдам кўрсатади, ижтимоиймаданий тадбирларга ҳомийлик қилади. Банк Ўзбекистон Тасвирий санъат галереясини молиялайдиган асосий муассаса (галереядаги 300 дан ортиқ тасвирий санъат асарлари, ноёб қадимий ва ўрта аср тангалари банкнинг коллекциясидир).
Равшан Ғуломов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.