Özbekiston Respublikasining Oliy xöjalik sudi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 72-b. — ziyouz.com
Özbekiston Respublikasining Oliy xöjalik sudi — Özbekistonda xöjalik sud işlarini yuritiş sohasida sud hokimiyatining oliy organi. Xöjalik sudining vakolatlari Özbekiston Respublikasining Konstitutsiyasi 111-moddasi va «Sudlar töğrisida» Özbekiston Respublikasining qonuni (yangi tahriri, 2000 yil 14 dek.)da belgilab berilgan. Bunga köra. mazkur sud Qoraqalpoğiston Respublikasi xöjalik sudining, viloyatlar va Toşkent şahri xöjalik sudlarining sudlov faoliyati ustidan nazorat olib boriş huquqiga ega. Oliy xöjalik sudi işlarni 1instansiya sudi sifatida, kassatsiya tartibida va nazorat tartibida köradi; Oliy xöjalik sudi Plenumining tuşuntirişlari xöjalik sudlari tomonidan bajarilişini nazorat qiladi, quyi xöjalik sudlari faoliyatini tekşiradi, ularning iş tajribasini umumlaştiradi va ommalaştiradi. Özbekiston Respublikasining Oliy xöjalik sudi rais, uning 1-örinbosari, örinbosarlar, sudlov hay'atlarining raislari, Oliy xöjalik sudi sudyalaridan iborat bölib, quyidagi tartibda iş olib boradi: Özbekiston Respublikasi Oliy xöjalik sudining Plenumi; Özbekiston Respublikasi Oliy xöjalik sudining Rayosati; fuqarolik huquqiy munosabatlaridan kelib çiqadigan nizolarni hal etiş böyiça sudlov hay'ati; ma'muriy huquqiy munosabatlardan kelib çiqadigan nizolarni hal etiş böyiça sudlov hay'ati.
Oliy xöjalik sudi Plenumi bir yilda kamida 2 marta çaqiriladi, Rayosatining majlislari har oyda kamida 1 marta ötkaziladi.
Oliy xöjalik sudi sudyalarining maqomi, ularni saylaş va tayinlaş tartibi qonunda körsatib ötilgan.
Asl matn (kirill, PDF'dagidek)
ЎЗБЕКИСТОН РЕСПУБЛИКАСИНИНГ ОЛИЙ ХЎЖАЛИК СУДИ — Ўзбекистонда хўжалик суд ишларини юритиш соҳасида суд ҳокимиятининг олий органи. Хўжалик судининг ваколатлари Ўзбекистон Республикасининг Конституцияси 111-моддаси ва «Судлар тўғрисида» Ўзбекистон Республикасининг қонуни (янги таҳрири, 2000 йил 14 дек.)да белгилаб берилган. Бунга кўра. мазкур суд Қорақалпоғистон Республикаси хўжалик судининг, вилоятлар ва Тошкент шаҳри хўжалик судларининг судлов фаолияти устидан назорат олиб бориш ҳуқуқига эга. Олий хўжалик суди ишларни 1инстанция суди сифатида, кассация тартибида ва назорат тартибида кўради; Олий хўжалик суди Пленумининг тушунтиришлари хўжалик судлари томонидан бажарилишини назорат қилади, қуйи хўжалик судлари фаолиятини текширади, уларнинг иш тажрибасини умумлаштиради ва оммалаштиради. Ўзбекистон Республикасининг Олий хўжалик суди раис, унинг 1-ўринбосари, ўринбосарлар, судлов ҳайъатларининг раислари, Олий хўжалик суди судьяларидан иборат бўлиб, қуйидаги тартибда иш олиб боради: Ўзбекистон Республикаси Олий хўжалик судининг Пленуми; Ўзбекистон Республикаси Олий хўжалик судининг Раёсати; фуқаролик ҳуқуқий муносабатларидан келиб чиқадиган низоларни ҳал этиш бўйича судлов ҳайъати; маъмурий ҳуқуқий муносабатлардан келиб чиқадиган низоларни ҳал этиш бўйича судлов ҳайъати.
Олий хўжалик суди Пленуми бир йилда камида 2 марта чақирилади, Раёсатининг мажлислари ҳар ойда камида 1 марта ўтказилади.
Олий хўжалик суди судьяларининг мақоми, уларни сайлаш ва тайинлаш тартиби қонунда кўрсатиб ўтилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.