Özbekiston şoşilinç tibbiy yordam markazi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 94–95-b. — ziyouz.com
Özbekiston şoşilinç tibbiy yordam markazi ÖZBEKISTON ŞOŞILINÇ TIBBIY YORDAM MARKAZI, Respublika şoşilinç tibbiy yordam ilmiy markazi — yuqori malakali ixtisoslaşgan şoşilinç tibbiy yordam körsatadigan ilmiy muassasa. Özbekiston Respublikasi Prezidenti I.A. Karimov taşabbusi bilan taşkil etilib, 2001 yil 1 maydan faoliyat körsata boşladi. 760 öringa möljallangan hamda jahon andozalari darajasidagi tegişli tibbiyot asbobuskunalari bilan jihozlangan uşbu markaz respublikamiz aholisiga tunu kun yuqori malakali maxsus şoşilinç tibbiy yordam körsatiş quvvatiga ega. Tarkibiga respublika sanaviatsiyasi va Toşkent şahri «03» xizmati ham kiradi. Uning viloyatlarda 12 ta filiali va 173 ta bölimi, şuningdek, tuman va şahar miqyosida favqulodda vaziyatlarda faoliyat körsatuvçi 182 ta şoşilinç tibbiy yordam brigadalari mavjud.
Markazda 11 ta ilmiy bölim (şoşilinç jarrohlik; qöşma va asoratlangan jarohatlar; kombustiologiya; şoşilinç terapevtik holatlar; toksikologiya va kritik holatlar; yoş bolalar şoşilinç jarrohligi; şoşilinç pediatrik holatlar; şoşilinç uroginekologiya; nur diagnostikasi; patologik anatomiya va eksperimental tibbiyot, qabuldiagnostika), ular tarkibida 36 ta klinik bölinma bölib, turli xil şoşilinç jarrohlik, neyrojarrohlik, akuşerginekologik, urologik, terapevtik, kardiologik va boşqalar patologiyali bemorlarni qabul qiladi. 2005 yil 225 örinli pediatriya majmui işga tuşirildi. Markaz zamonaviy tibbiyotning dolzarb muammolariga oid i.t.lar olib boradi, bular, asosan, şoşilinç holatlarni erta diagnostika qiliş va davolaşning eng maqbul va kam jarohat yetkazuvçi usullarini işlab çiqiş va amaliyotga tatbiq etişdan iborat. Bular davolaş samaradorligini oşiriş bilan birga, yotib davolaniş muddatini, şuningdek, davolaniş uçun ketadigan xarajatlarni jiddiy kamaytirişga imkon beradi. Markaz, uning filiallari, bölim va bölinmalarida aloqa va telekommunikatsiya vositalaridan keng foydalaniladi. Ular zamonaviy telefon va mobil aloqa (tranking radiotelefon va uyali aloqa) vositalari hamda kompyuter texnikasi, 1pgegpe11tgape1 körinişidagi telekommunikatsiya tizimi bilan ta'minlangan, bu şoşilinç tibbiy yordam tizimi texnologiyasi, şuningdek, teletibbiyot tizimini, ya'ni uzluksiz faoliyat körsatuvçi tibbiyot xodimlarini masofadan turib öqitiş va tegişli maslahatlar beriş (konsultatsiya) tizimini ham öz içiga oladi. Markazda Toşkent tibbiyot akademiyasi hamda Toşkent vraçlar malakasini oşiriş intining kafedralari bor. Markaz respublikada şoşilinç tibbiy xizmat tizimini, bu sohada mavjud moddiytexnik, ilmii va kadrlar salohiyatini yagona tizimga birlaştiradi. Davlat tomonidan ta'minlanadigan uşbu Markaz aholiga şoşilinç holatlarda yuqori malakali bepul tibbiy yordam körsatiş davlat kafolatini amalga oşiradi.
Asl matn (kirill, PDF'dagidek)
ЎЗБЕКИСТОН ШОШИЛИНЧ ТИББИЙ ЁРДАМ МАРКАЗИ, Республика шошилинч тиббий ёрдам илмий маркази — юқори малакали ихтисослашган шошилинч тиббий ёрдам кўрсатадиган илмий муассаса. Ўзбекистон Республикаси Президенти И.А. Каримов ташаббуси билан ташкил этилиб, 2001 йил 1 майдан фаолият кўрсата бошлади. 760 ўринга мўлжалланган ҳамда жаҳон андозалари даражасидаги тегишли тиббиёт асбобускуналари билан жиҳозланган ушбу марказ республикамиз аҳолисига туну кун юқори малакали махсус шошилинч тиббий ёрдам кўрсатиш қувватига эга. Таркибига республика санавиацияси ва Тошкент шаҳри «03» хизмати ҳам киради. Унинг вилоятларда 12 та филиали ва 173 та бўлими, шунингдек, туман ва шаҳар миқёсида фавқулодда вазиятларда фаолият кўрсатувчи 182 та шошилинч тиббий ёрдам бригадалари мавжуд.
Марказда 11 та илмий бўлим (шошилинч жарроҳлик; қўшма ва асоратланган жароҳатлар; комбустиология; шошилинч терапевтик ҳолатлар; токсикология ва критик ҳолатлар; ёш болалар шошилинч жарроҳлиги; шошилинч педиатрик ҳолатлар; шошилинч урогинекология; нур диагностикаси; патологик анатомия ва экспериментал тиббиёт, қабулдиагностика), улар таркибида 36 та клиник бўлинма бўлиб, турли хил шошилинч жарроҳлик, нейрожарроҳлик, акушергинекологик, урологик, терапевтик, кардиологик ва бошқалар патологияли беморларни қабул қилади. 2005 йил 225 ўринли педиатрия мажмуи ишга туширилди. Марказ замонавий тиббиётнинг долзарб муаммоларига оид и.т.лар олиб боради, булар, асосан, шошилинч ҳолатларни эрта диагностика қилиш ва даволашнинг энг мақбул ва кам жароҳат етказувчи усулларини ишлаб чиқиш ва амалиётга татбиқ этишдан иборат. Булар даволаш самарадорлигини ошириш билан бирга, ётиб даволаниш муддатини, шунингдек, даволаниш учун кетадиган харажатларни жиддий камайтиришга имкон беради. Марказ, унинг филиаллари, бўлим ва бўлинмаларида алоқа ва телекоммуникация воситаларидан кенг фойдаланилади. Улар замонавий телефон ва мобил алоқа (транкинг радиотелефон ва уяли алоқа) воситалари ҳамда компьютер техникаси, 1пгегпе11тгапе1 кўринишидаги телекоммуникация тизими билан таъминланган, бу шошилинч тиббий ёрдам тизими технологияси, шунингдек, телетиббиёт тизимини, яъни узлуксиз фаолият кўрсатувчи тиббиёт ходимларини масофадан туриб ўқитиш ва тегишли маслаҳатлар бериш (консультация) тизимини ҳам ўз ичига олади. Марказда Тошкент тиббиёт академияси ҳамда Тошкент врачлар малакасини ошириш интининг кафедралари бор. Марказ республикада шошилинч тиббий хизмат тизимини, бу соҳада мавжуд моддийтехник, илмии ва кадрлар салоҳиятини ягона тизимга бирлаштиради. Давлат томонидан таъминланадиган ушбу Марказ аҳолига шошилинч ҳолатларда юқори малакали бепул тиббий ёрдам кўрсатиш давлат кафолатини амалга оширади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.