Özbekiston Tasviriy san'at galereyasi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 88–89-b. — ziyouz.com
Özbekiston Tasviriy san'at galereyasi — özbek xalqining boy badiiy merosini saqlaş, tasviriy san'at asarlarini töplaş va yutuqlarini tarğib qilişga qaratilgan madaniy-ma'rifiy muassasa. Özbekiston Respublikasi Taşqi iqtisodiy faoliyat milliy banki tasarrufida. Özbekiston Respublikasi Vazirlar Mahkamasining 1994 yil 12 oktyabr «Taşqi iqtisodiy faoliyat milliy banki galereyasini taşkil qiliş töğrisida»gi qaroriga binoan asos solingan. 2004 yildan Özbekiston Respublikasi Prezidenti I.Karimov taşabbusi bilan Toşkent şahrida maxsus qurilgan binoga joylaştirilgan (boş me'mori V.N.Breusenko; boş muhandisi G.V.Kostina). Törtburçak tarhli bino me'morlikning eng sönggi yutuqlarini qöllagan holda bunyod etilgan, poydevori, zinalari marmar bilan qoplangan, içki bezaklarida ganç öymakorligidan foydalanilgan.
Galereyada 15 ta körgazma xonasi (umumiy ekspozitsiya maydoni 3,5 ming kv.m), zarur texnika uskunalari bilan jihozlangan majlislar zali hamda xazina, ma'ruza va kino zallari, kutubxona, mohir usta studiyasi, ustaxonalar, badiiy salon, kafeteriy bor. Galereya xazinasida 20-asr boşidan hoz. kungaça yaratilgan Özbekiston tasviriy san'atining 1000 dan ziyod rang-tasvir va grafika asarlari hamda nodir numizmatika namunalari saqlanadi. Özbekiston tasviriy san'atining 20-asr boşlarida ijod qilgan P.Benkov, L.Bure, A.Volkov, Usto Mömin, M.Kurzin, N.Kaşina, keyinroq N.Karaxan, A.Abdullayev, Ö.Tansiqboyev, N.Köziboyev, Ç.Axmarov va boşqalarning asarlari bilan bir qatorda zamonaviy tasviriy san'at namoyandalari — Özbekiston BA akademiklari B.Jalolov, J.Umarbekov, A.Mirzayev, S.Rahmetov, S.Abdullayev kabi rassomlarning asarlari ham ekspozitsiyadan örin olgan. Galereyaning numizmatika bölimidagi Örta Osiyoda turli tarixiy davrlarda zarb qilingan tangalar Özbekiston tarixini özida aks ettiradi hamda katta madaniytarixiy va ilmiy ahamiyatga egadir.
Galereya Özbekiston rang-tasvir asarlarini töplaş, saqlaş, respublika boy madaniyatini örganiş hamda tasviriy san'at asarlari körgazmalarini uyuştiriş orqali keng kölamda tarğib qiliş işlarini amalga oşiradi, jahon badiiy madaniyati yutuqlarini örganadi va hoz. davr estetikasi va ijtimoiy muammolariga bağişlangan ilmiy anjumanlar, ma'ruzalar, seminarlar taşkil qiladi, axborotlar tayyorlaydi hamda kitob, jurnal, almanax, kataloglar naşr etadi. Körgazmalar va tajribalar almaşiş yöli bilan, festival, yarmarka, tanlovlar uyuştiriş vositasida ilmiy, madaniy xalqaro aloqalarni yölga qöyadi. Xalqaro miqyosdagi tadbirlarda qatnaşadi.
Asl matn (kirill, PDF'dagidek)
ЎЗБЕКИСТОН ТАСВИРИЙ САНЪАТ ГАЛЕРЕЯСИ — ўзбек халқининг бой бадиий меросини сақлаш, тасвирий санъат асарларини тўплаш ва ютуқларини тарғиб қилишга қаратилган маданий-маърифий муассаса. Ўзбекистон Республикаси Ташқи иқтисодий фаолият миллий банки тасарруфида. Ўзбекистон Республикаси Вазирлар Маҳкамасининг 1994 йил 12 октябр «Ташқи иқтисодий фаолият миллий банки галереясини ташкил қилиш тўғрисида»ги қарорига биноан асос солинган. 2004 йилдан Ўзбекистон Республикаси Президенти И.Каримов ташаббуси билан Тошкент шаҳрида махсус қурилган бинога жойлаштирилган (бош меъмори В.Н.Бреусенко; бош муҳандиси Г.В.Костина). Тўртбурчак тарҳли бино меъморликнинг энг сўнгги ютуқларини қўллаган ҳолда бунёд этилган, пойдевори, зиналари мармар билан қопланган, ички безакларида ганч ўймакорлигидан фойдаланилган.
Галереяда 15 та кўргазма хонаси (умумий экспозиция майдони 3,5 минг кв.м), зарур техника ускуналари билан жиҳозланган мажлислар зали ҳамда хазина, маъруза ва кино заллари, кутубхона, моҳир уста студияси, устахоналар, бадиий салон, кафетерий бор. Галерея хазинасида 20-аср бошидан ҳоз. кунгача яратилган Ўзбекистон тасвирий санъатининг 1000 дан зиёд ранг-тасвир ва графика асарлари ҳамда нодир нумизматика намуналари сақланади. Ўзбекистон тасвирий санъатининг 20-аср бошларида ижод қилган П.Беньков, Л.Бурэ, А.Волков, Усто Мўмин, М.Курзин, Н.Кашина, кейинроқ Н.Карахан, А.Абдуллаев, Ў.Тансиқбоев, Н.Кўзибоев, Ч.Ахмаров ва бошқаларнинг асарлари билан бир қаторда замонавий тасвирий санъат намояндалари — Ўзбекистон БА академиклари Б.Жалолов, Ж.Умарбеков, А.Мирзаев, С.Раҳметов, С.Абдуллаев каби рассомларнинг асарлари ҳам экспозициядан ўрин олган. Галереянинг нумизматика бўлимидаги Ўрта Осиёда турли тарихий даврларда зарб қилинган тангалар Ўзбекистон тарихини ўзида акс эттиради ҳамда катта маданийтарихий ва илмий аҳамиятга эгадир.
Галерея Ўзбекистон ранг-тасвир асарларини тўплаш, сақлаш, республика бой маданиятини ўрганиш ҳамда тасвирий санъат асарлари кўргазмаларини уюштириш орқали кенг кўламда тарғиб қилиш ишларини амалга оширади, жаҳон бадиий маданияти ютуқларини ўрганади ва ҳоз. давр эстетикаси ва ижтимоий муаммоларига бағишланган илмий анжуманлар, маърузалар, семинарлар ташкил қилади, ахборотлар тайёрлайди ҳамда китоб, журнал, альманах, каталоглар нашр этади. Кўргазмалар ва тажрибалар алмашиш йўли билан, фестиваль, ярмарка, танловлар уюштириш воситасида илмий, маданий халқаро алоқаларни йўлга қўяди. Халқаро миқёсдаги тадбирларда қатнашади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.