«Özbekiston tibbiyot jurnali»
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 89–90-b. — ziyouz.com
«Özbekiston tibbiyot jurnali» — Özbekiston tibbiyot xodimlarining ilmiyamaliy jurnali. Muassisi: Özbekiston Respublikasi soğliqni saqlaş vazirligi, Qoraqalpoğiston Respublikasi soğliqni saqlaş vazirligi, viloyatlar soğliqni saqlaş bölimlari, Toşkent şahri soğliqni saqlaş boş boşqarmasi. Toşkent şahrida 1 yil da 6 marta özbek va rus tillarida naşr qilinadi. Dastlab «Turkiston tibbiyot jurnali», «Örta Osiyo tibbiyot jurnali» nomlari bilan çop etilgan (192225); 1926 yildan hoz. nomda. 194153 yillarda vaqtinça töxtatilgan.
Jur.ning asosiy vazifasi Özbekistonda soğliqni saqlaş tizimidagi islohotlarni, ilmiyamaliy yutuqlarni tarğib qiliş, epidemiologiya, sanitariya, ekologiya, farmatsevtika, dorişunoslik masalalari hamda soğlom turmuş tarzini yoritiş. Jur. sahifalarida mustaqillik yillarida tibbiyot sohasida olib borilayotgan ilmiy izlanişlar, qölga kiritilgan yutuqlar, Özbekistonda qabul qilinayotgan soğliqni saqlaş tizimini isloh qiliş davlat dasturiga oid materiallar asosiy örin egallaydi. Unda tibbiyot, soğliqni saqlaş muammolari, şuningdek, çet el olimlari bilan hamkorlikda olib borilayotgan izlanişlar samarasi haqida maqolalar berib boriladi. Adadi 2200 (2005). Boş muharriri Özbekiston soğliqni saqlaş vaziri, prof. F.Ğ.Nazirov (2000 yildan).
Asl matn (kirill, PDF'dagidek)
«ЎЗБЕКИСТОН ТИББИЁТ ЖУРНАЛИ» — Ўзбекистон тиббиёт ходимларининг илмийамалий журнали. Муассиси: Ўзбекистон Республикаси соғлиқни сақлаш вазирлиги, Қорақалпоғистон Республикаси соғлиқни сақлаш вазирлиги, вилоятлар соғлиқни сақлаш бўлимлари, Тошкент шаҳри соғлиқни сақлаш бош бошқармаси. Тошкент шаҳрида 1 йил да 6 марта ўзбек ва рус тилларида нашр қилинади. Дастлаб «Туркистон тиббиёт журнали», «Ўрта Осиё тиббиёт журнали» номлари билан чоп этилган (192225); 1926 йилдан ҳоз. номда. 194153 йилларда вақтинча тўхтатилган.
Жур.нинг асосий вазифаси Ўзбекистонда соғлиқни сақлаш тизимидаги ислоҳотларни, илмийамалий ютуқларни тарғиб қилиш, эпидемиология, санитария, экология, фармацевтика, доришунослик масалалари ҳамда соғлом турмуш тарзини ёритиш. Жур. саҳифаларида мустақиллик йилларида тиббиёт соҳасида олиб борилаётган илмий изланишлар, қўлга киритилган ютуқлар, Ўзбекистонда қабул қилинаётган соғлиқни сақлаш тизимини ислоҳ қилиш давлат дастурига оид материаллар асосий ўрин эгаллайди. Унда тиббиёт, соғлиқни сақлаш муаммолари, шунингдек, чет эл олимлари билан ҳамкорликда олиб борилаётган изланишлар самараси ҳақида мақолалар бериб борилади. Адади 2200 (2005). Бош муҳаррири Ўзбекистон соғлиқни сақлаш вазири, проф. Ф.Ғ.Назиров (2000 йилдан).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.