Özbekiston Xalq demokratik partiyasi

Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 92–93-b. — ziyouz.com

Özbekiston Xalq demokratik partiyasi (Özbekiston XDP) — Özbekistonddgi siyosiy partiyalardan biri. Özbekiston Respublikasi Adliya vazirligi tomonidan 1991 yil 15 noyab. da röixatga olingan. 2005 yil iyulda partiyaning yangi Dasturi, 2004 yil noyab. da yangi tahrirdagi Ustavi tasdiqlandi. Özbekiston XDP har bir oila, mehnat kişisining millati, dini, e'tiqodi, ijtimoiy ahvoli va kelib çiqişidan qat'i nazar, moddiy va ma'naviy farovon hayot keçirişi uçun teng imkoniyatlar yaratiş, ularning konstitutsiyaviy huquqlari va insoniy erkinliklarini kafolatlaş, şa'ni, qadrqimmati, tinçligini ta'minlaşni öz vazifasi deb biladi. Partiya mamlakatimiz aholisining ijtimoiy muhofazaga muhtoj tabaqalari manfaatlarini ifoda etadi va himoya qiladi.

Özbekiston XDPning oliy organi — 5 yilda 1 marta çaqiriladigan qurultoy. Unda partiya Markaziy kengaşi va Markaziy taftiş komissiyasi saylanadi. Markaziy kengaş plenumida MK birinçi kotibi va kotiblari (yangi tahrirdagi Ustavga muvofiq, MK raisi va rais örinbosarlari) hamda joriy işlarga rahbarlik qiluvçi Siyosiy ijroiya qömita saylanadi. Özbekiston XDP Markaziy kengaşi 1kotiblari: M.Rasulov (199194), A.Jalolov (19942004); Markaziy Kengaş raislari: A. Rustamov (20042005), L.Ğulomov (2005 yil iyuldan). Özbekiston XDP tarkibida Qoraqalpoğiston Respublikasi, 12 ta viloyat, Toşkent şahri, 171 ta tuman va 29 şahar kengaşlari, 13730 ta boşlanğiç taşkilot mavjud. Partiyaning 585196 nafar a'zosi bor (2005 yil 1 yanv.).

Özbekiston XDP faoliyatining asosiy yönalişi parlamentçilik işidir. Oliy Majlisning Qonunçilik palatasida uning 27 nafar deputatni birlaştiruvçi fraksiyasi mavjud. Fraksiya 2005 yil 14 fev.dagi yiğilişida Oliy Majlis Qonunçilik palatasida uçta siyosiy partiya fraksiyalaridan iborat köpçilikni taşkil etuvçi «Demokratik blok» tuzilganligi munosabati bilan özining parlament quyi palatasidagi faoliyatini muxolifatdagi parlament ozçiligi sifatida amalga oşirişini e'lon qildi.

Özbekiston XDPning markaziy naşrlari: «Özbekiston ovozi» va «Golos Uzbekistana» gazlari, «Muloqot» jur.

Sobir Kurbonov.

Asl matn (kirill, PDF'dagidek)

ЎЗБЕКИСТОН ХАЛҚ ДЕМОКРАТИК ПАРТИЯСИ (Ўзбекистон ХДП) — Ўзбекистонддги сиёсий партиялардан бири. Ўзбекистон Республикаси Адлия вазирлиги томонидан 1991 йил 15 нояб. да рўихатга олинган. 2005 йил июлда партиянинг янги Дастури, 2004 йил нояб. да янги таҳрирдаги Устави тасдиқланди. Ўзбекистон ХДП ҳар бир оила, меҳнат кишисининг миллати, дини, эътиқоди, ижтимоий аҳволи ва келиб чиқишидан қатъи назар, моддий ва маънавий фаровон ҳаёт кечириши учун тенг имкониятлар яратиш, уларнинг конституциявий ҳуқуқлари ва инсоний эркинликларини кафолатлаш, шаъни, қадрқиммати, тинчлигини таъминлашни ўз вазифаси деб билади. Партия мамлакатимиз аҳолисининг ижтимоий муҳофазага муҳтож табақалари манфаатларини ифода этади ва ҳимоя қилади.

Ўзбекистон ХДПнинг олий органи — 5 йилда 1 марта чақириладиган қурултой. Унда партия Марказий кенгаши ва Марказий тафтиш комиссияси сайланади. Марказий кенгаш пленумида МК биринчи котиби ва котиблари (янги таҳрирдаги Уставга мувофиқ, МК раиси ва раис ўринбосарлари) ҳамда жорий ишларга раҳбарлик қилувчи Сиёсий ижроия қўмита сайланади. Ўзбекистон ХДП Марказий кенгаши 1котиблари: М.Расулов (199194), А.Жалолов (19942004); Марказий Кенгаш раислари: А. Рустамов (20042005), Л.Ғуломов (2005 йил июлдан). Ўзбекистон ХДП таркибида Қорақалпоғистон Республикаси, 12 та вилоят, Тошкент шаҳри, 171 та туман ва 29 шаҳар кенгашлари, 13730 та бошланғич ташкилот мавжуд. Партиянинг 585196 нафар аъзоси бор (2005 йил 1 янв.).

Ўзбекистон ХДП фаолиятининг асосий йўналиши парламентчилик ишидир. Олий Мажлиснинг Қонунчилик палатасида унинг 27 нафар депутатни бирлаштирувчи фракцияси мавжуд. Фракция 2005 йил 14 фев.даги йиғилишида Олий Мажлис Қонунчилик палатасида учта сиёсий партия фракцияларидан иборат кўпчиликни ташкил этувчи «Демократик блок» тузилганлиги муносабати билан ўзининг парламент қуйи палатасидаги фаолиятини мухолифатдаги парламент озчилиги сифатида амалга оширишини эълон қилди.

Ўзбекистон ХДПнинг марказий нашрлари: «Ўзбекистон овози» ва «Голос Узбекистана» газлари, «Мулоқот» жур.

Собир Курбонов.

Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.