Özbekiston yozuvçilari uyuşmasi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 24-b. — ziyouz.com
Özbekiston yozuvçilari uyuşmasi — yozuvçilarning köngilli ijodiy jamoat taşkiloti. 1934 yil 8— 11 martda bölgan Özbekiston yozuvçilarining 1qurultoyida taşkil etilgan. Bungaça ular turli tögarak va uyuşmalar holida faoliyat körsatgan. Jumladan, 1919 yil «Çiğatoy gurungi» nomli adabiy tögarak atrofida uyuşgan jadidlar özbek milliy adabiyotining şakllanişiga hissa qöşgan. 1926 yilda Samarqandda «Qizil qalam» nomli adabiy taşkilot tuzilgan, bu taşkilotning Qöqon, Farğona, Namanganda mahalliy şoxobçalari iş olib borgan.
Ö.Yo.u.ning birinçi raisligiga adabiyotşunos Rahmat Majidiy saylangan. Turli yillarda Ö.Yo.u.ga H.Olimjon, Oybek, Ş.Raşidov, Uyğun, A.Qahhor, B. Rahmonov, S. Azimov, Ö.Umarbekov, O. Yoqubov va boşqalar rahbarlik qilgan. 1996 yildan uyuşma raisi A. Oripov. Uyuşmaning 700 dan ortiq a'zosi bor. Viloyatlarda öz bölimlariga, Dörmon qişloğida ijod uyiga, şifoxona maskani, Adabiyot jamğarmasi va naşriyotiga ega. Muassisligida «Şarq yulduzi», «Zvezda Vostoka», «Yoşlik» jur.lari hamda «Özbekiston adabiyoti va san'ati», «Yozuvçi» gaz.lari çop etiladi. 2002 yilda Xalqaro aloqalar va badiiy tarjima kengaşi taşkil etildi.
Asl matn (kirill, PDF'dagidek)
ЎЗБЕКИСТОН ЁЗУВЧИЛАРИ УЮШМАСИ — ёзувчиларнинг кўнгилли ижодий жамоат ташкилоти. 1934 йил 8— 11 мартда бўлган Ўзбекистон ёзувчиларининг 1қурултойида ташкил этилган. Бунгача улар турли тўгарак ва уюшмалар ҳолида фаолият кўрсатган. Жумладан, 1919 йил «Чиғатой гурунги» номли адабий тўгарак атрофида уюшган жадидлар ўзбек миллий адабиётининг шаклланишига ҳисса қўшган. 1926 йилда Самарқандда «Қизил қалам» номли адабий ташкилот тузилган, бу ташкилотнинг Қўқон, Фарғона, Наманганда маҳаллий шохобчалари иш олиб борган.
Ў.Ё.у.нинг биринчи раислигига адабиётшунос Раҳмат Мажидий сайланган. Турли йилларда Ў.Ё.у.га Ҳ.Олимжон, Ойбек, Ш.Рашидов, Уйғун, А.Қаҳҳор, Б. Раҳмонов, С. Азимов, Ў.Умарбеков, О. Ёқубов ва бошқалар раҳбарлик қилган. 1996 йилдан уюшма раиси А. Орипов. Уюшманинг 700 дан ортиқ аъзоси бор. Вилоятларда ўз бўлимларига, Дўрмон қишлоғида ижод уйига, шифохона маскани, Адабиёт жамғармаси ва нашриётига эга. Муассислигида «Шарқ юлдузи», «Звезда Востока», «Ёшлик» жур.лари ҳамда «Ўзбекистон адабиёти ва санъати», «Ёзувчи» газ.лари чоп этилади. 2002 йилда Халқаро алоқалар ва бадиий таржима кенгаши ташкил этилди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.