«Özbeknavo»
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 108-b. — ziyouz.com
«Özbeknavo» «ÖZBEKNAVO», «Özbeknavo» estrada birlaşmasi — respublikada estrada san'ati sohasida faoliyat yurituvçi taşkilot. 1996 yil ÖzR Madaniyat işlari vazirligi tasarrufida Özbek davlat estrada birlaşmasi hamda Özbek davlat filarmoniyasi negizida «Özbeknavo» gastrol konsert birlaşmasi nomi bilan taşkil etilgan. 2001 yildan hoz. nomda. Asosiy vazifasi Özbekiston estrada san'atini rivojlantiriş, estrada jamoalari, yakka ijroçilar faoliyatini muvofiqlaştiriş va takomillaştiriş, ularning ijodii, iqtisodii, huquqii manfaatlarini himoya qiliş, respublika hududida va uning taşqarisida gastrolkonsert faoliyatini amalga oşiriş, yakka ijroçilar va estrada guruhlarining faoliyat yuritişi uçun litsenziyalar beriş, estrada sohasida axborot ma'lumotlar bazasini yaratiş, monitoring ötkaziş va boşqalar «Ö.» respublikada ötkaziladigan milliy bayramlar, yubiley tantanalari va boşqalar rasmiy davlat tadbirlariga mas'ul bölib, ular uçun maxsus şoudasturlar, tomoşa, konsertlarni tayyorlaydi. Yoş iqtidorli san'atkorlarni rağbatlantiriş maqsadida Ma'murjon Uzoqov va Jöraxon Sultonov nomidagi (Marğilon), Hoji Abdulaziz Abdurasulov nomidagi (Samarqand), Komiljon Otaniyozov nomidagi (Xorazm), F. Mamadaliyev va O.Yusupov nomidagi (Andijon) an'anaviy xonandalik tanlovi, «Asrlar navosi» köhna milliy sozlar ijroçilari (Buxoro), «Yangi taronalar» hamda «Aziz ona yurtim navolari» milliy estradamusiqa tanlovlari va boşqalarni ötkazadi. «Ö.» birlaşmasining Qoraqalpoğiston Respublikasi hamda barça viloyatlarda bölimlari mavjud.
Yöldoş Norbötayev.
Asl matn (kirill, PDF'dagidek)
«ЎЗБЕКНАВО», «Ўзбекнаво» эстрада бирлашмаси — республикада эстрада санъати соҳасида фаолият юритувчи ташкилот. 1996 йил ЎзР Маданият ишлари вазирлиги тасарруфида Ўзбек давлат эстрада бирлашмаси ҳамда Ўзбек давлат филармонияси негизида «Ўзбекнаво» гастроль концерт бирлашмаси номи билан ташкил этилган. 2001 йилдан ҳоз. номда. Асосий вазифаси Ўзбекистон эстрада санъатини ривожлантириш, эстрада жамоалари, якка ижрочилар фаолиятини мувофиқлаштириш ва такомиллаштириш, уларнинг ижодии, иқтисодии, ҳуқуқии манфаатларини ҳимоя қилиш, республика ҳудудида ва унинг ташқарисида гастрольконцерт фаолиятини амалга ошириш, якка ижрочилар ва эстрада гуруҳларининг фаолият юритиши учун лицензиялар бериш, эстрада соҳасида ахборот маълумотлар базасини яратиш, мониторинг ўтказиш ва бошқалар «Ў.» республикада ўтказиладиган миллий байрамлар, юбилей тантаналари ва бошқалар расмий давлат тадбирларига масъул бўлиб, улар учун махсус шоудастурлар, томоша, концертларни тайёрлайди. Ёш иқтидорли санъаткорларни рағбатлантириш мақсадида Маъмуржон Узоқов ва Жўрахон Султонов номидаги (Марғилон), Ҳожи Абдулазиз Абдурасулов номидаги (Самарқанд), Комилжон Отаниёзов номидаги (Хоразм), Ф. Мамадалиев ва О.Юсупов номидаги (Андижон) анъанавий хонандалик танлови, «Асрлар навоси» кўҳна миллий созлар ижрочилари (Бухоро), «Янги тароналар» ҳамда «Азиз она юртим наволари» миллий эстрадамусиқа танловлари ва бошқаларни ўтказади. «Ў.» бирлашмасининг Қорақалпоғистон Республикаси ҳамда барча вилоятларда бўлимлари мавжуд.
Йўлдош Норбўтаев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.