«Özkabel» aksiyadorlik jamiyati
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 118-b. — ziyouz.com
«Özkabel» aksiyadorlik jamiyati — elektrotexnika sanoatining yirik korxonasi. Toşkent şahrida joylaşgan. «Özeltexsanoat» uyuşmasi tarkibiga kiradi. Energetika, geologiya, t.y. transporti, aloqa, maşinasozlik va boşqalar sanoat tarmoqlarida işlatiladigan turli xil kabel mahsulotlari: yuqori kuçlanişli elektr kabellari, şahar telefon tarmoqlari va uzoq masofalar aloqa kabellari; qoplamali elektr simlari, payvandlaş, elektr energiyasini uzatiş simlari, neft nasoslari uçun kabellar, geofizika kabellari va simlari işlab çiqaradi. Toşkentga evakuatsiya qilingan «Elektrokabel» z-di asosida 1941 yil noyab.da taşkil qilingan.
Uruş yillarida harbiydala aloqasi uçun simlar işlab çiqargan. Uruşdan keyin geofizika tadqiqot kabellari, yöllarni elektrlaştiriş uçun kontaktli simlar işlab çiqarişda yetakçi korxonaga aylandi. Korxonada mis katanka işlab çiqarişdan boşlab murakkab kabel mahsuloti turlarini işlab çiqarişgaça töliq texnologik sikl yaratilgan. 1995 yildan oçiq turdagi aksiyadorlik jamiyati. 2003 yildan çet el investitsiyasi iştirokidagi ÖzbekistonAmerika qöşma korxonasi aksiyadorlik jamiyati («2yegotax» kompaniyasi korxona aksiyalarining 64% ga ega). Korxona AQŞ, Italiyada işlab çiqarilgan uskunalar bilan jihozlandi. Mahsulotlari sifati xalqaro standartlarga javob beradi. 2004 yilda 99 t mis sim, 75 t trolley simlari, 254 km uzoq aloqa kabellari, 1458 km geofizika kabellari, 9322 km yoritiş kabellari va boşqalar mahsulotlar işlab çiqarildi, eksport 11 mln. AQŞ dollarini taşkil etdi. Mahsulotlari Rossiya, Ukraina, Qozoğistonga va boşqalar mamlakatlarga çiqariladi. Moskva, Yekaterinburg, Olmaota, Çimkent, Kiyevda savdo uylari oçilgan. Xalqaro «Elektrkabel» kabel mahsulotlari işlab çiqaruvçilar uyuşmasiga a'zo.
Asl matn (kirill, PDF'dagidek)
«ЎЗКАБЕЛЬ» АКЦИЯДОРЛИК ЖАМИЯТИ — электротехника саноатининг йирик корхонаси. Тошкент шаҳрида жойлашган. «Ўзэлтехсаноат» уюшмаси таркибига киради. Энергетика, геология, т.й. транспорти, алоқа, машинасозлик ва бошқалар саноат тармоқларида ишлатиладиган турли хил кабель маҳсулотлари: юқори кучланишли электр кабеллари, шаҳар телефон тармоқлари ва узоқ масофалар алоқа кабеллари; қопламали электр симлари, пайвандлаш, электр энергиясини узатиш симлари, нефть насослари учун кабеллар, геофизика кабеллари ва симлари ишлаб чиқаради. Тошкентга эвакуация қилинган «Электрокабель» з-ди асосида 1941 йил нояб.да ташкил қилинган.
Уруш йилларида ҳарбийдала алоқаси учун симлар ишлаб чиқарган. Урушдан кейин геофизика тадқиқот кабеллари, йўлларни электрлаштириш учун контактли симлар ишлаб чиқаришда етакчи корхонага айланди. Корхонада мис катанка ишлаб чиқаришдан бошлаб мураккаб кабель маҳсулоти турларини ишлаб чиқаришгача тўлиқ технологик цикл яратилган. 1995 йилдан очиқ турдаги акциядорлик жамияти. 2003 йилдан чет эл инвестицияси иштирокидаги ЎзбекистонАмерика қўшма корхонаси акциядорлик жамияти («2еготах» компанияси корхона акцияларининг 64% га эга). Корхона АҚШ, Италияда ишлаб чиқарилган ускуналар билан жиҳозланди. Маҳсулотлари сифати халқаро стандартларга жавоб беради. 2004 йилда 99 т мис сим, 75 т троллей симлари, 254 км узоқ алоқа кабеллари, 1458 км геофизика кабеллари, 9322 км ёритиш кабеллари ва бошқалар маҳсулотлар ишлаб чиқарилди, экспорт 11 млн. АҚШ долларини ташкил этди. Маҳсулотлари Россия, Украина, Қозоғистонга ва бошқалар мамлакатларга чиқарилади. Москва, Екатеринбург, Олмаота, Чимкент, Киевда савдо уйлари очилган. Халқаро «Электркабель» кабель маҳсулотлари ишлаб чиқарувчилар уюшмасига аъзо.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.