Patrik Viktor Martindeyl Uayt
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 2–3-b. — ziyouz.com
Uayt Patrik Viktor Martindeyl UAYT (White) Patrik Viktor Martindeyl (1912.28.5, London — 1990, Avstraliya) — avstraliya yozuvçisi. Kembrij un-tini tugatgan (1935). 1940—45 y.lar Britaniya aviatsiyasida xizmat qilgan. 1946 y. dan Avstraliyada yaşagan. Birinçi romani — «Baxtli vodiy» (1939). Ikkinçi romani — «Tiriklar va öliklar» 2-jahon uruşi yillari yaratilgan. Uruşdan keyin «Abissiniyaga qaytiş» va «Soxta dafn» pyesalarini yozgan. «Xolamning sarguzaşti» romani AQŞda yaxşi baholangan. Asar öz içki dunyosiga berilib aqldan ozgan Gudmen ismli ayol haqida. «Inson şajarasi» (1955) romani erkak va ayolning oilaviy tarixi haqida bölib, yozuvçi oddiy kişilar hayoti misolida insoniy hayotning uluğvorligini aks ettirgan. U. «Tumor» (1966), «Vivisektor» (1970), «Böron közi» (1973) kabi romanlar muallifi. Novellalar ham yozgan («Kuyganlar» va b.). Sönggi asarlari: «Yaproqdan yasalgan belboğ» (1977), «Tuaynbernlar b-n bölgan çigal iş» (1979) romanlari, «Tom tösinidagi xudo» (1978) şe'rlar töplami. Xilmaxil nutqiy qatlamlar va ohanglarning, poetik ramzlar va «ayovsiz» realizmning, kötarinki ruh va mubolağaning özaro qöşilib ketişi U. uslubiga xos xususiyatdir. Nobel mukofoti laureati (1973).
Asl matn (kirill, PDF'dagidek)
УАЙТ (White) Патрик Виктор Мартиндейл (1912.28.5, Лондон — 1990, Австралия) — австралия ёзувчиси. Кэмбриж ун-тини тугатган (1935). 1940—45 й.лар Британия авиациясида хизмат қилган. 1946 й. дан Австралияда яшаган. Биринчи романи — «Бахтли водий» (1939). Иккинчи романи — «Тириклар ва ўликлар» 2-жаҳон уруши йиллари яратилган. Урушдан кейин «Абиссинияга қайтиш» ва «Сохта дафн» пьесаларини ёзган. «Холамнинг саргузашти» романи АҚШда яхши баҳоланган. Асар ўз ички дунёсига берилиб ақлдан озган Гудмен исмли аёл ҳақида. «Инсон шажараси» (1955) романи эркак ва аёлнинг оилавий тарихи ҳақида бўлиб, ёзувчи оддий кишилар ҳаёти мисолида инсоний ҳаётнинг улуғворлигини акс эттирган. У. «Тумор» (1966), «Вивисектор» (1970), «Бўрон кўзи» (1973) каби романлар муаллифи. Новеллалар ҳам ёзган («Куйганлар» ва б.). Сўнгги асарлари: «Япроқдан ясалган белбоғ» (1977), «Туайнбернлар б-н бўлган чигал иш» (1979) романлари, «Том тўсинидаги худо» (1978) шеърлар тўплами. Хилмахил нутқий қатламлар ва оҳангларнинг, поэтик рамзлар ва «аёвсиз» реализмнинг, кўтаринки руҳ ва муболағанинг ўзаро қўшилиб кетиши У. услубига хос хусусиятдир. Нобель мукофоти лауреати (1973).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.