Patronaj
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 120–121-b. — ziyouz.com
Patronaj (frans. patronage — homiylik) — bolalar maslahatxonasi, poliklinikalari, ayollar maslahatxonalari, sil dispanseri va b. dispanserlar tomonidan yoş bolalar, homiladorlar va ayrim bemorlarga uy şaroitida tibbiy yordam körsatiş sistemasi. Bolalar maslahatxonasi va poliklinikalarida vraçga u xizmat qiladigan uçastka biriktiriladi; vraçga bir yoki ikkita P. hamşira yordam beradi, ular öz uçastkasidagi bolalarga uyda yordam körsatadi. P. hamşira bolaning soğliğini, bola parvarişini, oilaning moddiymaişiy turmuşini aniklaydi. P. hamşira va (akuşer) vraç uyda onalar b-n suhbat ötkazadi, bola emiziş, parvariş qiliş, çiniqtiriş qoidalarini örgatadi; raxit, sil, me'da-içak kasalliklarining oldini oliş, çeçak, difteriya, kökyötal, poliomiyelit, silga qarşi emlaşning ahamiyatini tuşuntiradi. Bola kasal bölib qolsa, qanday parvariş qilişni onaga örgatadi. Ona tuğruqxonadan çiqqanidan keyin 3 kun orasida P. hamşira yoki vraç uyga borib, çakaloqni sinçiklab tekşiradi va vaktvaqti b-n bolaning holidan xabar olib turadi.
Ayollar maslahatxonasi vraç va hamşiralari xotinlarga homiladorlik va tuqqandan keyingi davrda P. yordami beradi. P. uyda davolanadigan beozor surunkali ruhiy bemorlarga yordam berişning bir turi hamdir. Boşqa dispanserlar (onkologik, sil va b.) da P. bemorlarning muntazam katnab davolanişi va vraç belgilagan rejimni bajarişini nazorat qiladi.
Dilbar Maxmudova.
Asl matn (kirill, PDF'dagidek)
ПАТРОНАЖ (франц. patronage — ҳомийлик) — болалар маслаҳатхонаси, поликлиникалари, аёллар маслаҳатхоналари, сил диспансери ва б. диспансерлар томонидан ёш болалар, ҳомиладорлар ва айрим беморларга уй шароитида тиббий ёрдам кўрсатиш системаси. Болалар маслаҳатхонаси ва поликлиникаларида врачга у хизмат қиладиган участка бириктирилади; врачга бир ёки иккита П. ҳамшира ёрдам беради, улар ўз участкасидаги болаларга уйда ёрдам кўрсатади. П. ҳамшира боланинг соғлиғини, бола парваришини, оиланинг моддиймаиший турмушини аниклайди. П. ҳамшира ва (акушер) врач уйда оналар б-н суҳбат ўтказади, бола эмизиш, парвариш қилиш, чиниқтириш қоидаларини ўргатади; рахит, сил, меъда-ичак касалликларининг олдини олиш, чечак, дифтерия, кўкйўтал, полиомиелит, силга қарши эмлашнинг аҳамиятини тушунтиради. Бола касал бўлиб қолса, қандай парвариш қилишни онага ўргатади. Она туғруқхонадан чиққанидан кейин 3 кун орасида П. ҳамшира ёки врач уйга бориб, чакалоқни синчиклаб текширади ва вактвақти б-н боланинг ҳолидан хабар олиб туради.
Аёллар маслаҳатхонаси врач ва ҳамширалари хотинларга ҳомиладорлик ва туққандан кейинги даврда П. ёрдами беради. П. уйда даволанадиган беозор сурункали руҳий беморларга ёрдам беришнинг бир тури ҳамдир. Бошқа диспансерлар (онкологик, сил ва б.) да П. беморларнинг мунтазам катнаб даволаниши ва врач белгилаган режимни бажаришини назорат қилади.
Дилбар Махмудова.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.