Per Fabian Lagerkvist
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 9-b. — ziyouz.com
Lagerkvist Per Fabian LAGERKVIST (Lagerkvist) Per Fabian (1891.23.5, Vekşyo - 1974.11.7, Stokgolm) — şved yezuvçisi va dramaturgi. Şvetsiya akad. (1940). «Temir va odam» (1915) novellalari, «Qörquv» (1916) şe'riy töplamlari va «Kayfiyat» (1919) asarida simvolizm ta'siri seziladi. L. ijodda yangilikka intilib, nazm va nasrda şakliy kaşfiyotlar yaratiş yölidan borgan. Uning «Oxirgi inson» (1917), «Mangu tabassum» (1920), «Körinmas odam» (1923) dramalarida 1-jahon uruşining dahşatlari, inson boşiga tuşgan fojealar aks ettirilgan. «Yovuz sagalar» (1924) satirik töplam va «Bu dunyo mehmoni» (1925) avtobiografik qissasida turmuş haqiqati yorqin ifodalangan . «Jallod» (1933), «Pakana odam» (1944) qissalari, «Ruh» (1937), «Qöşiq va jang» (1940) şe'riy töplamlari yovuzlik va yomonlikka qarşi kuraş ruhida. «Varavva» (1950) romanida qahri qattiq qaroqçining tarixi misolida odam Xudoni tanişi va iymonga kelişi haqida söz yuritilgan. L. Injil mavzulari asosida yaratilgan «Sivilla» (1956), «Agasferning ölimi» (1960), «Muqaddas yer» (1964), «Mariamna» (1967) va b. qissalar muallifi. Nobel mukofoti laureati (1951).
Asl matn (kirill, PDF'dagidek)
ЛАГЕРКВИСТ (Lagerkvist) Пер Фабиан (1891.23.5, Векшё - 1974.11.7, Стокгольм) — швед езувчиси ва драматурги. Швеция акад. (1940). «Темир ва одам» (1915) новеллалари, «Қўрқув» (1916) шеърий тўпламлари ва «Кайфият» (1919) асарида символизм таъсири сезилади. Л. ижодда янгиликка интилиб, назм ва насрда шаклий кашфиётлар яратиш йўлидан борган. Унинг «Охирги инсон» (1917), «Мангу табассум» (1920), «Кўринмас одам» (1923) драмаларида 1-жаҳон урушининг даҳшатлари, инсон бошига тушган фожеалар акс эттирилган. «Ёвуз сагалар» (1924) сатирик тўплам ва «Бу дунё меҳмони» (1925) автобиографик қиссасида турмуш ҳақиқати ёрқин ифодаланган . «Жаллод» (1933), «Пакана одам» (1944) қиссалари, «Руҳ» (1937), «Қўшиқ ва жанг» (1940) шеърий тўпламлари ёвузлик ва ёмонликка қарши кураш руҳида. «Варавва» (1950) романида қаҳри қаттиқ қароқчининг тарихи мисолида одам Худони таниши ва иймонга келиши ҳақида сўз юритилган. Л. Инжил мавзулари асосида яратилган «Сивилла» (1956), «Агасфернинг ўлими» (1960), «Муқаддас ер» (1964), «Мариамна» (1967) ва б. қиссалар муаллифи. Нобель мукофоти лауреати (1951).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.