Piskom
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 234-b. — ziyouz.com
Piskom — Toşkent viloyatidagi daryo. Çirçiq daryosining öng boş irmoği. Maydontol tizmasining şim. yon bağridan oqib tuşadigan Maydontol va Piskom tizmasining şim.-ğarbiy yon bağridan oqib tuşadigan Oygay-ing soylarining qöşilişidan hosil bölib, şim.-şarqdan jan.-ğarb tomon oqadi va Çorvoq soyligiga kelganda Çatqol daryosi b-n qöşilib, Çirçiq daryosini hosil qiladi. Uz. 70 km, havzasining mayd. 2840 km2.
P. boş qismida çuqur toğ vodiysida toşlar orasidan, söngra terrasali keng vodiyda oqadi. P.ning havzasi ança baland (örtaça bal. 2645 m) bölib, unda umumiy mayd. 130 km2ga yaqin 140 dan ortiq kiçik muzlik bor. P. qor-muzlik suvidan töyinadi. Örtaça köp yillik suv sarfi 82 m3/sek. Yillik oqimning 47% mart — iyun, 38% iyul— sent., qolgan 15% esa okt. — fev. oylarida oqib ötadi. Suvi martdan kupaya boşlaydi, iyun—iyulda eng köp, yanv.—fev. da esa eng kam böladi. Eng köp suv sarfi 700 m3/sek. va undan ortiq, eng kam suv sarfi 10 m3/sek. gaça. P. ança loyqa daryo (har 1 m3 suvida örtaça hisobda 200 g loyqa böladi). P.ga 40 dan ortiq soy va jilğalar kelib qöşiladi. Ulardan eng yiriklari: Ixnaçsoy, Qoraqizsoy, Teparsoy, Aksarsoy va Novalisoy.
Asl matn (kirill, PDF'dagidek)
ПИСКОМ — Тошкент вилоятидаги дарё. Чирчиқ дарёсининг ўнг бош ирмоғи. Майдонтол тизмасининг шим. ён бағридан оқиб тушадиган Майдонтол ва Писком тизмасининг шим.-ғарбий ён бағридан оқиб тушадиган Ойгай-инг сойларининг қўшилишидан ҳосил бўлиб, шим.-шарқдан жан.-ғарб томон оқади ва Чорвоқ сойлигига келганда Чатқол дарёси б-н қўшилиб, Чирчиқ дарёсини ҳосил қилади. Уз. 70 км, ҳавзасининг майд. 2840 км2.
П. бош қисмида чуқур тоғ водийсида тошлар орасидан, сўнгра террасали кенг водийда оқади. П.нинг ҳавзаси анча баланд (ўртача бал. 2645 м) бўлиб, унда умумий майд. 130 км2га яқин 140 дан ортиқ кичик музлик бор. П. қор-музлик сувидан тўйинади. Ўртача кўп йиллик сув сарфи 82 м3/сек. Йиллик оқимнинг 47% март — июнь, 38% июль— сент., қолган 15% эса окт. — фев. ойларида оқиб ўтади. Суви мартдан купая бошлайди, июнь—июлда энг кўп, янв.—фев. да эса энг кам бўлади. Энг кўп сув сарфи 700 м3/сек. ва ундан ортиқ, энг кам сув сарфи 10 м3/сек. гача. П. анча лойқа дарё (ҳар 1 м3 сувида ўртача ҳисобда 200 г лойқа бўлади). П.га 40 дан ортиқ сой ва жилғалар келиб қўшилади. Улардан энг йириклари: Ихначсой, Қорақизсой, Тепарсой, Аксарсой ва Новалисой.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.