Pölat Saidqosimov
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 37-b. — ziyouz.com
Saidqosimov Pölat (1931.8.10, Toşkent) — Özbekiston xalq artisti (1979). Toşkent teatr va rassomlik san'ati in-tini tugatgan (1954). 1954— 57 y.lar H.Olimjon nomidagi Samarqand teatrida, 1957 y.dan Hamza (hoz. Özbek milliy akademik drama) teatrida aktyor. Keng kölamli, turli yeçimdagi, psixologik murakkab rollarga moyillik, inson ma'naviy dunyosini çuqur taxlil qiliş S. iste'dodiga xos bölib, obrazlari sodda va tabiiyligi, mukammal sahna nutqi, aktyorlik ifoda vositalarining löndaligi b-n ajralib turadi. «Xolisxon»dagi Rustam S.ning sahnada yaratgan ilk obrazidir. Pölat (O. Yoqubov, «Yurak yonmoği kerak»), Abdullatif («Mirzo Uluğbek»), Ilyos (Ç. Aytmatov, «Sarvqomat dilbarim»), Edgar (U. Şekspir «Qirol Lir»), Karimjon (A.Qahhor, «Ayajonlarim»), Salimboyvaçça (Oybek, «Qutluğ qon»), Avrangzeb (Uyğun, «Zebunniso»), Sobirov (I. Sulton, «Imon»), Sağdiyev (O. Abdullin, «Un uçinçi rais»), Zargarov (A. Muxtor, «Saxro tor»), Bobo (U. Azim, «Bir kadam yöl») kabilar teatrda yaratgan eng yaxşi rollaridir. Kinoda Mahkam («Muhabbat mojarosi»), Beruniy («Abu Rayhon Beruniy»), Zavqiy («Olovli yöllar»), Ğafurov («Ilondan saqlan»), Ilyos ota («Tong otgunça») va b.; telefilmda Otaqözi («Diyonat»), Mirzakarimboy («Qutluğ qon»), Muhammad çatoq («Girdob»), Çerkaşin («Içkuyov»), Töğonbek («Alişer Navoiy»), Abdullatif («Uluğbek xazinasi») kabi bir qança rollarni ijro etgan. «El-yurt hurmati» ordeni b-n mukofotlangan (2001).
Asl matn (kirill, PDF'dagidek)
САИДҚОСИМОВ Пўлат (1931.8.10, Тошкент) — Ўзбекистон халқ артисти (1979). Тошкент театр ва рассомлик санъати ин-тини тугатган (1954). 1954— 57 й.лар Ҳ.Олимжон номидаги Самарқанд театрида, 1957 й.дан Ҳамза (ҳоз. Ўзбек миллий академик драма) театрида актёр. Кенг кўламли, турли ечимдаги, психологик мураккаб ролларга мойиллик, инсон маънавий дунёсини чуқур тахлил қилиш С. истеъдодига хос бўлиб, образлари содда ва табиийлиги, мукаммал саҳна нутқи, актёрлик ифода воситаларининг лўндалиги б-н ажралиб туради. «Холисхон»даги Рустам С.нинг саҳнада яратган илк образидир. Пўлат (О. Ёқубов, «Юрак ёнмоғи керак»), Абдуллатиф («Мирзо Улуғбек»), Илёс (Ч. Айтматов, «Сарвқомат дилбарим»), Эдгар (У. Шекспир «Қирол Лир»), Каримжон (А.Қаҳҳор, «Аяжонларим»), Салимбойвачча (Ойбек, «Қутлуғ қон»), Аврангзеб (Уйғун, «Зебуннисо»), Собиров (И. Султон, «Имон»), Сағдиев (О. Абдуллин, «Ун учинчи раис»), Заргаров (А. Мухтор, «Сахро тор»), Бобо (У. Азим, «Бир кадам йўл») кабилар театрда яратган энг яхши ролларидир. Кинода Маҳкам («Муҳаббат можароси»), Беруний («Абу Райҳон Беруний»), Завқий («Оловли йўллар»), Ғафуров («Илондан сақлан»), Илёс ота («Тонг отгунча») ва б.; телефильмда Отақўзи («Диёнат»), Мирзакаримбой («Қутлуғ қон»), Муҳаммад чатоқ («Гирдоб»), Черкашин («Ичкуёв»), Тўғонбек («Алишер Навоий»), Абдуллатиф («Улуғбек хазинаси») каби бир қанча ролларни ижро этган. «Эл-юрт ҳурмати» ордени б-н мукофотланган (2001).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.