Pudrat şartnomasi
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 436-b. — ziyouz.com
Pudrat şartnomasi (rus. podryad — bir yöla) — fuqarolik-huquqiy bitim, unga köra, bir taraf (pudratçi) ikkinçi taraf (buyurtmaçi)nint topşiriğiga binoan, muayyan işni bajariş va uning natijasini buyurtmaçiga belgilangan muddatda topşiriş majburiyatini oladi. Buyurtmaçi esa, iş natijasini qabul qilib oliş va buning uçun haq tölaş majburiyatini oladi. Özbekiston Respublikasida P.ş.ning maişiy pudrat, quriliş pudrati, loyiha va qidiruv işlari pudrati, ilmiy tadqiqot, tajriba-konstruktorlik va texnologiya işlari pudrati singari alohida turlari bor. P.ş. buyumni tayyorlaş yoki qayta işlaş yoxud boşqa işni bajarib, uning natijalarini buyurtmaçiga topşiriş borasida tuziladi. Buyum tayyorlaş uçun tuzilgan P.ş. böyiça pud-ratçi buyumga bölgan huquqni buyurtmaçiga beradi. Agar şartnomada boşqaça qoida belgilanmagan bölsa, pudratçi buyurtmaçining topşiriğini bajariş usullarini özi belgilaydi. Agar P.ş.da boşqaça qoida nazarda tutilmagan bölsa, iş pudratçining qaramoğida — uning materiallaridan, uning kuçi b-n va vositalaridan foy-dalangan holda bajariladi. Pudratçi özi bergan materiallar va uskunalarning sifatiga, şuningdek, uçinçi şaxslarning huquqlari bölgan materiallar va uskunalarni berganligi uçun javob beradi. Agar qonun yoki P.ş.dan pudratçining şartnomada nazarda tutilgan işni şaxsan bajariş majburiyati kelib çiqmaydigan bölsa, pudratçi öz majburiyatlarini bajariş uçun boşka şaxslar (subpud-ratçilar) ni jalb qilişga haqlidir. Bu hodda pudratçi boş pudratçi vazi-fasini bajaradi. P.ş.ga oid huquqiy holatlar Özbekiston Respublikasi FKda bayon qilingan.
Asl matn (kirill, PDF'dagidek)
ПУДРАТ ШАРТНОМАСИ (рус. подряд — бир йўла) — фуқаролик-ҳуқуқий битим, унга кўра, бир тараф (пудратчи) иккинчи тараф (буюртмачи)нинт топшириғига биноан, муайян ишни бажариш ва унинг натижасини буюртмачига белгиланган муддатда топшириш мажбуриятини олади. Буюртмачи эса, иш натижасини қабул қилиб олиш ва бунинг учун ҳақ тўлаш мажбуриятини олади. Ўзбекистон Республикасида П.ш.нинг маиший пудрат, қурилиш пудрати, лойиҳа ва қидирув ишлари пудрати, илмий тадқиқот, тажриба-конструкторлик ва технология ишлари пудрати сингари алоҳида турлари бор. П.ш. буюмни тайёрлаш ёки қайта ишлаш ёхуд бошқа ишни бажариб, унинг натижаларини буюртмачига топшириш борасида тузилади. Буюм тайёрлаш учун тузилган П.ш. бўйича пуд-ратчи буюмга бўлган ҳуқуқни буюртмачига беради. Агар шартномада бошқача қоида белгиланмаган бўлса, пудратчи буюртмачининг топшириғини бажариш усулларини ўзи белгилайди. Агар П.ш.да бошқача қоида назарда тутилмаган бўлса, иш пудратчининг қарамоғида — унинг материалларидан, унинг кучи б-н ва воситаларидан фой-даланган ҳолда бажарилади. Пудратчи ўзи берган материаллар ва ускуналарнинг сифатига, шунингдек, учинчи шахсларнинг ҳуқуқлари бўлган материаллар ва ускуналарни берганлиги учун жавоб беради. Агар қонун ёки П.ш.дан пудратчининг шартномада назарда тутилган ишни шахсан бажариш мажбурияти келиб чиқмайдиган бўлса, пудратчи ўз мажбуриятларини бажариш учун бошка шахслар (субпуд-ратчилар) ни жалб қилишга ҳақлидир. Бу ҳодда пудратчи бош пудратчи вази-фасини бажаради. П.ш.га оид ҳуқуқий ҳолатлар Ўзбекистон Республикаси ФКда баён қилинган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.