Qaffol Şoşiy maqbarasi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 94-b. — ziyouz.com
Qaffol Şoşiy maqbarasi — Toşkent şahridagi me'moriy yodgorlik (16-asr); Hazrati Imom (Hastimom) nomi bilan maşhur bölgan imom Abu Bakr Muhammad ibn Ali Ismoil Qaffol aşŞoşiyga atab, uning qabri ustiga qurilgan. Dastlabki maqbara saqlanmagan. Q.Ş.m. me'mor Ğulom Husayn tomonidan 1541—42 yillarda çorsi (25x26x5 sm) pişiq ğiştdan bunyod etilgan. Maqbaraçorgoqtarxli (13,3x12,5 m), katta xona va uning töridagi sağanali xonadan iborat. Katta xona (6x6 m) ning uç tomoni peştoqli, qöş qavatli gumbaz bilan yopilgan. Boş peştoq va uning 2 yonidagi burjlari an'anaviy usulda. Maqbara burçaklarida 2 va 3 qavatli 8 yoqli va törtburçak tarhli hujralar bor. Eşik tepasidagi kitobada maqbara qurilgan sana, me'mor va xattotning nomi yozilgan; poygumbazidagi yozuvlar saqlanmagan. Maqbaraning tarzlari bezaksiz, derazalariga panjaralar işlangan. Maqbara poliga mavjli qilib ğiştlar yotqizilgan. Q.Ş.m. asosida keyinçalik Hazrati Imom majmuasi vujudga kelgan.
Asl matn (kirill, PDF'dagidek)
ҚАФФОЛ ШОШИЙ МАҚБАРАСИ — Тошкент шаҳридаги меъморий ёдгорлик (16-аср); Ҳазрати Имом (Ҳастимом) номи билан машҳур бўлган имом Абу Бакр Муҳаммад ибн Али Исмоил Қаффол ашШошийга атаб, унинг қабри устига қурилган. Дастлабки мақбара сақланмаган. Қ.Ш.м. меъмор Ғулом Ҳусайн томонидан 1541—42 йилларда чорси (25x26x5 см) пишиқ ғиштдан бунёд этилган. Мақбарачоргоқтархли (13,3x12,5 м), катта хона ва унинг тўридаги сағанали хонадан иборат. Катта хона (6x6 м) нинг уч томони пештоқли, қўш қаватли гумбаз билан ёпилган. Бош пештоқ ва унинг 2 ёнидаги буржлари анъанавий усулда. Мақбара бурчакларида 2 ва 3 қаватли 8 ёқли ва тўртбурчак тарҳли ҳужралар бор. Эшик тепасидаги китобада мақбара қурилган сана, меъмор ва хаттотнинг номи ёзилган; пойгумбазидаги ёзувлар сақланмаган. Мақбаранинг тарзлари безаксиз, деразаларига панжаралар ишланган. Мақбара полига мавжли қилиб ғиштлар ётқизилган. Қ.Ш.м. асосида кейинчалик Ҳазрати Имом мажмуаси вужудга келган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.