Qarnob qalay koni
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 71-b. — ziyouz.com
Qarnob qalay koni — Samarqand viloyati Nurobod tumanidagi kon. 1943 yilda oçilgan. 1952—58y. larmobaynida özlaştirilgan. Kon Qarnob— Lapas regional yoriğining şim. blokida joylaşgan. 20 dan ortiq tik yotuvçi rudali tanalar mavjud bölib, ulardan 20—50 m çuqurlikkaça bölganlari qadimiy ruda izlovçilar tomonidan va konni keyingi özlaştiriş (1940—50 yillar) jarayonida qazib olingan. Rudali tanalar morfologiyasi murakkab — tikka yotuvçi tarmoqlangan tomirlardan iborat bölib, ölçami 0,3—0,5 dan 1,5—2 m gaça qalinlikda, uz. 100 dan 550 m gaça. Ba'zi zonalari 400 m çuqurlikkaça aniqlangan. Rudalaniş bir tekis tarqalmagan, qalayning miqdori 0,1 dan 0,9% gaça. Q.q.k. gidrotermal konlar tipiga mansub. Ruda atrofi özgarişlarining asosiy tipi— berezitlaniş. Rudali jismlar töq kulrang kvars va intensiv ravişda berezitlaşgan hamda turmalin va sulfidli tomirçali maydalangan granitlardan tarkib topgan. Q.q.k. rudalariga asosiy mineral — kassiterit 1 mm ga yaqin jigarrang izometrik donaçalar va 2—4 mm qalinlikdagi tomirçalar şaklida bölib, tarkibida volfram, qörğoşin, rux, galliy elementlari bor. Kassiterit xolxol körinişda, ingiçka tomirçalar va alohida donalar şaklida uçraydi. Rudali jismlar tarkibida kassiterit 0,3—0,5%, galenit 0,3 — 0,5%, sfalerit 0,1—0,3%, xalkopirit 0,1—0,3%, pirit 1—2% da böladi. Ulardan taşqari, varlamovit, muşistonit, akantit, pirargirit, prustit, stannin, tillit, frankeit va boşqalarlardan tarkib topgan. Rudali tanalar tarkibida: qalay— 0,3— 0,4%, qörğoşin — 0,3%, mis 0,1—0,2%, rux 0,1%, kumuş 72 g/t, margimuş 0,1%, surma 0,1%ni taşkil qiladi. Rudalanişning tik ölçami 500 m dan oşadi.
Asl matn (kirill, PDF'dagidek)
ҚАРНОБ ҚАЛАЙ КОНИ — Самарқанд вилояти Нуробод туманидаги кон. 1943 йилда очилган. 1952—58й. лармобайнида ўзлаштирилган. Кон Қарноб— Лапас регионал ёриғининг шим. блокида жойлашган. 20 дан ортиқ тик ётувчи рудали таналар мавжуд бўлиб, улардан 20—50 м чуқурликкача бўлганлари қадимий руда изловчилар томонидан ва конни кейинги ўзлаштириш (1940—50 йиллар) жараёнида қазиб олинган. Рудали таналар морфологияси мураккаб — тикка ётувчи тармоқланган томирлардан иборат бўлиб, ўлчами 0,3—0,5 дан 1,5—2 м гача қалинликда, уз. 100 дан 550 м гача. Баъзи зоналари 400 м чуқурликкача аниқланган. Рудаланиш бир текис тарқалмаган, қалайнинг миқдори 0,1 дан 0,9% гача. Қ.қ.к. гидротермал конлар типига мансуб. Руда атрофи ўзгаришларининг асосий типи— березитланиш. Рудали жисмлар тўқ кулранг кварц ва интенсив равишда березитлашган ҳамда турмалин ва сульфидли томирчали майдаланган гранитлардан таркиб топган. Қ.қ.к. рудаларига асосий минерал — касситерит 1 мм га яқин жигарранг изометрик доначалар ва 2—4 мм қалинликдаги томирчалар шаклида бўлиб, таркибида вольфрам, қўрғошин, рух, галлий элементлари бор. Касситерит холхол кўринишда, ингичка томирчалар ва алоҳида доналар шаклида учрайди. Рудали жисмлар таркибида касситерит 0,3—0,5%, галенит 0,3 — 0,5%, сфалерит 0,1—0,3%, халькопирит 0,1—0,3%, пирит 1—2% да бўлади. Улардан ташқари, варламовит, мушистонит, акантит, пираргирит, прустит, станнин, тиллит, франкеит ва бошқаларлардан таркиб топган. Рудали таналар таркибида: қалай— 0,3— 0,4%, қўрғошин — 0,3%, мис 0,1—0,2%, рух 0,1%, кумуш 72 г/т, маргимуш 0,1%, сурма 0,1%ни ташкил қилади. Рудаланишнинг тик ўлчами 500 м дан ошади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.