Qaror
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 71–72-b. — ziyouz.com
Qaror (huquqda) — 1) davlat organi yoki mansabdor şaxsning öz vakolati doirasida muayyan maqsadga erişiş yölida qabul qiladigan va biror oqibat keltirib çiqaradigan hujjati. Q., odatda, ijro etuvçi hokimiyat organi tomonidan qabul qilinib, u ana şu organning öz vazifalarini amalga oşiriş vositalari va yöllarini nazarda tutgan boşqaruv vaziyatini tahlil etiş hamda baholaşga oid erki ifodasi hisoblanadi. Q. ijro etuvçi hokimiyat tegişli organi kompetensiyasi doirasida qabul qilinadigan meyoriy yoki individual (aniq huquqiy hujjat körinişida yuridik rasmiylaştirilişi natijasida şaxs yoki vaziyatga taalluqli) huquqiy ahamiyat kasb etadi. Boşqaruv faoliyatini amalga oşiriş jarayonida uzoq muddatli va muayyan soha bilan boğliq faoliyat (işlar)ni istiqbolli loyihalaş yuzasidan Q.lar, mas, maqsadli dasturiy Q.lar, joriy asosiy faoliyatni amalga oşiriş böyiça tezkor, protsessual, uslubiy, tavsiyaviy, individual va şahrik. qarorlar qabul qilinişi mumkin. Q.da uni amalga oşiriş muddatlari va ijroçilari aniq belgilab qöyilgan böladi. U qabul qilinişidan oldin loyihasi tayyorlanib, muhokama qilinişi maqsadga muvofiqdir; 2) fuqarolik, xöjalik, ma'muriy va jinoyat işlari böyiça sud tarkibi yoki sudya çiqaradigan huquqiy hujjat (q. Sud qarori.).
Q.: Sud qarori
Asl matn (kirill, PDF'dagidek)
ҚАРОР (ҳуқуқда) — 1) давлат органи ёки мансабдор шахснинг ўз ваколати доирасида муайян мақсадга эришиш йўлида қабул қиладиган ва бирор оқибат келтириб чиқарадиган ҳужжати. Қ., одатда, ижро этувчи ҳокимият органи томонидан қабул қилиниб, у ана шу органнинг ўз вазифаларини амалга ошириш воситалари ва йўлларини назарда тутган бошқарув вазиятини таҳлил этиш ҳамда баҳолашга оид эрки ифодаси ҳисобланади. Қ. ижро этувчи ҳокимият тегишли органи компетенцияси доирасида қабул қилинадиган меъёрий ёки индивидуал (аниқ ҳуқуқий ҳужжат кўринишида юридик расмийлаштирилиши натижасида шахс ёки вазиятга тааллуқли) ҳуқуқий аҳамият касб этади. Бошқарув фаолиятини амалга ошириш жараёнида узоқ муддатли ва муайян соҳа билан боғлиқ фаолият (ишлар)ни истиқболли лойиҳалаш юзасидан Қ.лар, мас, мақсадли дастурий Қ.лар, жорий асосий фаолиятни амалга ошириш бўйича тезкор, процессуал, услубий, тавсиявий, индивидуал ва шаҳрик. қарорлар қабул қилиниши мумкин. Қ.да уни амалга ошириш муддатлари ва ижрочилари аниқ белгилаб қўйилган бўлади. У қабул қилинишидан олдин лойиҳаси тайёрланиб, муҳокама қилиниши мақсадга мувофиқдир; 2) фуқаролик, хўжалик, маъмурий ва жиноят ишлари бўйича суд таркиби ёки судья чиқарадиган ҳуқуқий ҳужжат (қ. Суд қарори.).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.