Qarşilik körsatiş harakati
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 80-b. — ziyouz.com
Qarşilik körsatiş harakati — 2-jahon uruşi davrida Germaniya, Italiya, Yaponiya bosqinçilariga, ularning ittifoqçilari va mahalliy sotqin agentlariga qarşi antifaşistik milliy ozodlik harakati. Qk.h. faşistlarga qarşi taşviqottarğibot, iş taşlaş, bosqinçilar ma'muriyatiga xizmat qiluvçi xodimlar, Vatan xoinlarini öldiriş, partizanlik kuraşi va umumxalq qurolli qözğolonlari şaklida olib borilib, Yugoslaviya, Fransiya, Italiya, Polşa, Çexoslovakiya, Gretsiya, Albaniya, Xitoy, Vyetnam, Koreya, Indoneziya, Filippin, Birma va boşqalar mamlakatlarda keng tus olgan.
Özbekistonlik köplab jangçilar Markaziy va Ğarbiy Yevropa mamlakatlaridagi Q.k.h. saflarida faol qatnaşganlar. Yugoslaviya va unga yaqin hududlarda 260 nafar özbekistonlik faşizmga qarşi janglarda iştirok etgan. Faşizmga qarşi umumxalq kuraşiga qöşilgan R.Rahimov, N.Amirov, H.Jabborov, H.Ismoilov (Fransiya), A.Mamajonov, T.Qöçqorov, Ş.Samatov, O.Berdiyev (Italiya) kabilarning qahramonliklari unutilmaydi.
Q.k.h.ning faşistlar blokini tor-mor keltirişdagi ahamiyati katta böldi. Bu harakat an'analaridan jahon xalqlari Yer yuzida tinçlikni saqlab qoliş uçun unumli foydalanmoqdalar.
Asl matn (kirill, PDF'dagidek)
ҚАРШИЛИК КЎРСАТИШ ҲАРАКАТИ — 2-жаҳон уруши даврида Германия, Италия, Япония босқинчиларига, уларнинг иттифоқчилари ва маҳаллий сотқин агентларига қарши антифашистик миллий озодлик ҳаракати. Қк.ҳ. фашистларга қарши ташвиқоттарғибот, иш ташлаш, босқинчилар маъмуриятига хизмат қилувчи ходимлар, Ватан хоинларини ўлдириш, партизанлик кураши ва умумхалқ қуролли қўзғолонлари шаклида олиб борилиб, Югославия, Франция, Италия, Польша, Чехословакия, Греция, Албания, Хитой, Вьетнам, Корея, Индонезия, Филиппин, Бирма ва бошқалар мамлакатларда кенг тус олган.
Ўзбекистонлик кўплаб жангчилар Марказий ва Ғарбий Европа мамлакатларидаги Қ.к.ҳ. сафларида фаол қатнашганлар. Югославия ва унга яқин ҳудудларда 260 нафар ўзбекистонлик фашизмга қарши жангларда иштирок этган. Фашизмга қарши умумхалқ курашига қўшилган Р.Раҳимов, Н.Амиров, Ҳ.Жабборов, Ҳ.Исмоилов (Франция), А.Мамажонов, Т.Қўчқоров, Ш.Саматов, О.Бердиев (Италия) кабиларнинг қаҳрамонликлари унутилмайди.
Қ.к.ҳ.нинг фашистлар блокини тор-мор келтиришдаги аҳамияти катта бўлди. Бу ҳаракат анъаналаридан жаҳон халқлари Ер юзида тинчликни сақлаб қолиш учун унумли фойдаланмоқдалар.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.