Qarta
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 73-b. — ziyouz.com
Qarta — otning yoğli yöğon içagi va undan maxsus tayyorlanadigan yaxna taom. Ot göştining qarta qismi yaxşilab işqab yuviladi. Şilliq pardasi tozalanib hidini ketkaziş uçun qatiqqa yoki zardobga bir kun botirib qöyiladi. Yuvib tozalangan Q.ni, kattakatta bölaklarga bölib, tuz, murç, zira va uzum sirkasi sepib, 10 soatgaça salqin yerga olib qöyiladi. Tayyor masalliq qaynab turgan suvga solinib pişiriladi. Şörvasiga piyoz, sabzi, dafna yaproği, tuyilmagan murç kabi ziravorlar qöşib, 2 soat sust olovda mildiratib qaynatiladi. Pişgan Q. sovitilib, salatlar bilan birga dasturxonga tortiladi.
Ba'zan Q.ning içi ağdarilib, tozalab yuviladi, oçilgan Q. yuzasiga tasmasimon kesilgan son göşti, töş yoği qöyilib, ruletga öxşab öraladi va çetlari hamda örtasi qalin ip bilan boğlanib, qozondagi sovuq suvga solib, 2—2,5 soat mildiratib qaynatiladi. Sovitib, yaproqlab kesib iste'mol qilinadi.
Asl matn (kirill, PDF'dagidek)
ҚАРТА — отнинг ёғли йўғон ичаги ва ундан махсус тайёрланадиган яхна таом. От гўштининг қарта қисми яхшилаб ишқаб ювилади. Шиллиқ пардаси тозаланиб ҳидини кетказиш учун қатиққа ёки зардобга бир кун ботириб қўйилади. Ювиб тозаланган Қ.ни, каттакатта бўлакларга бўлиб, туз, мурч, зира ва узум сиркаси сепиб, 10 соатгача салқин ерга олиб қўйилади. Тайёр масаллиқ қайнаб турган сувга солиниб пиширилади. Шўрвасига пиёз, сабзи, дафна япроғи, туйилмаган мурч каби зираворлар қўшиб, 2 соат суст оловда милдиратиб қайнатилади. Пишган Қ. совитилиб, салатлар билан бирга дастурхонга тортилади.
Баъзан Қ.нинг ичи ағдарилиб, тозалаб ювилади, очилган Қ. юзасига тасмасимон кесилган сон гўшти, тўш ёғи қўйилиб, рулетга ўхшаб ўралади ва четлари ҳамда ўртаси қалин ип билан боғланиб, қозондаги совуқ сувга солиб, 2—2,5 соат милдиратиб қайнатилади. Совитиб, япроқлаб кесиб истеъмол қилинади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.