Qaysin Şuvayeviç Quliyev
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 362–363-b. — ziyouz.com
Quliyev Qaysin Şuvayeviç (1917.1.11 — hoz. Kabarda-Balkariya Respublikasi, Çegem tumani — 1985.4.6) — bolqor şoiri. 2-jahon uruşi qatnaşçisi (1941—44). Moskvadagi Teatr san'ati in-tini tugatgan (1939). Ilk şe'rlar kitobi — «Assalom, tong» (1940). Asarlarida inson keçinmalari, tabiat, vatan, ozodlik va turmuş taşvişlari, öz zamonasi va tarixiy ötmiş voqealari aks etgan. «Qöşnilarim» (1939-45), «Daralar qöşiği» (1960) şe'riy töplamlari va «Yarador toş» (1964), «Yer kitobi» (1972), «Oqşom» (1974), «Zamin çiroyi» (1980) kabi dostonlar muallifi. Bolqor xalqi tarixi va taqdiriga bağişlangan «Qiş edi» (1985) epik asari umrining oxirlarida yozilgan. Bir qator Kavkaz xalqlari vakillari qatori Örta Osiyoga surgun qilingan Q. 1944—57 y.larda Qirğizistonda yaşagan. Özbekistonda ötkazilgan nufuzli adabiy tadbirlarda muntazam qatnaşgan. U özbek şe'riyatini nihoyatda qadrlagan; Zulfiya, Şukrullo, Abdulla Oripov kabi özbek şoirlarining şe'rlarini bolqor tiliga tarjima qilgan. «Gul va xanjar» (1968), «Közlaringni sevaman» (1977), «Meni ardoqlagan ayollarga» (2004) kitoblari özbek tilida naşr qilingan.
As: Sobraniye soçineniy, p 3-x t.. M., 1987.
Ad.: Efendiyev T., Kaysin Kuliyev, M., 1985.
Asl matn (kirill, PDF'dagidek)
ҚУЛИЕВ Қайсин Шуваевич (1917.1.11 — ҳоз. Кабарда-Балкария Республикаси, Чегем тумани — 1985.4.6) — болқор шоири. 2-жаҳон уруши қатнашчиси (1941—44). Москвадаги Театр санъати ин-тини тугатган (1939). Илк шеърлар китоби — «Ассалом, тонг» (1940). Асарларида инсон кечинмалари, табиат, ватан, озодлик ва турмуш ташвишлари, ўз замонаси ва тарихий ўтмиш воқеалари акс этган. «Қўшниларим» (1939-45), «Даралар қўшиғи» (1960) шеърий тўпламлари ва «Ярадор тош» (1964), «Ер китоби» (1972), «Оқшом» (1974), «Замин чиройи» (1980) каби достонлар муаллифи. Болқор халқи тарихи ва тақдирига бағишланган «Қиш эди» (1985) эпик асари умрининг охирларида ёзилган. Бир қатор Кавказ халқлари вакиллари қатори Ўрта Осиёга сургун қилинган Қ. 1944—57 й.ларда Қирғизистонда яшаган. Ўзбекистонда ўтказилган нуфузли адабий тадбирларда мунтазам қатнашган. У ўзбек шеъриятини ниҳоятда қадрлаган; Зулфия, Шукрулло, Абдулла Орипов каби ўзбек шоирларининг шеърларини болқор тилига таржима қилган. «Гул ва ханжар» (1968), «Кўзларингни севаман» (1977), «Мени ардоқлаган аёлларга» (2004) китоблари ўзбек тилида нашр қилинган.
Ас: Собрание сочинений, п 3-х т.. М., 1987.
Ад.: Эфендиев Т., Кайсын Кулиев, М., 1985.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.