Qayumov Şarif Ğaniyeviç
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 110–111-b. — ziyouz.com
Qayumov Şarif Ğaniyeviç (1905.25.1, Buxoro 1973, Toşkent) — aktyor va rej. Özbekiston xalq artisti (1952). Moskva özbek drama studiyasini tugatgan (1927). Faoliyatini Buxoro muallimlar tayyorlaş bilim yurtida öqib yurgan paytidan drama tögaragida qatnaşişdan boşlagan va Hoji Muin Şukrulloning «Mazluma xotin» pyesasidagi Tansiqoy rolini öynagan. Keyin Buxoro teatriga işga ötgan (1923), 1927—73 yillar Hamza nomidagi teatrda işlagan. Q. kiçik rollar ustasi sifatida tanilgan. Ferdinand, Şpigelberg (F.Şiller, «Makr va muhabbat», «Qaroqçilar»), Goratsio (U.Şekspir, «Hamlet»), Robinzon, Kuligin (A.Ostrovskiy, «Sepsiz qiz», «Momaqaldiroq») kabilar şular jumlasidan.
Milliy dramaturgiyada Naziriy (K.Yaşin, A.Umariy «Hamza»), Piri Zindoniy (M.Şayxzoda, «Mirzo Uluğbek»), Odilov (A. Qahhor, «Şohi sözana») kabi obrazlar yaratgan. «Uylaniş» (N.Gogol), «Uyğoniş» (N.Safarov), «Qözibuloq qişloği» (Lope de Vega), «Xatarli yöl» (Şukrullo), «Parvona» (Uyğun), «Tartyuf» (Molyer), «Meşçanlar» (M.Gorkiy), «Yuliy Sezar» (U.Şekspir) va boşqalar spektakllarni sahnalaştirgan. Q Özbekistonda radioteatr yaratilişiga ham katta hissa qöşgan. E. Xemingueyning «Çol va dengiz» asari, N.Gogolning «Ölik jonlar» romani asosida radiopostanovkalar yaratgan.
Asl matn (kirill, PDF'dagidek)
ҚАЮМОВ Шариф Ғаниевич (1905.25.1, Бухоро 1973, Тошкент) — актёр ва реж. Ўзбекистон халқ артисти (1952). Москва ўзбек драма студиясини тугатган (1927). Фаолиятини Бухоро муаллимлар тайёрлаш билим юртида ўқиб юрган пайтидан драма тўгарагида қатнашишдан бошлаган ва Ҳожи Муин Шукруллонинг «Мазлума хотин» пьесасидаги Тансиқой ролини ўйнаган. Кейин Бухоро театрига ишга ўтган (1923), 1927—73 йиллар Ҳамза номидаги театрда ишлаган. Қ. кичик роллар устаси сифатида танилган. Фердинанд, Шпигельберг (Ф.Шиллер, «Макр ва муҳаббат», «Қароқчилар»), Горацио (У.Шекспир, «Ҳамлет»), Робинзон, Кулигин (А.Островский, «Сепсиз қиз», «Момақалдироқ») кабилар шулар жумласидан.
Миллий драматургияда Назирий (К.Яшин, А.Умарий «Ҳамза»), Пири Зиндоний (М.Шайхзода, «Мирзо Улуғбек»), Одилов (А. Қаҳҳор, «Шоҳи сўзана») каби образлар яратган. «Уйланиш» (Н.Гоголь), «Уйғониш» (Н.Сафаров), «Қўзибулоқ қишлоғи» (Лопе де Вега), «Хатарли йўл» (Шукрулло), «Парвона» (Уйғун), «Тартюф» (Мольер), «Мешчанлар» (М.Горький), «Юлий Цезарь» (У.Шекспир) ва бошқалар спектаклларни саҳналаштирган. Қ Ўзбекистонда радиотеатр яратилишига ҳам катта ҳисса қўшган. Э. Хемингуэйнинг «Чол ва денгиз» асари, Н.Гоголнинг «Ўлик жонлар» романи асосида радиопостановкалар яратган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.