Qirqma
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 156-b. — ziyouz.com
Qirqma — xalq seleksiyasida çiqarilgan keçpişar qovun navi. Şakli ellipssimon, yirik, uçi tömtoq, uz. 30— 36 sm, oğirligi 4—6 kg. Dum tomoni sal burişgan, uç qismi deyarli tekis. Töri töliq, yirik, nozik. Tusi jigarrangsariq. Ustidagi gullari ingiçka. Pösti qattiq, eti oç yaşil, qalinligi 4,5—5 sm, örtaça tolali, sersuv, şirin. Uziş vaqtida tarkibida 7,4% qand (şu jumladan, saxa-roza 3,9%), 8,7% quruq modda bor. Saqlaniş davrida şirasi ortadi. Uruğxonasi örtaça kattalikda, uruği yirik. Uruği unib çiqqandan keyin hosili 100—110 kunda pişib yetiladi. Hosildorligi 240—280 s/ga. Uzoq vaqt asraş va taşişga çidamli. Toşkent viloyatida keng tarqalgan.
Asl matn (kirill, PDF'dagidek)
ҚИРҚМА — халқ селекциясида чиқарилган кечпишар қовун нави. Шакли эллипссимон, йирик, учи тўмтоқ, уз. 30— 36 см, оғирлиги 4—6 кг. Дум томони сал буришган, уч қисми деярли текис. Тўри тўлиқ, йирик, нозик. Туси жигаррангсариқ. Устидаги гуллари ингичка. Пўсти қаттиқ, эти оч яшил, қалинлиги 4,5—5 см, ўртача толали, серсув, ширин. Узиш вақтида таркибида 7,4% қанд (шу жумладан, саха-роза 3,9%), 8,7% қуруқ модда бор. Сақланиш даврида шираси ортади. Уруғхонаси ўртача катталикда, уруғи йирик. Уруғи униб чиққандан кейин ҳосили 100—110 кунда пишиб етилади. Ҳосилдорлиги 240—280 ц/га. Узоқ вақт асраш ва ташишга чидамли. Тошкент вилоятида кенг тарқалган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.