Qişki saroy
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 175–176-b. — ziyouz.com
Qişki saroy - Sankt-Peterburg ş.dagi me'moriy yodgorlik (1754—62, me'mori V.V.Rastrelli); barokko uslubida qurilgan. 1917 y.gaça Rossiya imperatorlarining qarorgohi bölgan; 1918 y.da qisman, 1922 y.da butunlay bino Ermitaj ixtiyoriga berilgan. Bino törtburçak şaklida içki hovlili; tarzlari Neva daryosi, Admiralteystvo hamda Saroy maydoniga qaragan. Mahobatli bino haşamdor va bir öq yönalişida joylaşgan; ölçamlari (1000 dan ortiq xona) va turliça körinişdagi tarzlari, ötkir çiqib turgan qismlar, zinapoyasimon burçaklar, özgaruvçan maromdagi ustunlar unga qudratli şakl, salobatlilik va körkamlik baxş etgan; öymakorlik, gançkorlik bilan işlanib, zarhallanganligi binoning tantanavorligini oşirgan. Interyerlari bir qança marotaba qaytadan özgartirilgan (mas, 1837 y.dagi yonğindan söng tarzlari va tantanalar zali ta'mirlangan).
Asl matn (kirill, PDF'dagidek)
ҚИШКИ САРОЙ - Санкт-Петербург ш.даги меъморий ёдгорлик (1754—62, меъмори В.В.Растрелли); барокко услубида қурилган. 1917 й.гача Россия императорларининг қароргоҳи бўлган; 1918 й.да қисман, 1922 й.да бутунлай бино Эрмитаж ихтиёрига берилган. Бино тўртбурчак шаклида ички ҳовлили; тарзлари Нева дарёси, Адмиралтейство ҳамда Сарой майдонига қараган. Маҳобатли бино ҳашамдор ва бир ўқ йўналишида жойлашган; ўлчамлари (1000 дан ортиқ хона) ва турлича кўринишдаги тарзлари, ўткир чиқиб турган қисмлар, зинапоясимон бурчаклар, ўзгарувчан маромдаги устунлар унга қудратли шакл, салобатлилик ва кўркамлик бахш этган; ўймакорлик, ганчкорлик билан ишланиб, зарҳалланганлиги бинонинг тантанаворлигини оширган. Интерьерлари бир қанча маротаба қайтадан ўзгартирилган (мас, 1837 й.даги ёнғиндан сўнг тарзлари ва тантаналар зали таъмирланган).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.