Qiyşiq böyin

Qiyşiq böyin - böyin yumşoq töqimalari va muskullarining bir tomonlama tortişişi, umurtqa poğonasi böyin qismining qiyşayişi yoki kasallanişi natijasida boşning bir tomonga qiyşayib qolişi. Köpinça homilaning ona qornida notöğri rivojlanişi yoki tuğruq vaqtida bola böynining yumşoq töqimasiga şikast yetişi oqibatida paydo (tuğma Q.b.) böladi. Kişi kuyganda, jarohatlanganda, yalliğlaniş jarayonlaridan söng böyinda çandiq hosil bölganda ham böyin qiyşayib qolişi mumkin. Tuğma Q.b.da böyin bir tomonga (şikast yetgan muskul tomonga) qiyşayib qoladi, ensa öşa tomonda yelkaga yaqin turadi, iyak esa kötarilgan va qarama-qarşi tomonga burilgan böladi. Çandiqlaniş natijasida paydo bölgan Q.b.da böyinning qiyşayişi çandiqning joylaşişi va katta-kiçikligiga boğliq. Bola boşini bemalol qimirlata olmasa-da, oğriq sezmaydi. Tuğma Q.b.da böyinning qiyşiqligi bola tuğilgan kunidan boşlab bilinadi. Öz vaqtida davolanmasa, unga ikkilamçi nuqsonlar — umurtqa poğonasi böyin qismining qiyşayişi qöşiladi. Köpinça çaqaloq boşi uzunçoq va yon tomonlari göyo yassi bölib körinadi. Tuğruq tufayli boş şaklining bu xildagi özgarişi keyinçalik yöqolib ketadi. Biroq bunday bola doimo boşini bir tomonga qiyşaytirib yotadi, bu esa Q.b.ning rivojlanişiga olib kelişi mumkin. Şu sababli, bolalar ensasi ostiga boş töfi tursin uçun yumşoq paxta çambar qöyiş tavsiya etiladi. Ona bolada salgina, hatto vaqtinçalik özgariş sezsa, darhol vraçga murojaat etişi kerak.

Ba'zi hollarda Q.b. operatsiya qilinadi. Operatsiyadan söng ota-ona vraç nazoratida davo gimnastikasi va massaj qilib turişlari kerak.